【香香結婚了】岑麗香正式做「強嫂」 老公冤氣叫她「蕉蕉」

【香香結婚了】岑麗香正式做「強嫂」 老公冤氣叫她「蕉蕉」

撰文:陳奕熙
出版:更新:
香香終於結婚喇!

宅男女神香香公主終於嫁人喇!現年32歲的岑麗香在較早時間與強強在溫哥華正式拉埋天窗,並在約200個賓禮的見證下於EBENEZER BAPTIST CHURCH行禮,而圈中好姊妹苟芸慧、李亞男及鄭欣宜亦有到場,香香在行禮期間更開心到眼濕濕。【岑麗香婚禮以熊仔糖做主題 婚後唔急生B過二人世界

在今早香港時間約8時,一對新人現身Fairmont Vancouver Hotel,剛剛成為人妻的香香流露出幸福的表情,而興奮對傳媒宣布:「啱啱正式結咗婚lu!」香香的老公叫強強,所以香香從今日起就是「強嫂」?問到強強平日如何稱呼香香,強強初時話會叫香香,後來又補充一句:「喺屋企就叫佢蕉蕉嘅!香蕉啊!」一對新人都相當可愛。

香香和強強就在EBENEZER BAPTIST CHURCH結成夫婦。

談到早上的接新娘的環節,香香就透露有匿埋後面做觀眾,笑言辛苦了老公和伴郎團:「好大犧牲,差啲嘴對嘴,仲要腳趾食提子,辛苦你哋啦!」雖然中文能力不佳,但老公強強在此時亦插嘴呻辛苦:「唔係我哋,係辛苦我呀!」問到會否埋怨老婆時,強強更搞笑地說:「都會呀!」令全場(包括香香)即時打咗個突,但之後問到香香有幾好,強強就用了一個強而有力的字形容:「好」,而且重要的事要說三次,即係「好、好、好!」【香香結婚】岑麗香緊抱姊妹甜到漏 最索新娘幸福爆燈

香香又表示婚後會去一個短trip,之後再回港工作,「正式的Honeymoon還未知,但之前牧師、朋友同婚前輔導都話一對新人搞一個婚禮好大壓力同埋好忙,要快點去一個短trip放鬆下,所以我們會去一個short trip之後再plan蜜月,但之後都要快返香港開工。」講到婚後是否會繼續Long Distance?香香就話「我們不想再Long Distance啦,好辛苦,現在正安排怎樣一齊在香港生活!」而今次的婚禮賓客主要是家人、教會朋友和兒時玩伴,連姊妹團亦是加拿大的朋友。

抱得美人歸的新郎哥好開心。