好耐無食川菜啦 又係時候刺激下啲味雷👅貪依間環境夠舒服，兩個人就已經可以坐勁大張卡位😍 除佐川菜仲有得打邊爐🙆🏼♀️ . 干鍋豬大腸 $158 講到川菜又點少得干鍋，我地就嗌佐個豬大腸黎食下🙆🏼♀️ 舊舊大腸都整得好香脆 清理得好乾淨唔會話一大陣味～ 雖然見到好多辣椒🌶️但食落都幾惹味而且唔會話好辣 同埋份量...都幾大煲👍🏻 . 正宗四川担担麵 $42 麵條好細滑好有口感，配埋個湯食落有陣陣香辣既味，店員仲比埋花椒粉我地自己調味，落埋黎食更加有陣陣麻香味～記得襯熱食😎唔係就會發脹晒架啦🙆🏼♀️ . 沙嗲粉絲肥牛煲 $188 熱辣辣好有獲氣，啲牛食落好有牛味而且唔會話好un，脂肪比例都好平均唔會話得肥肉，食落感覺都頗高質😍 粉絲比佐勁多 吸晒啲沙嗲汁好正🤤 . 總結，我覺得環境幾舒適可以慢慢傾計 唔洗話食得好趕👍🏻 食物份量都好足夠，而且辣度適中同埋感覺都幾正宗。更多
星期日同屋企人飲茶 唔去大路嘅酒樓 反而揀咗呢間川菜 原本仲期待menu上面有比較多四川特色嘅點心 但又唔係喎 都係一般港式點心 但係就俾出面食到嘅更上一層樓 例如牛肉生煎包 餡係黑椒孜然半筋半肉 然後上嘅時候係用個熱石鍋上 地下興住啲紫洋蔥、乾蔥等等 啲蔥嘅味痴咗係包上面 非常香口 整體非常滿意 食物、服務態度都非常好
近排出親去食都係日本，邊爐，放題多，突然搞到想食番啲中菜😳中菜有多個流派，我就鐘意食川菜同粵菜多啲🥴所以今次就揀番呢間食，呢間都食過好幾次，每次我都可以好滿意咁走，所以就即刻諗起佢😘 呢度交通方便，就喺time square既食通天上面，而且入面都好闊落，坐得又舒服😌而緊要既係呢度服務周到，每個area都有一個服務人員專...係做嗰個位，所以唔怕叫唔到人😚 一坐低就有啲小食俾你一路睇menu一路食，最後就揀咗啲川味野，一啲粵菜食😆😆 三希吊燒雞（半）（$198） 用得餐廳名喺前，就應該都信得過既😏果然不出所料，皮脆肉嫩，啲雞油啱啱好喺皮同肉之間，食落唔會dry🤤而且啲味都落得恰如其分，就算唔點汁，都已經好好食👏🏻👏🏻 紅油水餃（$48） 呢樣係我每次必點item🤭而佢同紅油抄手最大分別就係比較多肉餡，所以我比較鐘意食水餃🥴佢外皮晶瑩剔透，脹卜卜，充滿肉汁再加上佢個秘製辣汁，半打都唔駛一陣食哂🤣 渝洲涼麵（$38） 呢樣係第一次食，因為佢之前有人介紹過，所以就決定試一試佢，佢喺麵上面鋪上好多青瓜絲，再如埋芽菜喺入面，非常清爽🌬☃，但係原來底下係辣油嚟，撈埋一齊食，就比較辣些少了🥵🥵 泡椒石鍋田雞（$188） 田雞係我經常點既種類之一，因為佢啲田雞size啱啱好，數量亦唔少，做到肉嫰又易食唔痴骨既效果😉再加上今次食呢個泡椒石鍋煮法，好鬼惹味，撈飯一流😍😍 啫啫蝦醬通菜煲（$98） 食咗咁多肉，都要叫番菜食吓，不過都係揀重口味啲煮法🤭，不過佢啲味就較到啱啱好，唔係好重蝦醬咸味，但係啲香味就出哂嚟，唔錯唔錯😉😉 最後埋單就食咗$7xx 接近$800🤑不過閑時食吓，真係一個唔錯既選擇👍🏻😆更多
地方舒適，地點方便，在銅鑼灣時代廣場，食物辣得來很出色，是辣食代表，不吃辣的我試了一點點也覺得很不錯
很久都冇見朋友知道我常常北上吃酸菜魚，今日帶我去時代廣場吃好野。三希樓，朋友book左位所以下用等，店內裝修高貴而不濁氣，每枱都有寛敞空間。 前萊冷盤貢菜，好嫩綠和爽口，麻辣筍牛展，醒胃之餘令我非常期待。 餐牌食物種類都令我花多眼亂，樣樣都想試，但只得我和朋友，所以都揸定初心目的點了酸菜魚，廚師 推介三椒豬手和非常邪惡的梅菜...扣肉。 唔係講笑這碟酸菜魚湯厎—流，夠酸夠辣，桂花魚大大件而且厚肉，魚肉肉質細滑和啖啖肉完全冇骨，㕑子非常細心。朋友和我連湯全清。 三椒豬手，起骨切丁咬落好Q彈，好豐富骨膠原。雖然對我來講有的辣，但都好過隱。 梅萊扣肉也不錯，梅菜帶甜味而且爽囗，五花腩肥廋分明入口即溶，配白飯是最佳配搭。 服務都不錯，落單待應細心介紹特色招牌萊。更多
