余文樂與小儀正式公開戀情？話說今日網上瘋傳一篇名為「傳余文樂、小儀公開戀情，承認相戀」的文章，內容大概係話34歲的樂仔與45歲的小儀出席活動時甜絲絲地承認相戀，唔通呢個世界真係有童話故事的？消息一出隨即引來熱烈討論，有人覺得難以置信，亦有人送上祝福！到底呢段戀情孰真孰假？睇吓樂仔點回應！

續下頁

延伸閱讀：

林志玲發聲明擬告陳冠希

好事近 岑杏賢 袁偉豪甜蜜遊加國

下頁續

現年45歲的小儀自1996年加入商台做DJ，與森美拍檔多年，嬌小身形及搞笑形象同樣深入民心。佢除了電台開咪，電影、劇集及節目主持都撈埋，絕對係百足咁多爪。另外大家都知小儀廚藝了得，曾經在節目《美女廚房》中奪冠，真係入得廚房出得廳堂！

小儀雖然事業順利，可惜感情路上波折重重，多年來都鮮有緋聞。佢最傷心都可算係六年前，承認與尚方文化出版社肥仔CEO黃志暉拍拖，可惜戀情短短一年便告終，小儀亦自此dry到依家。

下頁續

但今日網上爆出小儀終於有新戀情，而對象竟然係男神余文樂！文章寫得繪形繪色，指樂仔表示：「大家都認識咗好多年，常常都見面，都很了解對方… 覺得對方愈來愈好，所以就一齊了！」又話「我希望大家唔好將她和我之前的女友比較，我好欣賞佢，煮得一手好菜，是我想要的對象」。

文中又稱小儀覺得樂仔係自己男神，對方肯接受自己簡直係奇蹟；又話自己年紀都唔細，希望可以組織家庭。小編寫到呢度依然不敢相信，到底係堅定流？睇樂仔本人回應啦！

下頁續

從來有咩大事發生，當事人通常都係最後一個知。樂仔今朝九點幾就在IG上載一張「床照」，見到佢O晒嘴、手放額頭仲有一臉震驚的樣子，似乎床都未落就大受打擊！佢留言：「今天早上起來，竟然收到很多朋友的訊息，一打開發現全都是問我同樣的問題!!!就連我媽都打來問我，我第一個感覺就是，只能說我真的年紀開始大了，大家真的很擔心我感情沒有著落!!!小儀如果我過幾年都找不到對象的話，我們就真的在一起吧!!!!」

睇嚟唔單止網民震驚，連樂仔媽媽都好擔心！不過男子漢大丈夫，講得出做得到，小編留名睇你哋過幾年真係拍拖！

全文完