岑麗香新片雙眼距離窄再惹整容疑雲 網民:你對眼角開得太誇張了
37歲嘅岑麗香(香香)樣子甜美可愛,係唔少人心目中嘅女神,佢喺16年與Joshua(強強)結婚,婚後誕下兩名兒子,一家四口幸福滿瀉。婚後減產專心照顧家庭嘅香香,不時喺社交網站上載湊B生活及分享家庭樂嘅照片及影片,最近佢上載咗一條家庭樂影片,不過網民將重心放咗落佢個樣度,紛紛留言話佢隻眼好怪。
日前,岑麗香喺社交網站上載一條關於自己喺度化妝,屋企人幫手湊仔嘅影片,不過網民關心嘅唔係佢化妝同屋企人幫手照顧囝囝,而係將重心落咗去佢個樣度。 其實多年來香香整容疑雲不斷,唔少網民都認為佢同初出道唔同樣、雙眼距離愈來愈近,及由鳳眼變雙眼皮等等,而喺呢條片中香香嘅雙眼距離非常窄及唔自然,網民更留言話:「你對眼角開得太誇張了 好怪呀」、「怪怪地」、「Very ugly, her eyes scare me」、「膠粉樣, 整容整到隻眼勁埋」、「Weird eyes」及「這醫美做得太明顯了吧。」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!