屈臣氏捐level 3口罩予長者 提供高級別防護

疫情嚴峻，外出必須戴口罩，但買口罩始終要錢，對基層家庭同長者係一種負擔。公關姊妹同黛安講，屈臣氏蒸餾水好有心，佢哋早前承諾捐贈15萬個WatsMask WeCare口罩嘅目標，率先捐贈5萬個ASTM Level 3最高標準口罩畀東九龍區長者，發揮港人守望相助嘅精神。

屈臣氏實業飲品製造總經理（市務及業務策劃）蕭健敏話，希望今次捐贈可為基督教家庭服務中心東九龍區嘅長者院舍、長者日間護理中心、社區照顧服務、長者地區中心同認知訓練中心嘅長者，提供最高級別防護，齊心抗疫。基督教家庭服務中心助理總幹事（管治及服務）周淑琼就話，雖然疫情反覆，但社會服務仍要維持一定運作，所以好感謝屈臣氏蒸餾水及時伸出援手。