曾經在半年前探訪（嘉麟樓），半年後再次重返，當然是早前的印象難忘，而推動自己今次行程在於是慶祝節日，所以很難避免會遇上週六或是週日，訂位的時間已早知道會分兩個時段，所以自己就選擇了第一輪十一時。。。 準時入席招呼亦如以往禮貌周周，兩人入座安排在中庭中央位置，由於廳內是沒有外觀玻璃可言，所以坐那一個地方都無損，正正如此可以圍繞觀...望周邊的擺設，就恍如上了上世紀的上海店一樣，未吃飯先用眼睛吃飽 ～ 當日我們揀選了比平日午市飲茶為多，無他因為經歷過之前印象蠻好，所以今日想點多幾款來一試廚師的技術～ 蝦餃2件HK$49. 由於我們二人入座,且點選也較多，故此職員見意我們蝦餃同燒賣都減半，蝦餃體積和份量跟平常的別無分別，正正常常的一道蝦餃 燒賣2件HK$68.反觀燒賣，我來了兩次都感覺良好，燒賣的肉不會攪得過份碎，有口感之餘面層鋪了一隻蝦多了一份層次 匈牙利攣毛豬叉燒半份HK$229.依舊喜歡他的攣毛豬叉燒，今次嘅味道比上一次沒有那麼甜更為欣賞更為喜歡，色澤是傳統港式風味深而輕微有大少少焦香感，入口稔兼柔軟，喜歡嘅元素一一擁有 五香和牛面頰HK$188.這一道菜在點餐時看似沒有辣，上枱之後放入口才發現原來有輕微麻辣味道，不過不打緊我們兩者都可以接受，而且辣勁不是很強，和牛切得一粒一粒的方角，入口也是很柔軟，加上BB青瓜，輕輕抵銷了一點有似還冇的肥膩咁 酥脆龍蝦雲吞HK$278.這一個完全是被他的名字所吸引,自己就覺得是錦鹵雲吞的變奏版，不過龍蝦份量比較少，其實口感上不算十分明顯之分，雲吞皮炸得很脆，放涼了也沒有感覺油膩，廚師功力值得一讚雖則餡料比較少 炸釀鮮蟹蓋HK$258.自己並沒有吃得太多炸釀蟹蓋，只可以同較早前金x庭自作比一比，自己就覺得金會這一個蟹蓋很出色，口感上有沒有太Creamy 多汁，一梳有一梳的蟹肉，令人視覺享受之餘，也令人口中幸福 水晶鮮蟹黃龍蝦球HK$438.這一個相信應該是比較賣弄視覺手法的一道菜，上枱前職員把御用烹煮入爐保鮮紙龍蝦肉撕開，不過在拆開後自己就覺得除了視覺享受之外，內涵也不為差，份量不是多，如果以這個價位來說可能輕微較高，但如果理論視覺與及在這裏的定價，也不足為貴 碧湖文絲東星斑球 HK$ 398.這道菜如果與先前的比較我就喜歡(後者)這一款東星斑多一點,魚肉蒸得剛剛好，肉質細嫩加上廚師巧手的刀工將豆腐切成絲狀，入口清/鮮，如果不想味道太過複雜的人是這一道菜應該蠻不錯 原隻鮑魚撻HK$98.由於當日是慶祝日，所以我們叫了一個鮑魚撻,就當做中式甜品一樣分享，老生常談不作比較沒有傷害，但這會比較就以這裏的鮑魚撻自己較為喜歡，酥皮鬆鮑魚稔，雖然體積比先前另一（星星中菜廳）吃過的較為細一點，但口感和味道我反而喜歡嘉麟樓這一件 由於當日是慶祝日，所以我們叫了一個鮑魚撻,就當做中式甜品一樣分享，老生常談不作比較沒有傷害，但這回比較就以這裏的鮑魚撻自己較為喜歡，酥皮鬆鮑魚軟糯，雖然體積比先前另一（星星中菜廳）吃過的較為細一點，但口感和味道我反而喜歡嘉麟樓這一件!更多

