走出採訪張家朗事件　陳約臨幸福嫁美日混血男友

藝人陳約臨去年7月為無綫到日本採訪《2020東京奧運會》，佢採訪香港「劍神」張家朗時表現失控向家朗示愛，花癡式採訪被全城鬧爆不專業，之後即被打入雪櫃，中間又多次公開道歉。估唔到一眨眼，日前佢同圈外美日混血兒男友David低調註冊結婚，由於一切從簡，只邀請了親友及少量閨蜜作見證，圈中好友有陳詩欣、陳婉衡、鍾晴及方詩揚，並獲TVB娛樂新聞台報道。

陳約臨訪問時今次先簽字，遲啲先擺酒，不過佢婚後仍然有事業心，願意為工作與感情中日兩邊走，又向不諳中文嘅老公David笑說：「我唔會放棄事業！」而老公都對住鏡頭大講愛的宣言：「呢個係佢最後一個離開我嘅機會，但依家已經太遲喇！」。而婚後陳約臨亦即晒出多張二人婚照，正式公布婚事。

今日（4日）陳約臨接受東網訪問，開心回應做人妻嘅感受，並公開多謝老公為婚事，特登隔離14日：「依家老公錫我仲多過以前做女朋友咁，做人妻都好似發緊夢咁，事情發生得好快，不過都好開心，喺疫情之下都可以順利咁結到婚。（幾時再搞婚禮、擺酒？）個婚禮係年尾舉行，到時我兩個都要兩邊走，我屋企人都喺香港，所以會有咁樣嘅Plan。」並謂見到所有人親朋好友都好開心，佢自己亦好感動。

都