【3日2夜.多圖】林泳淘陳偉琪張曦雯網友力捧  6大女主持上位 

【3日2夜.多圖】林泳淘陳偉琪張曦雯網友力捧  6大女主持上位 

撰文:郭敏玲
出版:更新:

TVB旅遊節目《3日2夜》自播出以來反應不俗,更由第一輯添食到第二輯。節目深受年輕人歡迎,主要原因就是觀眾愛睇靚景,但絕對沒有那麼簡單!靚景始終要配靚人,才可以看得津津樂道,所以《3日2夜》主持每次都是重點(主持着泳衣部分更是必睇兼cap圖位)。早前講過節目近期加入新面孔,例如鄺潔楹被網民激讚好「Girlfriendable」,但好嘢點止咁少?這個節目都令不少女主持人氣彈起,大多數都是選過港姐的滄海遺珠,網民睇到都好似發現新大陸,不禁講句:「原來有咁高質嘅港姐㗎!」不用多口水了,就為大家精選一下《3日2夜》的優質靚女主持。

呢一下,殺死唔少男觀眾!

朱智賢

不講不知,原來朱智賢是2013年的落選港姐。2013年可算是人才輩出,光是頭3甲:陳凱琳、蔡思貝及劉佩玥,都是TVB近幾年熱捧的花旦。而朱智賢入行之後,一直都做演員及娛樂新聞台主播,但自從《3日2夜》出街之後,網民都對朱智賢另眼相看!因咩事?睇相你咪知囉!

着晚裝嘅Ashley好elegant㗎。
佢同好多人一樣都鐘意相機食先。
出水芙蓉就係呢啲。

張秀文

係人都知,張秀文係2010年港姐亞軍,但一向以來劇集方面都沒有特別多產出,主持節目居多。而每次她主持的旅遊節目,可能深知甚麼必睇位,所以浸溫泉、落海游水都是指定動作。她主持《3日2夜》當然不會待薄大家。

私底下嘅佢,係一個鄰家少女嚟。
曾幾何時,張秀文都有少女版王祖賢之稱。
又真係笑得幾尷尬喎!

林泳淘

2012港姐年有幾多滄海遺珠?Sorry,我諗真係答你唔到,但一定答到你,林泳淘係其中一個。之前已經拍過旅遊節目《情迷越南》,與同屆港姐陳潔玲做拍檔,兩人的青春活力感染力強,已經有好多人鐘意,直到《3日2夜》林泳淘Solo,更加不得了。有不少網民喜歡她夠傻氣,「講句嘢尷尷尬尬咁,好得意!」

原來林泳淘都鍾意動漫同睇cosplay!
呢個學生look,more啦!
陳偉琪,講完!

陳偉琪

早前爆出曾為溫哥華市長在選舉助選,兼疑似與前男友民主黨成員吳永輝的色情照片而聲名大噪的陳偉琪,其實是2013年的落選港姐。打開籃球的她,身材都好似都好似佢興趣咁,所以在《3日2夜》節目中,在首爾著住泳裝玩水玩到大家「嘩嘩聲」。

其實佢都有好有女人味嘅一面!
呢啲係叫健康性感!
佢呢個look真係好似公主咁!好有仙氣!

范文雅

可能大家對佢會比較陌生,但佢係2010年度墨爾本華裔小姐冠軍嚟㗎!她在《3日2夜》裏玩轉海陸空,雖然討論度不及其他女主持高,但外形都散發一種獨有氣質,好似公主走到現實世界咁。

有冇少少似《冰雪奇緣》嘅Elsa?我就覺得幾似嘞。
容許我大叫一聲女神嗎?!

張曦雯

最後又怎少得張曦雯?早前她到馬爾代夫拍攝《3日2夜》時,自己率先放上一輯着住泳衣坐遊艇的照片,本來身型高䠷的她,又有長腿又有曲線,身為女仔望見都有少少想流鼻血。

我想做佢手上個條魚。
如果張曦雯為我煮飯就好啦。