繼上次港島區與尖沙咀區的過氣星星與及現在星星中菜廳後，今次在訪半島酒店的嘉麟樓，由入門口以至大堂裏邊裝修格局全以舊上海格調，雖然沒有窗邊，但眼睛完全給這個懷舊裝修與及氣氛所吸引着，感覺自身如舊上海般。。。 帶同老人家來感受着氣氛與環境是我這一次首要的主要因素，首先揀來幾件點心繼而挑選小菜～ 先來是（XO醬蘿蔔糕）HK$140....這一個比較不屬於自己欣賞的口感，且口感較粉, 感覺好像是（拉油）一樣不是煎出來，全餐中個人較為評分低的一度～⭐️⭐️ 繼續來的蝦餃HK$98和燒賣4件HK$128 由於我們四人入座點三的職員亦都很貼心地提醒我是否要加多一件燒賣，故此上價錢跟餐牌輕微調高了一點實屬正常 （燒賣）我覺好吃，爽身有肉汁和肉味，比拼天X軒我更為欣賞此一家~⭐️⭐️⭐️⭐️ （蝦餃）屬於正正常常皮薄，蝦同筍的比例剛好，體積沒有過大亦不會偏細～ （鮑魚雞扎）HK$100. 自己就沒有試是席間的細佬隨心開口點，送來方知內有鮑魚，他的幸福感隨着笑容而生～ （鬈毛豬叉燒半份）HK$219.這一個提前說明是全餐中最為必推的一個，肉質油脂感不會過多這一份屬於略為偏瘦但絕對無阻他的口感，鬆化有肉汁，上枱時還聞到陣陣煙熏香味，色調方面比(天X軒)還要深,回想如果要比拼相信是後者(嘉麟樓)自己更為欣賞，不過份量與體積方面嘉麟樓亦略為偏細份～⭐️⭐️⭐️⭐️⭐️ (炸釀蟹蓋)HK$248 這一個由於是細佬品嚐，所以未能一整個享用，試了一口蟹肉非常多，一疏疏的蟹肉口感非常⭐️⭐️⭐️⭐️ (花雕蛋白蒸蟹鉗)HK$378. 嘉麟樓的蟹鉗比拼我上次食過兩間星級菜館今次更要大, 最明顯便是花雕味與蛋白比例配合得好好，陣陣的花雕味道沒有過濃，蟹鉗熟道剛好， (蟹肉黃燜龍蝦豆腐)HK$728. 錯有錯着這一款本身是點着玻璃蝦球，可能職員聽錯但不緊要上枱的時候卻令每人都嘩然四起，我們也照單全收，因為實在太吸引，而且合乎老人家冇牙力的負擔，吃得他津津樂道我已經甚為開心～ 最尾一款便是職員聽錯的(黃炆汁玻璃蝦球)HK$248.絕對是師傅的心機與功夫之作，將整個蝦衣脫皮、去腸，時間拿捏得好好，雖然兩者的汁底貌有相似，但各自各精彩，下次來一定要自己獨霸一人品嚐～ 整體由服務以至到出品個人覺得都很滿意，就與鄰近的(欣X軒)作比,各有千秋難分高低，硬挑可能 (服務上欣X軒可能更高一班) 有可能的話每月一次，以上兩間都絕無失場。 ★茶芥毎位HK$42.另設有加一服務！★更多

中午除了有晚餐MENU 外, 多了很多點心選擇, 亦都有LUNCH SET 朋友選了一個LUNCH SET, 但是當中沒有叉燒! 我每次去嚐中菜, 都一定要叫叉燒, 因為喜歡吃, 而且可以知道/比較下廚師既手藝! 於是另外再叫了叉燒, 燒腩仔及燒鵝各半份! 首先佢會俾一碗焗合桃做前菜，非常之脆硬，好香，好味! 點心拼盤 筍尖...鮮蝦餃, 蝦肉好爽身好脆口，落咗啲筍，增加個咬口，好食！個皮做得唔厚身 鮑魚雞粒芋頭酥，好好味! 外皮炸到薄薄的一層脆身皮，但入口即溶! 芋頭蓉好淋好香芋頭味! 鮑魚雞粒餡係精華, 好好食，咬一啖, D餡有少少流出黎, 好好味! 碧綠韭菜餃，好新鮮，韭菜味重 叉燒酥好食，成個叉燒酥都好熱，佢係外脆內熱，食得出好新鮮! 酥皮好鬆化鬆軟，咬落口係好快就溶化，入邊嘅叉燒餡度好粉身, 入口會溶化, 叉燒餡又係有少少流沙既感覺 一層層既酥皮都好分明 燒味拼盤半份，賣相好靚好吸引，鋪得好整齊嘅三個燒味，旁邊半配以黃豆加金箔，賣相已經好吸引。 