工程保險報價-工程勞保〡勞保王 - 勞保認住EC KING 慳錢容易有得傾

工程保險報價-工程勞保

工程保險報價, 每次報價都越來越貴! 工程界行內個競爭已經好激烈, 難得搵到工程生意機會, 各位工程大判 / 工程二判當然想做得成. 但萬事俱備, 只欠東風! 勞保王最近收到好多工程保險報價查詢, 作為勞工保險嘅一大範疇, 勞保王都想分享下最近報價查詢嘅問題:

工程保險報價每年都係咁加! 甚至乎搵唔到報價, 冇得開工!

睇返香港過去的5-10年的通脹率, 其實唔難理解唔單只工程保險, 基本上所有不同類型嘅保險保費都係有加冇減. 不過不同於其他例如旅遊保險咁一單加一百幾十蚊, 由於工程保險涉及嘅金額大好多倍, 小則簡單室內裝修工程 / 冷氣工程10-50萬, 到100萬至上千萬的大廈外牆維修工程 / 翻新工程, 再到幾千萬至上億單位係建築地盤內開工嘅建築工程, 工程保險保費率係咁咦加少少已經不得了! 勞保王最近接到的其中一個求救個案, 一間老字號工程公司, 接到單3000萬左右的工程生意, 諗住用返平時用開果間中X銀行去出返個勞保就攪掂喇, 點知竟然係報唔到價! 佢地再出去問多幾間保險公司, 收得一個工程保險報價係過往的幾倍價錢…最後搵到勞保王, 當然係幫到佢出到個較為優惠嘅報價可以開到工喇. 按勞保王經驗, 估計報唔到價或天價嘅原因, 可能係以下其中一個或者同時多個…:

A) 投保工程公司過去出現好差的賠償紀錄

B) 唔關問報價間工程公司事, 但係過去一年間報價嘅保險公司接咗的其他工程保險出事, 佢地發覺之前報平咗, 或者要新一年收返貴去填返個數 (承保虧損)

C) 間保險公司換咗管理層, 新官上任, 想重新整頓工程保險個生意

D) 咁啱因為係年尾, 果年保險公司嘅生意已經到咗數, 所以出價唔再進取或甚至已經唔想再接..

工程保險報價: 勞工保險同公眾責任保險(第三者保險), 究竟邊樣先係工程保險?

勞保王每星期都會收到剛剛自己出來新開工程公司的新老闆查詢, 過往打工時佢地唔駛處理工程保險問題, 而家自立門戶接生意就要好好計算呢方面嘅成本. 就好似個人保險巿場裏面「醫療保險」係一個好籠統的說法,住院保險, 門診保險, 意外保險…樣樣都可以算係「醫療保險」咁, 其實工程保險都一樣, 最主要包括有:

1)第三者保險 (亦有稱為公眾責任保險)

2)勞工保險 (或稱僱員保險 / 員工保險 )

3)物料/成品/機器/設備保險

不同保險公司會按不同類型嘅工程設計出不同嘅單一或綜合保險計劃報價. 而一般最常見及按照香港現行情況必需要買, 就係第三者責任保險+勞工保險.

新開工程公司想投標工程返嚟做, 作為二判或三判, 究竟必需要買勞工保險定責任保險?

其實係冇絕對答案, 因為係香港工程世界裏面唔同類型工程裏面的每一隻工程job都可以係千變萬化. 一般而言, 通常大判都會負責咗總體責任保險部份, 有時甚至乎連佢下面所有細判的工程勞保部份佢地都會處理好埋. 而大部份二判或三判搵勞保王查詢工程報價時, 主要都係需要負責投保返佢地班伙記勞保就可以. 當然與其估估下, 勞保王都係建議返大家睇清楚個工程標書內的要求, 一定有寫清楚究竟要買好邊樣保險, 同埋個保險額度要買幾多先足夠的 (第三者責任保險通常由一千萬至三千萬). 唔係好睇得清楚究竟責任歸邊哪一邊的話, 可以直接問問工程上家個Project Manager (項目經理). 至於最為普遍的住宅區內小型家居裝修工程, 不少香港屋苑的管理處都會要求工程公司出示有效既嘅第三者責任保險證明 (俗稱 Cover note)先會俾工程師傅們開工. 如果都真係唔肯家或者以上情況之外的工程保險個案, 當然最簡單就係whatsapp勞保王問問喇! 🙂

點解同樣係差不多500萬的工程, 保險保費都可以差咁多?

就算係同月內向同一間保險公司問工程保險報價, 勞保王都試過收兩份報價好唔同, 保費較貴的常見原因包括但不限於:

1) 工程人員需要高空工作, 使用搭棚

2) 不單使用搭棚, 還需要負責安裝及拆除棚架

3) 高空工作使用高台/ 較剪台升降台 / 吊船

4) 有涉及密閉空間的工作

提早搵勞保王, 控制成本冇徬徨

各位工程大哥, 都係果句, 因為工程保險算係勞保甚至係一般保險範疇內最複雜的一種, 所以為免唔好令大家填工程報價單內嘅保險成本報錯價, 或者最好幫大家報到靚價去開工大吉, 勞保王再次溫馨提示各位, 而家就撳一撳旁邊個whatsapp制, 提早搵我地報個靚工程保險價喇!

<<<<勞保報價>>>> <<<<勞工保險比較>>>>

購買及檢查裝修維修工程保險的要點

職安警示 – 懸空式竹棚架拆卸篇 (勞工處)

#工程保險報價 #工程保險價錢比較 #勞工保險 #責任保險 #工程標書勞保成本 #工程保險條款 #小型工程保險 #建築工程保險 #裝修工程保險 #冷氣工程保險 #工程勞保報價2023 #政府工程項目投標 #維修工程勞保 #工程保險邊間好 #工程保險費用 #裝修勞工保險 #勞工保險價錢 #勞工保險價錢2023 #勞工保險邊間好 #勞工保險 #勞工保險費用 #忘記買勞保 #自僱人士勞保 #EC 保險 #勞工保險比較 #勞工保險費用勞工保險保費 #勞工保險即時報價 #勞保價錢香港 #自僱人士勞工保險 #忘記買勞保 #勞工保險比較 #勞保報價 #不記名勞工保險 #不記名勞保 #冇買勞保 #無買勞保上庭 #散工勞保 #遲買勞保 #勞工保險檢控 #勞保保費 #勞工保險保費計算 #勞工保險公司 #工程勞保 #裝修工程保險報價 #搭棚保險費 #工程保險報價 #遲買勞保 #棚架工程保險 #裝修保險邊間好 #全年工程保險 #建築工程保險 #裝修保險網上投保 #工程保險第三責任險 #工程保險CAR #Contractors’ All Risks Insurance #綠化工程保險 #裝修工人保險 #第三者責任保險報價 #高空工作保險

工程保險報價-工程勞保

工程保險報價每年都係咁加! 甚至乎搵唔到報價, 冇得開工!

工程保險報價: 勞工保險同公眾責任保險(第三者保險), 究竟邊樣先係工程保險?

新開工程公司想投標工程返嚟做, 作為二判或三判, 究竟必需要買勞工保險定責任保險?

勞保王 EC King