陳倩揚將8種仔女不愛的食物變美味 低升糖食物提升專注力|香港01|親子

陳倩揚將8種仔女不愛的食物變美味 低升糖食物提升專注力

撰文:許珞珩
出版:更新:

家長都想子女能夠均衡飲食,吸收不同食物的營養素,但有些食物,無論家長如何軟硬兼施,都難令小朋友乖乖吃下。星級媽媽陳倩揚(Skye)育有兩子一女,她在Facebook分享健康飲食料理及減肥瘦身心得,成功吸引16萬Followers,家中3個寶貝也被媽媽烹調的菜式配搭吸引,不但喜歡吃蔬菜,就連大部分小朋友難以接受的紅菜頭、納豆等食材,也挑戰成功。
攝影:黃舒慧

陳倩揚日前擔任Green Monday x OmniFoods 「新嚟.小廚神」烹飪比賽頒獎典禮嘉賓評判,由於當日活動主題是素食,向來擅長運用不同健康食材配搭出有營養的美食佳餚的她,原來有不少心得令小朋友吃蔬菜。

她說:「如果想小朋友食菜,首先自己不要覺得有壓力,因為我在家中自己都會食一些不易被人接受的食物,但我從來沒有要求小朋友跟我食,但當佢哋見到我食得好好味,就自然想跟住試試。媽咪成日都食,爬到一粒都唔剩,納豆發酵的味道,就好似榴槤咁有人唔鍾意,有人好鍾意,我細仔好鍾意食榴槤,大仔唔鍾意,成件事我沒有迫佢哋,佢哋願意試就試,用這種方法去令小朋友試不同食物,我反而覺得無壓力,小朋友覺得好奇去試,開咗唔鍾意食我包底,又唔好鬧佢哋。」

+17

將8種小朋友不喜歡的食物變美味:

1. 紅菜頭

紅菜頭被譽為超級食物,含有豐富的胡蘿蔔素,抗氧化能力高,高纖維、低熱量和少澱粉質,能促進腸道蠕動,清除宿便。

倩揚:「我自己常常飲的蔬菜湯,當中有紅菜頭、西芹、蕃茄、洋蔥、 紅蘿蔔、椰菜,有少少鹽、少少糖,半個鐘就煲好,但西芹與紅菜頭都是小朋友不喜歡的食物,我會mix and match,本身湯底喜歡用昆布去淆味,可能因為有些海水味,小朋友又幾鍾意,最近三個小朋友都清晒所有蔬菜同飲晒成盤湯,我覺得好開心。」

🔼🔼🔼🔼係邊種菜咁有益又好味?👉🏻👉🏻👉🏻👉🏻中醫爸爸力推一種菜心夠清甜營養價值高 簡單清炒偏食兒童都鍾意👈🏻👈🏻👈🏻👈🏻🔼🔼🔼🔼

2. 納豆

納豆是日本歷史中的健康食品,它由大豆發酵而成,富有植物性蛋白質、被稱為天然賀爾蒙的大豆異黃酮,還有維他命B1、維他命E、水溶性食物纖維等,不過重點是經過發酵後的納豆菌擁有獨特的納豆激酶,產生維他命K2,幫助鈣質吸收,強化骨骼防止老化、幫助血液循環。

倩揚:「因為我本身好鍾意食納豆,但從來沒有要求小朋友食,但可能見我食得多,又見到我加紫菜,當佢哋睇到我食納豆時,就會成日都問:『媽咪,妳食緊啲咩?點解啲味咁?』直到佢哋最近睇到一個日本電視節目講納豆,知道納豆有好多好處,於是佢就拎來試。」

她續說:「二哥見到大哥試又跟住試,阿妹見到兩個哥哥試,又跟住食,一pack納豆三盒,一次就會冇晒,佢哋自己會去雪櫃拎,會放在豆腐上食,其實大多數人是接受不了納豆的味,但豆腐是豆類製品,納豆也是豆類製品,二者原是好朋友,兩樣食物放在一吃,是可以遮蓋了很多人不喜歡納豆的那種味道,加紫菜、加少少日本醬汁,味道就會好味。」

