真人show《全民造星》自播出以嚟大受觀眾歡迎,ViuTV決定再接再厲,推出真人show《廣告女王》!節目未出街之前有唔少嘅網民都懷疑節目係女版《全民造星》,但相比起要有美貌有身材,《廣告女皇》更加要求參賽者有智慧急才去應付唔同嘅廣告課題考驗,最終勝出嘅參加者會獲得10萬蚊獎金同廣告合約!
登入 瀏覽本網站,可獲取積分換領專屬優惠
點擊查看專屬優惠
雖然話外貌並唔係呢個比賽嘅重點,但《廣告女皇》嘅參加者其實相當有睇頭!出過性感寫真又有、體育主持、高挑模特兒又有、就連參加過健美比賽都有,真係性感清純可愛應有盡有,等小編今日同大家嚟個大起底!
1. 綽妮Elle
可能大家都會覺得Elle有啲熟口面,喺社交平台有8萬粉絲嘅佢一啲都唔吝嗇show自己嘅身材,更加曾經出過寫真。
佢IG嘅相真係火辣又性感,加埋個無辜樣,相信係唔少宅男嘅女神。
除咗扮兔仔同貓貓,Elle都會cosplay其他嘢,唔知佢扮美少女嘅造型大家又like唔like呢?
喺廚房煮嘢食著到咁,小編都睇到流哂鼻血呀!
2. 黃丹虹 Vky Wong
身材令人流鼻血嘅又點止Elle一個?Vky都唔輸蝕!擁有G cup嘅佢都經常喺IG post泳衣相大派福利。
Vky擁有健康嘅膚色唔知係唔係因為鍾意水上活動呢?佢除咗會去游水同wakeboard之外,都有唔少潛水嘅相!
擁有一副羨煞旁人嘅body應該都係因為鍾意運動!
但係點都估唔到原來Vky同姜濤一樣,以前都十分有肉地,減肥之後搖身一變做咗女神!
3. 李莉LeeLee
清純可愛嘅代表有LeeLee,一頭蓬鬆嘅短髮配埋甜美嘅笑容,一定可以俘虜唔少粉絲!
擁有一個咁sweet嘅樣,又有邊個會估到原來LeeLee係熱愛運動嘅跑步教練!
運動細胞超強嘅佢亦都係NOW Sports嘅體育主持,所以久唔久都會係螢幕上面見到LeeLee嘅蹤影㗎!
唔知短髮、長髮、文青look、運動look、出街look,百變造型嘅LeeLee,你又最鍾意邊個呢?
4. 劉思琦Kayze
模特兒出身嘅Kayze超懂擺pose,IG入面滿滿都係工作時影嘅靚相。
可能因為模特兒出身,唔同嘅造型都carry到,微性感又得!
冷酷型格又得!
就算去到可愛賣萌都無問題!
5. 黃家慰 Candy
擁有甜美笑容嘅Candy擔任過多次動漫節嘅game girl,因為少少嘅包包面加埋甜到漏嘅笑容所以獲得「翻版陳妍希」嘅稱號。
錫狗之人嘅Candy成日都會同佢嘅狗仔影相!
係咪覺得Candy有啲熟口面呢?因為佢久唔久都會出現喺「熊仔頭」嘅短片入面,網民都超like㗎!
就算自拍都一樣咁可愛㗎呢!