肚凸凸疑有喜 岑麗香：適當嘅時候會同大家講
撰文：Kamen | 圖片：新傳媒資料庫、岑麗香@ig
岑麗香肚凸凸疑似有喜
日前香香出席活動，久未露面嘅佢身形明顯比前圓潤，更有「肚凸凸」嘅跡象，散發出陣陣的孕味！被問到係唔係同老公造人成功，香香就急急否認：「因為條裙款有啲泡泡啫！適當時候會同大家講，畀少少時間我，努力中。」
被問到想生仔定女，香香就表示：「到時先算，都係一個祝福。」但佢就坦言對於生B，被身邊朋友催促到有啲壓力。另外香香亦表示唔會出席《萬千星輝頒獎典禮2018》，因為當日撞正她的結婚周年紀念！
結婚一周年去馬爾代夫
岑麗香同老公強強上年拍拖去馬爾代夫，喺當地享受陽光海灘，順道慶祝結婚一周年。香香在社交平台分享泳衣照，雖然未有穿上火辣的三比堅尼,但有靚景和香香甜美笑容,一樣吸引,而香香日前出席活動時透露老公送咗手鈪畀佢做禮物!
香香笑指小時候看得鯊魚題材的電影多，所以一落水就好驚，不過今次找了專業教練學潛水，試過潛到11米水深，真的看到鯊魚、海龜和珊瑚，她笑說：「最初落水時好緊張，不過有老公陪着，又有教練指導，之後心情變得輕鬆了。」
香香還大讚老公夠體貼又sweet：「他知道我做藝人不可以曬得太黑，每當猛太陽時，他會用身體為我擋太陽，真是大隻好遮蔭！」
其中有部分靚相仲係由老公強強視角出發，為靚靚人妻留下最美一刻，超sweet！
岑麗香2016年12月在加拿大溫哥華嫁強強(Joshua)，結束短短年半的異地戀，強強更為香香放棄在加國的事業，留港陪老婆。但婚後香香拍劇未停過，腰傷舊患未好，早前又傷手，女人條腰骨唔多唔少影響陀B，為盡快令香香養好身體生強B，強強成功游說香香推劇跟佢返加國小休，同去馬爾代夫旅行,希望離開香港呢個繁忙地，在冇壓力下一擊即中！
常見問題
將來還有什麼演唱會值得留意？
有不少歌手宣布舉辦演唱會，例如：黃妍、五月天、BLACKPINK澳門站、林敏驄、周杰倫、COLLAR、Twins、鄭秀文、鄭欣宜、許冠傑、Backstreet Boys；喜歡K-pop的你亦有福了，ITZY和NCT DREAM亦在香港開演唱會、Apink！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
情人節有什麼好去處推介？
情人節想攪攪新意思？多個商場都換上浪漫裝飾，讓情侶們甜蜜打卡，更有商場設置「戶外星空影院」，讓情侶們在漫天星宿下一邊欣賞電影，享受溫馨時光！即看：情人節好去處2023；除此之外，相信各位都很苦惱要揀甚麼餐廳，編輯為大家精選15間情人節餐廳，包括fine dining、自助餐、扒房及米芝蓮餐廳，價錢有平有貴，快啲bookmark定同男女朋友過一個浪漫情人節！