3. 牛蒡

牛蒡是十分有益的食材,有「東方人蔘」的美譽,經常與「養生」扯上關係,不少人愛自己煲牛蒡茶飲,希望藉著它降膽固醇和降血糖等。

倩揚:「我會用來整大阪燒,大阪燒除了落椰菜,也可以落牛蒡絲,因為好多小朋友都喜歡大阪燒的形態,所以將牛蒡絲放入去一齊煮,口感更好,小朋友會不知不覺食咗落肚。」

4. 淮山

淮山能補脾養胃、益腎補肺生津,常用於消化不良、食慾不振、久瀉不止、肺虛喘咳、是中醫認為能養陰生津,及健脾的食材,而所有淮山都含有可溶性纖維,能推遲胃內食物的排空,有助消化及控制飯後血糖升高。

倩揚:「我會將准山磨到好碎,或者刨碎,特別是淮山的黏性可以做到餃子的餡,好味又有益;又或者用來炒飯也可以。」

5. 燕麥

燕麥含有豐富的水溶性膳食纖維、維他命B雜、植物性蛋白質、鉀、鎂、磷、鈣、鐵等營養素,常被拿來替代白米。

倩揚:「整Pizza時加燕麥入餡料當中,是可以令小朋友在不知不覺吃了原先不喜歡的食物,也沒有想像中那麼抗拒。」

6. 原味乳酪

原味乳酪含豐富蛋白質及鈣質,是常見的早餐食物之一。

倩揚建議大家買定較多的食材放在雪櫃,「我成日都說雪櫃有咩用咩,大家可以放假攞一至兩小時去超級市場想定買什麼,如果要小朋友有足夠能量,蛋白質是不可或缺,還有適當的纖維很重要,但小朋友也不能夠完全沒有碳水化合物。」

她指早上整一個很靚的乳酪杯,可放入乳酪、水果、南瓜籽、穀物脆脆,但要避免相對高糖分的粟米片,「家長要學睇營養標籤,但如果朱古力味波波呢類太甜糖份太高,可能就只能夠放兩至三粒,不能夠成杯都是,再加入新鮮的水果,如果要揀有水果味的乳酪,就不如買原味,再加新鮮水果;小朋友一定喜歡吃士多啤梨、藍莓味乳酪,但相對高糖,想要健康,原味乳酪在再加藍莓、奇異果、芒果。」她說。

7. 龍舌蘭蜜

龍舌蘭蜜(Agavins)是天然糖分,不易被身體吸收和消化,更可作為膳食纖維,幫助排便 ,同時也是升糖指數低的食物,有助提升小朋友專注力、記憶力等。

倩揚:「如果想要甜味,可以在乳酪加少少龍舌蘭麥,也是低升糖指數。」

8. 原型澱粉(薯仔/南瓜/蕃薯)

+1

原型澱粉對身體健康好,能幫助肌肉生成及燃脂,維生素C和膳食纖維豐富,其中含有的「鉻」對血糖的調節控制很有幫助。」

倩揚:「媽媽可以將原個薯仔切一條條,再噴少少油、少少鹽煎已經好好味,當然如果想開心啲,可以用氣炸,總比不會知道市面上買的是否有很多粉或者加了什麼添加劑,自製的南瓜條、薯條、蕃薯條都經常在我家出現。」

🔼🔼🔼🔼想小朋友快高長大,除咗要注意均衡營養,原來睡眠時間都好重要👉🏻👉🏻👉🏻👉🏻兒童增高|秋天增高黃金期 少吃加工食品掌握兩個睡眠時間助長高👈🏻👈🏻👈🏻👈🏻🔼🔼🔼🔼

兩個睡眠時段影響長高

+4

小朋友身高預算

+4
發表評論...