脆皮燒腩仔 個皮非常脆身，燒到啱啱好 個腩仔係有兩三成左右嘅肥肉，再配以六七成嘅瘦肉 有少少肥肉汁，瘦肉肉質都夠淋，好好食！ 蜜味叉燒 蜜汁甜味係啱啱好，唔會太甜 而且個叉燒肉質夠淋 邊位燒得有少少香脆小輕微燶邊，好好食！ 明爐燒鵝 勁開心佢俾咗隻髀既位置 鵝皮燒得好脆口 燒鵝髀位置比較偏肥，但係其實我覺得肥啲先好食，因為啲肉質會比較嫩滑 再加上佢天然嘅鵝油，口感超好！ 花膠竹笙灌湯餃 未食過咁好味既灌湯餃! 個湯底清得黎味道好濃好甜, 好快就飲晒成碗湯。 跟住食到底，個灌湯餃真係好大，有差唔多一隻手掌心咁大 食咗咁耐，都冇整穿到灌湯餃! 但係咬落口又覺得個皮算薄, 但又做到保護餡料嘅作用，好勁！ 一咬落去，入邊嘅汁流晒出嚟，佢嘅汁係同個湯底唔同 灌湯餃入邊嘅汁係肉汁嚟，有啲油分，好甜 而且材料都幾多，有類似冬菇粒，火腿粒等等嘅材料 真係好好食，整體好圓滿！ 小米雞汁蝦球 個蝦肉好大舊，食咗幾啖先會食得完嘅一個份量 好爽身，好鮮甜，而且煮得唔係好非常之熟，所以切嗰陣時仲有少少難斷開 問左經理，用既係虎蝦, 刺身嘅級數，所以唔想煮得太熟，呢個我都好贊成，好鮮甜 個湯底比較清, 用咗大米亦都見到有啲紅蘿蔔同綠豆 其實佢做到個湯底比較清淡都啱，咁先唔會奪去蝦嘅鮮甜味道！ 鮮魚湯杞子浸時蔬 個菠菜食落口頭幾啖有輕微嘅苦口 個湯底就比較cream 整體都OK 雲腿小白菜燴珍珠米 個飯有啲濕濕地 米唔係全熟，有極輕微嘅硬身，整體真係好似意大利燴飯 味道比較清淡，最主要有啲豆+蘿蔔，係碟邊伴有啲咸火腿 味道唔算出色, 而且我對燴飯口感既飯興趣不大 但去到最尾以一個咁淡味道嘅飯做結尾，都可以 馳名香芒凍布甸 佢講到明係一個signature嘅甜品，果然冇錯！ 其實上一次我都有食過呢個，今次再食，都係覺得好回味！ 佢嘅面頭鋪滿左好多嘅芒果茸，好甜，好濃！ 而布甸入邊都有好多嘅芒果肉 而且佢個口感係偏CREAMY, 好濃嘅口感 其實食晒成碗就會有少少飽嘅感覺，但係真係好好食！ 整體說, 味道係好平均地好, 好好食, 水準同上一次比都保持到! 而且服務好好, 經理同侍應都好有禮貌, 搵佢地影相, 都會幫你睇角度, 同埋睇下D 食物放邊個位一齊影會比較好, 讚! 此外, 剛巧我電話冇電, 一問之下, 原來可借尿袋! 我好滿意呢餐, 亦都會繼續黎食, 好味! 嘉麟樓係比較古色古香既設計, 周圍都好多比較古舊既擺設。 我同經理講D 邊邊位好多擺設好靚, 問佢如果下次訂位想坐個D 邊邊位應該點講, 佢話其實每個位置都好有特式! 佢話中央位係通空, 可以望到2樓的, 空間感比較 抬頭就見到90年代舊上海既設計, 有琉璃玻璃窗; 坐近BAR 位就比較漂亮, 拍照很好; 旁邊都放有好多特式古舊擺設, 可以欣賞! 個經理叫ELVIS WONG, 我見佢咁有心機講解, 又咁有禮貌, 真係想讚揚下佢, 哈哈! 而且從佢既對話中知道, 呢度係1998年裝修, 主題係90年代上海, 當時間久了來到現在, 真的變得有特式有味道! 1998年前的裝修是以粉紅為主色, 比較華麗感重, 聽到十分好奇粉紅色的嘉麟樓是怎樣的, 但上網搵過又沒有呢! 期待下次再發掘更多東西呢!更多