過江女神：嫁個有錢人 唔使搶奶粉
最近人人都喺度搶奶粉，搞到奶粉嘅價錢，升得仲勁過啲股票，早知攞晒副身家去炒奶粉啦！但當人人都喺度擔心買唔到奶粉畀小朋友食嘅時候，我哋今日要介紹嘅過江女神，就話使乜擔心，小朋友冇奶粉食，咪食人奶囉！
老公有錢
呢位咁有腦嘅囡囡，就係嚟自十×桑拿嘅小玉，一睇小玉嘅身材呼之欲出，就知道佢肯定係一位好偉大嘅母親，小玉話：「小朋友食母乳，食咗幾千年，喺呢幾十年至話食奶粉好啲，貪佢營養高兼夾方便，但係如果畀我做人阿媽，一定會餵母乳。」
小玉一對巨乳，又圓又挺，相信做佢小朋友一定會好幸福，但係小朋友失驚無神就想食奶，咁佢咪唔可以返工囉！小玉話：「如果我嫁得人生得小朋友，我就唔打算再返工啦！最低限度三年內都唔會出嚟做嘢，專心照顧好自己嘅小朋友，總之佢要奶就畀奶，一定唔會畀佢餓親。」咁你老公咪要好有錢至得？小玉一笑：「如果佢冇經濟能力，我又點會嫁畀佢兼同佢生仔呢？」又講得幾有道理喎！
人奶慳錢
對於家陣人人搶奶粉搶到貴晒，佢又點睇呢？小玉話：「其實只要搵個有錢嘅老公嫁，咁就乜嘢問題都冇囉，好似我身材咁好，兩乳健全嘅，咪乜都唔好做，專心照顧小朋友囉，如果身材冇我咁好嘅，咪用錢喺外國訂奶粉返嚟囉！冇話冇架！」
但萬一嫁個普通人，咁又點呀？小玉話：「嫁個普通人，經濟能力唔好，搶唔起幾百蚊一罐奶粉，做母親嘅就更加唔好出嚟打工，你慳番菲傭人工同奶粉嘅錢，已經係唔細嘅數目，而且用母乳餵小朋友營養唔輸蝕畀奶粉，母子嘅感情亦會大大提高。當然，你係全家經濟支柱，咁就真係冇得講，只可以怨自己搵唔到好老公。」正所謂家家有本難念的經，有邊個唔想做少奶奶吖，希望未婚嘅靚女們都搵到好歸宿啦！
小玉profile
年齡：21歲
三圍：35、23、34
興趣：聽歌
撰文：小德
攝影：阿章