各位自己有投資,買開股票嘅朋友, 大部份都會用一啲網上投資戶口來買賣股票,現時係市面上, 有好多嘅唔同種類嘅網上股票戶口俾大家去參考, 大家可以好方便咁樣買到世界各地唔同嘅股票,好似港股、A股或美 股。
講開又講現時香港人對美股嘅認識,絕對不少於對港股嘅認識。 舊年年尾時大家不斷追捧喺美國上市契媽嘅基金, 美股科技類股票等等。香港人對美股嘅認識,絕對唔會少過港股。
而強積金投資方面又點呢,見著美股不斷創新高, 係咪又心思思想轉去美股呢。
雖然美國基金係今年表現強勁, 但大家對強積金平台上嘅美股基金又有幾了解呢? 又係唔係隻隻美股基金都表現理想呢?
係美股基金這個類別內,究竟係平野無好, 收費貴既主動基金回報表現係唔係真係好啲?定係收費愈平愈好? 管理費較平既被動型指數基金回報會唔會好過主動型既基金呢?
仲有仲有,如果有供應商既主動型同被動型既美股基金, 兩者既回報十分相似,但基金管理費又唔一樣,咁又代表啲咩呢?
今集我哋就會首先同大家update一下美股基金類別係今年既最 新表現? 之後再同大家了解一下強積金平台上美股基金有乜管理費比較平既選 擇?
喺過去一年投資市場風起雲湧,舊年做得好嘅,今年又未必好, 舊年表現普普通通嘅,今年就由谷底反彈。好似舊年稱霸嘅王者, 贏人成條街既萬全美國基金,今年就表現遜色好多了!喺2020年 ,萬全基金全年回報43%,比排第二嘅宏利既26%高好多, 但去到今年,截至五月底,萬全基金回報只得1.8%, 係組別中排最後。
而11隻基金入邊排頭嘅係邊個? 你又估唔估到呢? 11隻基金入面頭4位全部都係由恒生匯豐兩個 計劃內各自兩隻基金包辦晒。排第一二嘅係匯豐同恒生既自選美國, 排第三四嘅係匯豐同恒生嘅北美股票基金。 排名最高嘅匯豐自選美國基金,年初至五月底表現為12.85%, 而匯豐北美股票基金頭5個月表現就係12.54%。
正如剛才所講,大家留意一下, 網站上我哋見到匯豐自選美國股票基金嘅收費係0.8 %,而北美股票基金收費係1.32%,睇返過去表現, 我哋發現北美股票基金同匯豐自選嘅表現真係好相似, 仲好似愈來愈似咁。雖然每個月既表現係會有少少分別, 有時一隻好啲,有時又另一隻好啲。
但加埋幾個月,2隻基金表現又 差唔多一樣返。好似今年頭5個月,這2隻基金既表現差距,直情係 2隻基金既收費差距,收費貴啲果隻,就表現差啲。係同一平台上2 隻收費唔同既基金,一隻主動型,一隻被動型,但最後表現差唔多。 咁究竟係被動既基金投資得好主動? 定係主動型既其實投資得好被動?我哋之前都有片講過匯豐, 有睇既朋友,一定心中有答案喇。
投資市場瞬息萬變,就算你見到美股市場整體都一直上升, 但各類股票間既風格轉移,所引發出來嘅表現差距可以好大。 我哋之前都有片同大家研究過萬全嘅美國股票基金其實係偏重於增長 ,股票基本面比較係高增長,高PB。
喺過去2020年增長風格表 現十分強勁,但去到今年反而傳統嘅價值風格就開始抬頭, 所以一下子萬全嘅美國股票基金,就由領先對手, 變咗做反而落後同類。所以一直都同大家講, 與其只係追逐表現最強嘅股票,不如睇吓我哋嘅channel,多 啲了解一下平台上唔同既基金。
講返強積金平台上既美股基金,現時喺強積金平台上邊總共有11隻 美國股票基金,恒生同匯豐計劃內嘅基金選擇係一樣, 各自都有兩隻美國基金。11隻美國股票基金內,有七隻係主動型, 意思係指佢買入既底層基金係會主動揀股票來投資, 而揀股嘅方式係以升值、資產增長為目標,而唔係追蹤指數嘅表現。 11隻MPF 基金入面,其他四隻就有唔同程度嘅買入指數基金。 買入既指數基金,有自家製又有買現成的ETF,這4隻美股強積金 基金,喺呢度我哋都同樣叫佢哋做被動式嘅投資啦。
市面上一般嘅指數基金,基金收費一般都係會比主動型投資平。 因為佢既持股,行業分佈等,都係以接近指數為原則, 佢基金表現既最終目標係接近指數嘅表現。係強積金平台上11隻美 股基金內,4隻被動式投資嘅基金收費都係比較平。11隻當中, 收費最平嘅係恒生匯豐隻自選美股基金,收費為0.8%而之後嘅係 AIA嘅美洲基金,收費為0.99%, 但我哋之後都會再講係佢哋嘅計劃重組後,基金收費再減啲。 而在之後嘅係中銀保誠指數基金,收費係1.04%。收費1. 04%雖然唔叫做貴,但係絕對唔可以叫做平, 對於指數基金來講一個咁嘅費用係咪可以接受呢,大家見仁見智啦。 但大家又參考一下,收費第5平既萬全股票基金佢嘅收費係1. 18%,但佢嘅表現有幾主動,大家都見到啦。
這4隻被動基金,實際上係3隻,因為匯豐自選係等於恒生自選, 我哋就逐隻睇下啦!
