朋友聚會唔想成日去酒吧,所以決定去呢間居酒屋feel嘅浜燒😋 🐡 河豚魚乾 先黎一道佐酒好小食 口感煙韌少少脆口,唔會燒得太亁身又幾juice,而且有點油脂感但唔膩,加上用醬油燒甜甜地,點埋沙律醬又幾好食🫣 🦀 人氣蟹味噌甲羅燒 必點菜式‼️滿滿香濃又creamy蟹膏仲有蟹肉同蟹籽,即使用味噌調過味亦不失蟹本身鮮甜...味道。配上多士食一流亦可解淨食蟹膏膩感👍🏻 🥒 明太子 本人好明太子所以覺得好好食🤣咸咸香香明太子帶少許辣味,雖然配上青瓜較清新亦唔怕太咸,可惜青瓜搶咗明太子鮮味,個人認為唔夾比較好食😉 🍣 吞拿魚蓉小卷 小卷上鋪滿吞拿魚蓉,而且小卷內亦有唔少,有入口即溶感覺又鮮甜,正常發揮❤️ 🍜 鮮蟹肉明太子蛋黃醬冷烏冬 好夠凍👍🏻烏冬彈牙有咬口,明太子加蛋黃醬好夾,蟹肉幾濃又鮮。但當全部材料撈埋一齊食唔覺有咩味,普通一個冷烏冬 —————— 💁🏻♀️總結 平日晚市時間人唔多,可以靜靜地傾下偈,慢慢品嚐美食🤙🏻 🥢食物/性價比 食物質素唔錯且材料新鮮,全部即叫即製,但性價比方面有待保留價錢唔算平 🔔服務 雖然有落錯單情況但問題不大,員工們都殷勤友善亦會主動收碟 🌿環境 店舖雖小但整個環境舒服,木系和風設計有置身於日本居酒屋感覺🥃更多