以川菜打響名堂的「三希樓」，在半山開業多年，一向備受食客追捧。早前從朋友處得知，「三希樓」於銅鑼灣開咗分店，位置變得更便利，可惜筆者自問不算太吃得辣，所以一直沒安排到訪。最近友人邀約我一聚，就選了時代廣場這間分店。原來據友人稱，餐廳除了主打正宗川菜外，還有家鄉粵菜供應，應該啱我口味。既然友人一早已經做好資料搜集，我當然樂意赴會。... 餐廳位於時代廣場食通天 11 樓，甫踏進店，已即時被場內環境吸引。店內地方頗頗大，約有 7,000 平方呎，相當寬闊，空間感十足。至於用色方面就以簡約為主，四周放滿藝術品擺設，配上中國娃娃彩瓷掛畫、魚形燈飾等，裝潢有別於一般川菜館，感覺既摩登又時尚。 餐牌非常厚身，以川粵菜為主，至於分類方面，就包括有涼菜小食、明爐燒味、鮑參翅肚、湯羹、河鮮、海鮮、家禽、牛肉、羊肉、豬肉、干鍋系列、豆腐、時蔬、粉麵飯及甜品等，選擇非常豐富。另外晚市茶芥方面就每位 $26。 由於好友來之前已經做足功課，所以點菜方面，今次就一於交由他發板。友人說要先吃點辣刺激一下胃口，選了一客紅油抄手 ($48)。抄手以幾隻薄皮餛飩浸於紅油內，是少見的正宗做法。舀起一隻試試，味道果然出色，外皮很薄，咬下去又滑又爽口，內裡肉餡不多，點到即止，加上沾滿了香氣逼人的辣油，對我來說，雖然是有點過辣，但亦很味美。 主菜點咗三希吊燒雞、豉椒炒黃鱔片同原隻南瓜粉蒸排骨。三希吊燒雞 ($198) 是餐廳嘅招牌菜之一，據說做法是要先將約 80 日大的走地雞吊起以烤爐烤焗，再來回多次淋上滾油。吃一口，雞皮很薄，入口焦香鬆脆，肉質有彈性，充滿雞味，加上皮下沒有多餘脂肪，就算連皮吃也沒有罪惡感。 接著送上的豉椒炒黃鱔片($168) 亦做得很出色，成品用上了肥美的黃鱔起肉，再與豉椒同炒。鱔肉切至長短相若，每條都均勻地沾上了濃汁，食落肉質爽滑，軟腍不霉，略帶魚鮮卻又完全沒有腥味；入口鹹中帶甜，極之惹味，所以亦即時點了碗白飯 ($15) 來伴吃。 至於壓尾的原隻南瓜粉蒸排骨 ($198) 賣相亦相當吸引，南瓜呈鮮橙色，非常搶眼。掀開南瓜蓋，一陣香氣即時傳出。舀起內藏的排骨，蒸得惹味又夠腍，而且吃起來完全沒有臊味。再用匙刮出南瓜肉，由於南瓜吸收了排骨的油潤，變得入口即化，滿口留香，比排骨還要好吃。 最後輪到甜品環節，其實已經吃得很飽，所以只選了一客極品流沙包 ($38)。流沙包以蒸籠盛載，包身雪白完整，一掰開，熱燙的奶皇流沙即時如熔岩般湧出，入口相當香甜，既軟熟又可口，絕對值得一試。聽朋友講，除了川、粵菜外，店裡嘅點心亦做得非常出色，有機會會再嚟試下。更多
想食川菜又想打邊爐？why not both!! 因為有朋友唔食辣，所以我地order左鴛鴦鍋，一邊係麻辣湯底一邊係清湯湯底。雖然麻辣湯底鋪滿好多辣椒，但其實個辣係入到口的辣唔使擔心。 牛頸脊 肉質幾嫩滑，放係麻辣湯果面更加惹味。 牛胸油 切到薄薄一片，碌幾秒就食得架啦，口感幾特別，爽口得黎帶點牛的油味。 手打四寶丸🍡 爽快...彈牙，每款都幾好食 炸響鈴，油炸鬼 2款都係好吸湯好吸味的食物，建議唔好放落麻辣湯底太耐，否則會吸左好多辣油。個人建議放落清湯湯底，之後再沾少少麻辣湯就味道剛剛好。 鵝腸 記住碌一碌就可以架啦，好爽口！碌得太耐會變硬唔好食。 膳片 肉質嫩滑，膳味好香，無咩骨👍🏻更多
麻辣火鍋湯頭太過於濃稠，吃入口食物口感有影響，牛肉還不錯，價格偏高，水煮魚好吃，火鍋煮到最後烤焦了。
三希樓一直以川式馳名，估不到銅鑼灣分店會有那麼多粤式點心可供選擇。值得一提的是XO醬蘿蔔糕好吃，夠辣；蝦餃一籠五粒細細粒，比較特別的數量，沒咬口
一進三希樓就充滿辣椒香氣，愛吃辣的朋友可以試試，他們有小菜及火鍋，價格屬中上，我們當天吃小菜，沒點太多，平均$250一位。 我們點了麻醬生菜，生菜夠新鮮，麻醬亦夠濃稠，能掛到菜上，作為開胃菜不錯。 另外點了叉燒，他們家是用西班牙黑毛豬，我們點半肥瘦，夠稔有豬肉味，但不夠熱及汁太鹹，如果配飯應該是剛好。 很愛吃鵝腸，點了椒爆鵝腸，...很辣，鵝腸很好吃，夠爽口，份量足，炒得很入味。 最後是招牌担担麵，幸好走了辣，麵質很好，湯夠濃郁，是有點過鹹。更多
