屈臣氏蒸餾水換新樽 不斷循環再造

「藍廢紙、黃鋁罐、啡膠樽」，口號聽得多，現實有幾多人能做到廢物回收，又有幾多人的方法正確？意想不到的是，調查顯示，本港逾九成人不知道膠樽正確回收做法。黛安昨日見到屈臣氏蒸餾水市務總經經蕭健敏（Kim），他就向黛安提了正確回收三部曲（見下表）。

唔講唔知，廢棄膠樽物料及顏色不同，隨便倒進回收箱，回收公司需花大量人手重新分類，「以負責回收的仁愛堂為例，常收到員工投訴，市民不做好分類之餘，部分未清洗好的飲料膠樽也一併被棄，結果發霉令回收廢料受污染，得不償失。」Kim又提到，有時部分膠樽未除招紙就已被壓成一塊，工人要徒手還原膠樽再除招紙，真的「廢時失事」，大家想支持環保，識點做吧？

K-pop韓星任代言？

講起膠樽，Kim又分享好消息，原本用PET塑膠造的屈臣氏蒸餾水膠樽，一年內將全部由100％的rPET循環物料代替。研究塑膠物料近20年的伍亞雄指出，rPET循環物料是回收及處理PET塑膠而成的原材料，可以做到不斷循環再造，對環保發展正面作用。

Kim還提到，新廣告代言人月內將出爐，自然要落力「打聽」，他笑說，貼士是「人選將是K-pop韓星」。據黛安記得，上個月K-pop男團N-Sonic曾為品牌開鏡拍微電影，不知道兩者有否聯繫呢，大家跟黛安一樣期待吧！