中銀保誠嘅北美指數追蹤基金,係4隻被動型中收費最貴既, 這隻基金係基金說明書內講明自己係指數基金, 即係會以跟蹤一條指數嘅表現為主要目的。 依隻強積金基金係直接買一隻自家出品既底層指數基金。 而隻底層指數基金就買入股票來追蹤富時北美指數嘅表現。
佢雖然講明以追蹤指數表現為首要目標, 但其實佢表現一直都唔差㗎。
睇返表現,佢2020年全年表現係同類別中排第2,僅次於萬全。 而截至2021年5月底,1年3年5年既表現都比類別平均好。
中銀這隻被動基金長期表現唔差,hsbc隻自選美國, 今年表現排第一。 可見係這個類別內被動型基金隨時有可以表現得好過主動型基金。
AIA隻美洲基金都係被動型,但佢表現同其他基金就有啲唔一樣, 知唔知點解呢?
AIA
係AIA平台上都有2隻美股基金,一隻叫北美基金, 一隻叫美洲基金。我哋講下隻AIA嘅美洲基金先, 隻美洲就講明只係會買入兩隻或以上嘅指數基金, 而唔會通過選股或買其他唔係指數基金嘅工具來投資。
本來喺佢嘅強積金計劃說明書入面介紹呢隻基金就講話美洲基金嘅投 資目標主要投資於緊貼北美及南美股票市場指數嘅基金組合。 之前我哋同大家都有講過AIA嘅強積金計劃會喺今年內有重組, 咁我哋梗係睇吓個重組計劃會唔會影響到呢隻美洲基金啦。 而係重組而公布嘅補充文件入邊我哋搵到美洲基金嘅投資目標由緊貼 北美及南美股票市場指數嘅基金組合,變為得返緊貼北美, 沒左南美。
南美股票市場主要由墨西哥同埋巴西為主, 可以想像到呢啲市場嘅投資表現同埋其他歐美等市場嘅表現就會好唔 同啦,仲有南美嘅貨幣亦都會有大幅波動。 之前都同大家講過呢隻基金叫做美洲基金, 但因為投資左喺南美市場, 而令到佢嘅投資表現同類別嘅其他基金有一定程度嘅分別。 至於現在剔除左南美嘅投資, 同其他同類別嘅基金表現相對地就會相似返,但就冇咗一個特色, 至於唔再投資係南美呢個決定係好唔好,就睇吓佢往後嘅表現啦。 但減收費就會即時見效,係重組之後, 呢隻美洲基金嘅收費就會由現時嘅0.99%,減至0.82%
HSBC
另外恒生匯豐既自選美國股票基金, 都講明會投資喺指數基金或者優先投資係指數基金內。
請注意, 會優先投資喺指數基金內嘅匯豐強積金係叫自選美國股票基金,va luechoice US equity fund同另一隻北美股票基金north American equity fund係唔一樣嘅。 呢隻自選美國股票基金本來係屬於匯豐既另一個強積金計劃: 自選計劃,因為計劃合併,所以就出現左係現有嘅匯豐MPF 平台。
所以匯豐同恒生嘅強積金平台上就有兩隻投資喺美國市場上嘅基金。 情況同AIA相似,兩隻匯豐嘅美國基金,本來嘅定位係唔同嘅, 北美股票基金就會係通過揀股來投資, 定位相係採取比較主動型投資, 而自選美國股票基金就會比較傾向於投資在指數基金。 但我地之前有片講匯豐強積金時,同大家講過, 依兩隻美股基金行業分佈同十大持倉都好相似, 連今年頭五個月嘅表現都拍着上,正如剛才所講,依2隻美股基金今 年頭五個月嘅表現相差係咪由於收費唔同所引起呢? 大家又研究一下。
今集就同大家講咗強積金平台上11隻美股基金大概嘅情況, 當中被動或接近被動類投資嘅基金有四隻,依4隻基金既管理費算係 同類別內較平既,而且表現又唔差。而另外7隻主動型嘅基金, 又係咪真係主動呢?邊隻係真主動,邊隻係扮主動, 下次我哋再同大家講啦。
延伸閱讀
美股表現近年持續強勁,不知如何入手?我們精選了10隻高增長美股,並撰寫了《不應錯過的10隻高增長美股 》免費報告。立即按此 下載!
想提早退休? 想提高每月的被動收入?
我們撰寫的《必須收藏的收息股投資指南 》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣,請立即按此 免費下載!
本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)