岑麗香面口大轉變

岑麗香喺一〇年因為獲得國際中華小姐冠軍而入行，佢向來畀人嘅印象係樣子甜美、性格乖巧，所以被封為「香香公主」；而佢同鍾嘉欣、李亞男、王君馨、苟芸慧，因為同係基督徒，所以合稱為「處女黨」。雖然係「處女黨」，不過佢嘅緋聞好多，先後同黃宗澤、溫家偉、錢嘉樂等傳緋聞。上年，香香仲畀人影到同六呎「翻版王大陸」，返將軍澳嘅香閨，兩人全程拖手、掃背，又喺車廂打茄輪斷正，破壞咗佢喺宅男心中嘅純情形象。

日前，東姑喺上環港澳碼頭撞到香香做低頭族玩電話，當東姑上前問佢可唔可以影張合照？佢竟然黑晒面，之後仲要用背脊得住東姑話：「唔得！」隨後，再有一男一女大聲呼喝東姑：「你做乜呀？」其實，東姑只係想「集郵」啫，咁惡做乜喎！之後，東姑睇番香香個微博，佢竟然笑晒口影自拍，點解同一日嘅面口有咁大轉變嘅？

日前，東姑見到香香，於是行埋去要求影合照，點知佢黑晒面，仲要用個背脊得住人。

跟手，東姑睇番香香個微博，佢竟然笑晒口影自拍，點解同一日嘅面口有咁大轉變嘅？

之後，有一男一女行過嚟東姑身邊，呼喝東姑：「你做乜呀？」