雅虎香港新聞 
岑麗香合照 離奇走樣 莊思明申冤：我冇P圖
時下啲後生女影相，唔係鍾意用美顏相機影相，就係用美圖App做後期加工，執靚張相先至放上網開心share，不過千祈咪咁重手，咪一陣出事反而淪為笑柄。日前「香香公主」岑麗香、莊思敏、莊思明等藝人到沙田馬場出席活動，莊思明活動後喺IG貼咗張同香香、莊思敏嘅合照，離奇地岑麗香個樣又膠又怪，仲有啲面容扭曲㖭！唔少網友睇到嚇一跳，仲留言話莊思明重手P圖搞到香香走樣，不過莊思明就澄清只係用咗美顏相機，冇P圖喎！
撰文：東方新地
圖片來源：新傳媒圖片庫、莊思敏、莊思明Instagram
岑麗香合照 離奇走樣
日前「香香公主」岑麗香、莊思敏、莊思明、莊思華、陳庭欣等藝人到沙田馬場出席活動，莊思明活動後喺IG貼咗張同香香、莊思敏嘅合照，仲留言寫上「甜甜的香香公主」，但睇真啲香香個樣又膠又怪，面容扭曲仲有啲，認真離奇！
睇番岑麗香當日嘅相，再比較下同莊思明嘅合照，明顯冇咁膠而且自然得多，之不過香香公主瘦咗好多喎，睇吓膊頭同鎖骨，真係好骨感！其實當日係岑麗香同老公強強結婚一周年紀念日，工作完畢後即要飛往加拿大與丈夫會合慶祝，她稱因時差關係，飛到當地仍是結婚紀念日，笑言彷彿穿越時空。
莊思明申冤：我冇P圖
唔少網友睇到張合照，都問莊思明係咪P圖，搞到企中間嘅都岑麗香走樣，不過莊思明就澄清其實張相係家姐莊思敏影，佢用咗無他App美顏相機影，佢冇P過圖喎！
莊思敏、莊思明、莊思華三姊妹一齊出席活動，真係好難得，個個都性感上陣，呢幾日得嗰11、12度，真係睇到都覺得凍，幾時都話女人愛靚唔愛命啦！
以前包包面
岑麗香係2010年國際中華小姐冠軍，其實睇番啲舊相，香香剛出道時有啲baby fat，包包面而且手腳都啲少少肉地，而近年佢都愈嚟愈靚，仲愈來愈瘦㖭！
雖然岑麗香以前有baby fat，但其實唔少網友都話香香公主有啲肉哋先至可愛，仲話佢依家太瘦，紛紛鼓勵佢增肥㖭！
下一頁：李司棋突發性耳聾 要爭取時間休息
下一頁：郭富城餅印B女曝光
延伸閱讀：
