岑麗香 香艷摷甩胸
岑麗香與才俊男友打得火熱,繼車廂攬啜後,早前男友來港跟她慶祝生日,送機時又被拍得錫了男友胸口一啖,作風比昔日的純情香香公主大膽得多。
日前她與陳山聰、楊明和沈卓盈在灣仔星街為新劇《火線下的江湖大佬》拍外景。
東姑見以OL裝束上陣的香香,上圍豐滿得幾乎迫爆恤衫,而鬼妹仔性格的她,埋位前當街豪邁地伸手入恤衫內整「咪」,畫面極為香艷。其後再拍食午飯戲份期間,香香對手上的道具飯盒吃得津津有味,看似非常肚餓,事後她說:「呢場戲係講我哋食lunch,我嘅角色好鍾意食火腩飯,所以要不停咁食囉!不過我自己都真係好鍾意食火腩飯,好好味!」