人氣雪櫃比較及選購攻略 | FORTRESS豐澤
滿$500免運費|VIP會員滿$300免運費|免費門市取貨

貨幣

  • HKD
  • RMB
  • USD
  • MOP
  • * 所有交易均以港幣作結算,其他貨幣價格只供參考之用。


語言

下載App
店舖 訂單追蹤 設定
購物車0

關閉

加入比較

選擇品牌

選擇產品

成功設定到貨通知。

當產品有存貨時,我們會傳送通知至你的電郵。

確定

Samsung

人氣雪櫃比較及選購攻略

屋企雪櫃成日唔夠凍?買完啲餸翻嚟又唔夠位擺?個雪櫃好似好食電,搞到電費好貴?雪櫃太舊想換過部?有以上問題又想買新雪櫃嘅你,會唔會覺得啲雪櫃部部一樣樣,唔知應該從何入手呢?所以今次就會同大家分享購買雪櫃嘅小訣竅,希望可以幫到大家選購雪櫃啦〜

雪櫃選購指南

雪櫃空間

揀雪櫃嘅第一個步驟就喺評估屋企可以放雪櫃嘅空間大小。而除咗櫃身嘅大小外,記緊需要喺雪櫃嘅頂部預留5cm以上同側邊預留5mm 以上嘅空間,以保持雪櫃通風同散熱順暢。

雪櫃尺寸

喺選擇雪櫃尺寸(容量)時,你需要考慮家庭人數同生活習慣。如果家庭人數多,要存放嘅食物就會有一定數量,要考慮較大嘅雪櫃。相反,如果只是一至兩個人生活,較小型嘅迷你雪櫃已足夠使用。不妨試吓用以下呢條公式計吓適合嘅雪櫃尺寸:

家中人數×70L+170L(常備食材100L 加上預備食材70L)

根據公式結果,兩人家庭應需要至少有310L嘅雪櫃,五人家庭則需要至少有520L嘅雪櫃。不過結果只喺粗略估計,只能作為參考。

雪櫃門數

一般雪櫃可按雪櫃門數分為單門式、 雙門式同多門式數種。而最常見嘅雙門雪櫃再細分為上置冷凍式、下置冷凍式同對門式三種。

雪櫃摩打

雪櫃摩打分為變頻式摩打同非變頻式摩打。 變頻雪櫃一般較傳統雪櫃慳電20%,因為變頻式摩打會根據溫度改變供電頻率,調節負載,從而降低功耗,減小損耗,延長設備使用壽命。不過,價格一般會較高,選購時要計計數。

雪櫃溫度

一般兩格雪櫃嘅正確溫度為冷藏室平均約4℃,急凍室平均約-18℃。唔少雪櫃為咗解決溫度過高或過低嘅問題,都設有手動調整溫度功能,比用家自行調溫。亦有雪櫃設有電腦控溫功能,原理喺透過內置嘅感溫功能,因應用家設定嘅溫度調節製冷。

能源效益

雪櫃佔家居用電達14%,選購一個節能嘅雪櫃既環保又可以幫你減少電費開支。選購時可以留意能源效益標籤上嘅「能源效益」,能源效益分為5個等級,當中1級(綠色)最具能源效益。同時可以留意標籤上嘅「每年耗電量」,比較唔同型號雪櫃可節省多少電費。

雪櫃功能

唔同雪櫃型號都有相應嘅模式同功能。用家可以根據自己嘅需要去選購。常見嘅型號有無霜雪櫃同直冷式雪櫃等等。

無霜雪櫃 直冷式雪櫃
應用 多為雙門或以上型號 多為小型單門及個別雙門型號
製冷 以冷風吹進冷凍室/冷藏室製冷 以蒸發器(冷管)直接製冷
除霜 會定時溶雪 濕氣會不斷凝結在冷管上
省電程度 須額外除霜耗電 耗電主要用於製冷
電費 較高 較低
方便程度 不需自行定時溶雪 需自行定時溶雪

特別功能

有啲品牌嘅雪櫃都有特別功能,例如HITACHI IoT嘅智能變頻環保雪櫃配有魔術控溫室Selectable Zone功能,設上、下兩個調校溫度嘅獨立控溫室,因應唔同家庭需要,靈活變動控溫室嘅使用方法。另外,LG嘅InstaView Door in Door 玻璃鏡面技術,用家只需喺鏡面快速輕敲兩下,鏡面就會變透明,可以輕易查看雪櫃內放置嘅食物,同時減少冷氣流失,令食物有更好嘅保鮮效果。

常見問題

點儲放食物為最好?

雪櫃幾耐洗一次?

建議每三個月就應該清潔一次雪櫃。當然使用頻繁,雪櫃內嘅污漬會較多,而殘留嘅污漬都會有細菌,故清洗次數可較密。

應該點清潔?

步驟1: 清潔前應切斷電源並以保溫箱收藏好食物

步驟2: 清潔雪櫃層板

拆除內部嘅層板後,可以用廚房紙沾上暖水敷喺污漬上,或用1:1 嘅醋加水去清洗層板污漬。另外可用梳打粉同鹽,再加少量嘅水開成膏狀。之後用清潔海綿慢慢擦就可以去污,而鹽有磨砂同殺菌嘅雙重作用。

步驟3: 清潔雪櫃內部

用1:1嘅醋水以噴壺噴灑清潔內部,之後關上雪櫃門,靜待15分鐘,最後用濕布同舊牙刷再擦乾淨就完成。

步驟4: 清潔雪櫃門

以1公升溫水加2湯匙梳打粉嘅水擦拭就可以完成清理。

步驟5: 清潔底部水槽

同樣以1公升溫水加2湯匙梳打粉擦拭便可清除黴菌,放回原處之前要徹底風乾。

步驟6: 清潔通風口

用吸塵機或軟毛牙刷清理通風柵,千萬不要用濕布以免生鏽。

點樣可以慳電?

除咗可以揀部有變頻式摩打同1級能源效益標籤嘅雪櫃之外,以下嘅慳電小貼士都可以幫到你!

- 喺雪櫃取攞完嘢之後 ,要即刻關上櫃門,同時要盡量減少打開雪櫃嘅次數,防止冷空氣流失

- 「攤凍」食物先才放入雪櫃,慳電之餘避免雪櫃負擔過重

- 按雪櫃內所存放嘅食物種類同數量去調校恆溫器

- 外遊同冬天時,應將雪櫃設省電模式,如長時間不使用雪櫃時,應關掉電源

人氣星級之選

智能之選

大容量之選

節能之選

小型家庭之選

熱賣冰櫃推介

親愛的訪客您好,歡迎光臨豐澤網上商店

建議您的瀏覽器升級至下方瀏覽器的版本或以上,以獲得最佳瀏覽體驗。謝謝。
INTERNET EXPLORER 11 或以上版本。
FIREFOX 27 或以上版本。
GOOGLE CHROME 38或以上版本。

ANDROID行動裝置請使用ANDROID 4.4或以上版本。
APPLE 行動裝置請使用IOS 5或以上版本。

親愛的訪客您好,歡迎光臨豐澤網上商店

建議您的瀏覽器升級至下方瀏覽器的版本或以上,以獲得最佳瀏覽體驗。謝謝。
INTERNET EXPLORER 11 或以上版本。
FIREFOX 27 或以上版本。
GOOGLE CHROME 38或以上版本。

ANDROID行動裝置請使用ANDROID 4.4或以上版本。
APPLE 行動裝置請使用IOS 5或以上版本。