公主郵輪全船停運兩個月 復航後香港人不得登船?
今次肺炎疫情全球幾乎都受影響,不過當中有幾宗個別事件尤其令人印象深刻,其中一單就係鑽石公主號郵輪,全球新聞聚焦之下睇住佢慢慢變成一個「小型瘟疫城市」。
公主郵輪為世上其中一所最大型郵輪公司,面對疫情郵輪業可謂受到極大衝擊,令人擔心從此郵輪業將好難翻身。為咗令公眾恢復信心,公主郵輪早前宣佈暫停船隊13隻船由3月中開始停駛,一直至5月11日先恢復。公司仲頒布一系列安全措施,表示復航後將嚴格執行,包括全有上船遊客必須探熱,任何發燒或有感冒症狀都不得登船,但可獲全數退款。
另外全船都會使用一種消毒劑,30秒內可以殺死冠狀病毒。對登船人士來歷亦有嚴格控制,所有14天內到訪過中國、香港、澳門、南韓、伊朗、意大利,甚至只係經過轉機都一律禁止登船。換言之香港人如果喺從香港出發,未過14日之內係唔可以上船。如果想今年內坐公主郵輪嘅朋友,怕且都唔容易喇。
相關文章:
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!