落選港姐張光怡晒半山超級豪宅 巨型飯廳飽覽維港景色

落選港姐張光怡參選時已因猛料背景備受關注，畢業於港大醫學院嘅佢已正式成為醫生，父親同樣係醫生，母親則係某集團高層，更有指佢家住半山超級豪宅，堪稱「人生勝利組」！近日聖誕節，佢喺社交網大晒開聖誕派對嘅靚相，令其豪宅家居終於曝光，見其家中客廳及飯廳非常巨型，飯廳設有8人圓形餐桌，相連嘅客廳間隔相當闊落，放有兩張長型梳化，更有大玻璃窗可飽覽維港景色，同時廳中不但擺有多盆高身盆栽，仲能容納人咁高嘅聖誕樹，偏廳仲有大量休憩空間，空間感十足，夠晒奢華。