張敬軒關智斌被屈出櫃 - 東方日報

    張敬軒關智斌被屈出櫃

    張敬軒與關智斌的關係一直撲朔迷離!早前軒仔接受有線娛樂新聞台訪問,他稱與關智斌是好友,經常與對方父母見面兼食飯,更想過與對方投資生意,又指關智斌為人慳家。這段訪問被內地報道斷章取義,指軒仔繼張國榮、黃耀明後,第三個公開承認同性戀情的藝人。有線昨日為幫軒仔澄清,並再播出有關訪問。

    疑被黑客入侵

    另一邊廂,何國鉦於微博寫了有關軒仔的文章,雖然不認識對方,但很欣賞軒仔才華,並指:「最令我敬佩的是他剛才在訪問中坦然承認他與關智斌的一段同性關係,年輕人敢做敢認,愛得纏綿。」此留言一出,即在短時間轉發逾三千次。何國鉦之後將該微博內容刪除。

    何國鉦接受電話訪問時表示:「我完全唔知乜事,直至有人post我嘅留言先知乜事,我睇番自己微博又冇嗰段嘢,我從來都冇寫過關於張敬軒嘅嘢,亦冇睇過有線嘅訪問。同朋友傾過,結論可能我曾經喺公眾電腦上微博,受到黑客入侵。第二可能性係有人知我密碼,我覺事態好嚴重,已搵咗律師朋友傾。」何國鉦事後已在微博澄清沒有寫過有關軒仔的文章,但仍被很多人誤會。他續說:「互聯網嘅威力真係好大,我呼籲大家要保護自己密碼,牽連好大,代我寫嘢嘅人居心叵測,總之識我嘅朋友知我唔會做呢啲嘢。」

    此外,軒仔沒有就事件回應,關智斌則強調兩人一直是朋友,今次只是笑話一則。

    文:名人組

    Click選心水港姐,請瀏覽on.cc《香港小姐2010》專輯