岑麗香帶兒子貼地搭巴士　生圖曝光惹熱議

前華姐冠軍岑麗香（香香）婚後為老公強強生咗2個保之後，就淡出幕前專心相夫教子，不過佢就轉型做KOL賺外快，不時同網民分享日常親子樂！呢排佢趁住假期仲帶兩個仔周圍玩，貼地坐巴士，又去主題樂園玩，佢仲被網民野生捕獲，生圖曝光惹起網民熱議！

當日仍着住白色外套以淡妝上陣，孭住個大袋，身為廿四孝媽咪嘅佢，仲喺密實膠袋中拎零食氹仔仔，佢同朋言談甚歡，大晒甜美笑容，滲出陣陣少女味，網民激讚逆齡生長：「做了媽咪更美麗了。」而佢早前趁住聖誕亦有同兩個仔一齊喺屋企裝飾聖誕樹，一家四口大晒「聖誕家庭裝」，搵聖誕老人合照，真係Warm到爆呀！