李榮浩當心！楊丞琳身邊都是高質「男朋友」 哪位男閨密自薦做婚禮伴娘？

一代可愛教主與音樂才子結婚成為一時佳話！楊丞琳與李榮浩在內地低調註冊，其後宣布正式成為李太，領證相瞬間在網上瘋傳，不過大家的焦點竟然不是在他們幸福的笑容上，而是在李榮浩的一雙小眼睛上。

16歲就出道嘅楊丞琳性格堅強，從細喺娛樂圈摸爬打滾，肩負起養家嘅大任，令佢養成一種不服輸嘅精神。對待惡意中傷佢嘅人，從來唔會留情，對於關心佢愛佢嘅粉絲，Rainie亦非常愛護。對fans如此，對好友Rainie亦如此。Rainie喺圈中人緣甚廣，更有幾位係交心嘅好朋友。佢哋都係Rainie非常重要嘅男人。

李榮浩曾經寫過一首歌「觀眾」送俾Rainie，呢首歌從作曲作詞到MV執導都由李榮浩自己一手包辦，仲揾嚟賀軍翔，羅志祥，潘瑋珀三人齊齊做男主角，Rainie喺MV中著上婚紗，從三個男主角身邊走過，最後停留喺李榮浩身邊，正如女神歷經滄海桑田，最後情歸呢位創作才子。用意非常巧妙。其實喺現實生活中，Rainie都有咁樣嘅三位非常重要嘅男人。

大家都知道小鬼黃鴻升同楊丞琳喺華岡藝校做同學嘅時候曾經有過一段純純嘅初戀。Rainie曾經公開講過，自己第一次談戀愛嘅時候佔有欲非常強，男朋友做咩事都要經過佢同意，更加唔可以成日出去玩，冇嗮自由。喺戀愛嘅新鮮感過咗之後，兩人最後終於分手收場。

雖然Rainie睇外表強勢睇上去唔好惹，但接觸耐咗大家就會知道佢係一個率真嘅好女仔。Rainie同潘瑋柏合拍電視劇《不良笑花》之後兩人都成為超級好朋友，Rainie多次表示潘帥係整個圈中最好嘅男仔，亦係自己最好嘅朋友。

Rainie終於同男友拉埋天窗，潘帥馬上話好戥Rainie開心，更話感覺楊丞琳結婚比自己結婚仲興奮。

潘瑋柏一番好意，最後卻換來新娘子一盤冷水。計劃低調行禮的楊丞琳坦言一直都覺得婚禮是不需要伴娘的，還直接在訪問中叫潘瑋柏死了條心。

Rainie同小豬羅志祥合拍《海派甜心》曾經紅極一時，兩人更被公司打造成情侶檔到處吸金。但原來嗰陣時小豬同Rainie私底下關係非常僵。因為有好多傳聞話兩人背地裏都有指責過對方種種問題。導致雙方都有誤會，見到面都面阻阻，超唔啱Key。

身邊有咁多優秀嘅男人，點解Rainie最後會選擇李榮浩？佢曾經講過李榮浩「非常成熟，性格體貼，既係大才子，可以幫你作詞寫歌，甚至執導埋MV，亦可以煮飯俾你食，照顧你，喺你病嘅時候端水送藥。」而且李榮浩係內地樂壇中獨樹一幟嘅音樂才子，除咗自己係當紅歌手之外，更係一個非常優秀嘅製作人，幫過好多歌手音樂人作曲填詞。

李榮浩曾經喺微博分享一條動態，佢話自己出道多年，出嘅歌幾乎所有嘢都係自己一手包辦。今年嘅金曲獎上李榮浩同金曲歌王只有一步之遙，但佢喺華語樂壇中嘅地位舉足輕重。