白色強人II|劉温馨疑為事業拒前男友求婚 入行9年終由閒角升呢 | am730
Ad Block Ad Block
娛樂
2022-08-01 16:57:36

白色強人II|劉温馨疑為事業拒前男友求婚 入行9年終由閒角升呢

分享:

白色強人2|劉温馨疑為事業拒前男友求婚 入行9年終由閒角做到女配角

劉温馨於TVB熱播劇集《白色強人II》與郭晉安飾演一對離婚夫妻,充滿火花。飾演TNN新聞部總監張庭嘅劉温馨,性格高傲,誓要阻止YT(郭晉安飾)嘅《全面開放藥物名冊草案》通過,更加因為妒忌YT與呂靄寧(張曦雯飾)情侶關係,而暗中與醫發局主席溫銘章(張達倫飾)合作。雖然劉温馨劇中角色唔討好,但其演繹就被觀眾大讚。

網民就到劉温馨社交平台留言表達支持,又指好鍾意睇佢同郭晉安嘅戲份:「我好欣賞你係呢套劇演出既表現,温馨演得非常出色」、「憎你就證明你演技出色,加油」、「繼續留意你之後的發揮」、「在白色強人2你好型呀」等等。31歲劉温馨其實從小就返內地讀書,畢業於名校中央戲劇學院表演系,亦係章子怡師妹,更曾經擔任2008年北京奧運火炬手及中國「金石小姐」冠軍。

閒角做到女配角

劉温馨2013年參選香港小姐競選,同屆有陳凱琳、劉佩玥及蔡思貝等人,當時於初賽觀眾投票中票數次於冠軍陳凱琳,可惜最後大熱倒灶,僅獲頒「最上鏡小姐」。其後,劉温馨加入藝訓班入行,佢曾表示劇情需要的話,唔同角色都會嘗試,亦唔怕豁出去做大膽演出。結果,入行9年終於由閒角做到女配角,戲份更愈來愈多;例如曾喺劇集《愛美麗狂想曲》以性感拉丁舞造型主動激吻陳豪搶鏡、《香港愛情故事》飾演石修第二任妻子小芬及《寶寶大過天》飾演吳岱融與商天娥嘅第三者,兩段忘年戀都令人印象深刻;不過有網民就替劉温馨感到不值,認為TVB成日安排佢做拆散人家庭嘅角色。

現實中嘅劉温馨感情狀態為單身,據指前男友係一名金融才俊,曾經向其求婚並希望婚後一同移居加拿大,不過劉温馨唔想放棄事業而分手收場;劉温馨努力工作同時積極儲蓄,希望35歲前斥資最多800萬,購入1房單位上車,而目標地區為九龍何文田。

《白色強人II》劇照

《白色強人II》劇照

《白色強人II》劇照

劉温馨

劉温馨

劉温馨

劉温馨

劉温馨

劉温馨

劉温馨

劉温馨

劉温馨

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受