靚飛被扣捱鬧多個演唱會撞到應張敬軒頻撲搶人才

張敬軒月底舉行跨年演唱會，Fans為撲飛奔波，原來軒仔亦要搶人，因陳奕迅、許廷鏗、楊千嬅等歌手今個月排隊開騷，軒仔透露要搶奪舞蹈員、樂手及服裝人員。

張敬軒昨日在尖沙咀出席手機活動，其後便閉關為跨年演唱會作準備。近期演唱會如雨後春筍，陳奕迅、許廷鏗、楊千嬅、吳若希、ERROR等先後於今個月開騷，難怪軒仔透露要搶Dancer及樂手，連協助換衫的服裝人員也要搶，但覺得是開心事。

講到Fans要搶購他的門票，軒仔直言今次想了很多方法，最少希望歌迷會Die Hard粉絲可以買到飛，但因有不少靚飛在贊助商手上，最終一樣被鬧，故希望下次開騷，可以成為主辦單位之一，確保歌迷會能買到喜歡的飛，笑言資金方面有英皇老闆楊受成作最強後盾。

明年飛法國叉電

軒仔每次開騷也引起「家庭糾紛」，問到今次可有因門票問題與父母鬧交？他笑說：「今次佢哋全部落唔到嚟，所以風平浪靜。」演出以Side Track為主題，他表示歌曲編排上也會照顧第一次欣賞其演唱會的觀眾，叫大家不用擔心，加上不會錄影，每晚也是獨一無二。

因綵排而未能在聖誕玩餐飽，軒仔說：「大時大節開工係開心事，唔係就要好好檢討。記得第一個經理人同我講，節日除咗清明、重陽，係應該要有工作，放假最快要出年3月，希望去法國旅行。」接着他要準備為英皇賀歲片《超神經械劫案》宣傳，笑言魏浚笙、白只與他代表3個不同年代的肌肉類型。

第一手消息請下載on.cc東網 iPhone/ iPad/ Android/

爆料熱線：

(852) 3600 3600

傳真：

(852) 3600 8800

SMS：

(852) 6500 6500

電郵：

網上爆料：

MMS：

靚飛被扣捱鬧 多個演唱會撞到應 張敬軒頻撲搶人才