48歲的唐文龍在《溏心風暴3》出演一位大學講師，風度翩翩的形象加埋爆肌fit爆身形，令他人氣再度急升。當大家疑惑點解男神仲係形單隻影之時，原來唐文龍與TVB新一代咪神36D黃文意行得好埋！
登入 瀏覽本網站，可獲取積分換領專屬優惠
點擊查看專屬優惠
1.相差23年之父女戀
48歲唐文龍與25歲黃文意Mandy，被拍到同行到尖沙咀共晉晚餐，去年11月17日唐文龍生日正日，黃文意與壽星仔同遊大嶼山，女方不小心將二人合照放上IG隨即delete，洩露戀情。而Mandy再上載單人照，負責操刀影相的唐文龍留言：「nice picture」。相當有嫌疑。
話說二人雖無合作，但唐文龍在公司偶遇Mandy即心心眼，上前抄牌。而早前唐文龍被誤會是基民，他亦曾澄清表明自己的性取向，擇偶條件是「身材好、白雪雪、後生」的女孩，咁岩Mandy咪中晒這些條件！
2.新一代咪神：有錢、有身材、有學識
大家對黃文意Mandy可能不熟悉，其實佢係上位新勢力。憑著36D驕人身材、童顏樣子、白皙皮膚，在《3日2夜》浸泥漿浴一幕，以逼爆上圍吸引到網民注意，成功彈起。
25歲的Mandy，童星出身，細細個已入行，有份參演經典劇集《天地豪情》。Mandy家底豐厚，有個被稱為內地「LED燈大王」的富爸爸黃裕發，傳聞身家超過十億！Mandy 9歲就離開香港到英國貴族私立學校讀書，之後回港，在中大畢業，主修文化研究。有身材又有學識，仲係富家女，唔怪得吸引到唐文龍注意！
3.網上談情
除了約出街食飯，二人都喜歡網上談情。早前Mandy換新髮型，唐文龍留言大讚：「女神焗油都幾好睇！俾心機 ～有男版焗油嗎？」而Mandy則冧爆回應：「有㗎！有『CEO焗油』㗎！」用文字+emoji隔空傳情，好sweet！
4.英文同樣嘞嘞聲
感情的培養，當然需要互相溝通，雖然大成23年，但二人的相處好好，仲話好多話題，好岩傾。唐文龍甚至激讚Mandy英文好，Mandy 9歲到英國讀書，入讀貴族私校Clifton Pre-preparatory School，浸過咸水，講得一口流利英文。唐文龍小學5年級時移居美國，在紐約著名的時尚學府Fashion Institute of Technology (FIT)修讀設計學士學位，英文嘞嘞聲，所以都會特別留意對方的英文吧。英文好，真係加分架!
5.互相好評
被傳譜出父女戀，二人都否認拍拖，話只係朋友關係，但係都不忘大讚對方。唐文龍回應：「Mandy係一個有智慧的好女仔，我哋係正常朋友，嗰日只係咁啱約埋食飯，就被大家影到。」Mandy同樣稱讚男方：「心地好、熱心助人、傾得埋，教識我不少事物，不過唐文龍是男神，自己只是剛起步的藝人，二人步伐不一致，難有緣份，做朋友則絕對無問題。」大眾又信唔信呢？