絲絲講場：Fb朱仔身家六千億仍慳家
全球最有錢嘅頭幾位超級富豪，竟然喺街坊連鎖折扣店Costco（好市多）「濕平」，到底佢買咗啲咩呢？
行折扣店𥄫電視機
講嘅係Facebook創辦人兼行政總裁朱克伯格，佢喺《福布斯》全球富豪榜排第五，身家787億美元（約6,138億港元），佢上個月中畀人喺美國加州山景城（Mountain View）嘅一間Costco野生捕獲，同老婆街坊裝推住架超市車周圍遊！
情況就有如，你喺十二蚊店撞到香港首富掃緊貨一樣，第一時間當然係八吓對方掃乜！
就咁嘅，朱仔夫婦去到電器區尤其有興趣，特別係電視機。話時話，當時離聖誕節仲有個幾星期，唔通係準備聖誕禮物？定真係自用？估唔到，全宇宙第五有錢嗰位對電視機嘅要求，原來咁街坊。
余絲韻