【廚房裝修】傳統梗廚/開放式廚房/半開放式廚房 優缺點比較 (附開放式廚房抽油煙機推介)

傳統梗廚

傳統梗廚又稱為圍封式廚房，一般係指廚房以有間隔牆劃分，與客廳部份分開!

優點 1. 明火煮食，無油煙問題

因為有分隔牆嘅關係，油煙就唔會咁輕易傳到客廳，如果你廚藝非凡，成日會煎、炒、炸嘢，咁傳統梗廚就會比較適合你啦！

優點 2. 安全性較高

如果你屋企有小朋友或者係寵物嘅話，應該好怕佢哋會唔小心撳到煮食爐啲掣，造成火警或危險，而傳統梗廚係一個獨立空間，可以加裝門鎖，咁就萬無一失啦。

缺點 1. 室內缺乏空間感

好多時好多人唔想要梗廚，都係因為空間不足！數百呎蝸居，空間運用真係要靈活啲！加上夏天喺封閉廚房煮食，真係超級熱！

缺點 2. 難以與親友交流

開 party 或者食團年飯，喺梗廚煮飯嘅人好容易比人忘記，只可以一個人默默努力煮飯同洗碗，要同朋友傾下計都難呀 ！

開放式廚房

即係將廚房與廳嘅分隔牆打破的設計，將廚房與客飯廳空間結合。有唔少開放式廚房嘅設計，會以飯檯或吧枱，區分空間，咁就更加時尚有型！

優點 1. 增加空間感

開放式廚房最重要嘅優點就係令單位更有空間感。特別係一啲香港嘅「納米樓」，如果採用開放式廚房，就能將客廳同廚房連接，整體空間睇落就會更大、更闊落！

優點 2. 裝修風格比較多變

開放咗廚房空間，裝修風格比較多變！餐廚空間相連，常見規劃特別會有中島設計，能邊煮飯邊與家人朋友互動，一齊煮定係傾計，都能大大提升煮飯嘅樂趣！

缺點 1. 油煙問題

煮食油煙有機會直接傳到客廳。特別如果你嘅煮食習慣，通常係煎、炒、炸會產生大量油煙，加上廚房嘅抽油煙機唔夠強嘅話，隨時令屋裡佈滿油煙，就要花更加多時間喺平時清潔到啦！

缺點 2. 受建築條例所限

開放式廚房可否使用明火煮食，需視乎大廈公契而定。部分大廈或受建築條例所限，規定住戶必須採用無火煮食！或須符合《建築物條例》要求同受《守則》規管。如果開放式廚房接近單位門口，必須喺門口位設置一幅耐火效能不低於 30分鐘嘅全高牆壁，即一道由地面至天花板嘅防火牆，闊度唔可以低過600毫米。 

半開放式廚房 

通常係用玻璃做分隔，或者係用半高牆配合玻璃，可以同時保留廚房嘅獨立空間，亦可以阻隔油煙，又做到擴闊單位空間感，一次過做到晒開放式廚房同梗廚嘅優點。

優點 1. 集合梗廚同開放式廚房嘅優點

放咗廚房空間，裝修風格比較多變！多數會以拉門、半隔牆、通透玻璃等形式去設計廚廳之間嘅空間，令到大家煮飯嗰陣，都可以同朋友家人交流。同時喺煎、炒、炸嘢等會有大量油煙嘅煮食方式，都唔怕有大量油煙傳到客廳！

缺點 1. 受建築條例所限

半開放式嘅廚房設計，都會拆除 「梗廚」嘅門及與客飯廳之間嘅分隔牆， 以落地玻璃或玻璃敞門分隔， 同樣需符合《建築物條例》要求同受《守則》規管。
 

各種廚房設計優缺點比較表

選購開放式廚房抽油煙機要點

1.安裝高排風量抽油煙機

要解決開放式廚房油煙問題，單單購買功率高嘅抽油煙機係唔夠！抽油煙機排風量先至係重點！抽油煙機嘅排風量即係每小時抽油煙機抽取室內空氣到室外嘅風量！只要排風量愈高，先至係真正抽得嘅抽油煙機！

2. 低躁音、較寧靜嘅抽油煙機

躁音都係我哋應該注意嘅重點！因為開放式廚房少咗阻隔牆，抽油煙機嘅躁音就更加應聲！所以購買抽油煙機時可以參考廠商提供嘅運作聲量，一般會以分貝 dB 作表示！ 

3. 抽油煙機尺寸

你可以直接參考煮食爐表面面積，確保抽油煙機可以完全覆蓋煮食爐，咁一般嚟講就可以發揮抽油煙機最大功效。

一般廚房嘅兩頭煮食爐可以揀闊度90厘米嘅款式，三爐頭可以用120厘米的抽油煙機，如果你較少炒、炸嚟煮食，油煙唔勁嘅廚房可以揀一啲較細嘅款式，例如70厘米或60厘米嘅款式。

開放式廚房抽油煙機推介

Electrolux 伊萊克斯 EFC926BAR 90厘米 1100m³/h 掛牆煙囪式抽油煙機 

• 強力設定可提升至最大吸力，有效瞬間吸走更多油煙，潔淨空氣。
• 風速段數：4+強力
• 過濾器類別：可水洗鋁網過濾器 
• 最低噪音水平 (dB)：Measured 52

最新優惠

Campus 大昌行金牌 ARHT700S 70厘米 1150m³/h 煙囪式抽油煙機

• 機器操作：手動感應
• 鋼化玻璃：✓
• 易拆式設計：✓
• 控制面板：輕觸式
• 抽吸力選擇：3 段
• 高效離心式風輪設計：✓
• 高溫斷電保護安全裝置：✓

最新優惠

Baumatic BET128.5X 120厘米 2000m³/h 煙囪式抽油煙機

• 排風量 (每小時立方米)：2000m³/ hr
• 不銹鋼 SUS430
• 機械按鈕控制
• 雙摩打抽氣系統
• 3 段速度設定
• 8 個不銹鋼擋板

最新優惠