老師唔好意思今次條問題比較長。
今年30歲而家持有以下股份 亦都係因為今年識咗老師先開始買股票，開始得有少少遲。
00016 500shares @108
00823 499shares @70.7
01177 262shares @11.4
01211 634shares @37.5
01928 1007shares @30.9
02388 500shares @25
02800 2188shares @25.1
09988 400shares @177
其實上面嘅股票都係大部份聽老師講買咗，尤其是係比亞迪最近升咗好多，想問以下問題。
1. 比亞迪持有股份唔多，身邊朋友都建議賣咗佢因為最近升得好多有少少炒。而且依個股票都成日大升大跌，但因為我只係持有一手多少少又驚放咗之後無辦法再可以係低價買入，咁請問老師建議放嗎？
2. 我諗緊好唔好加多幾隻股票，但因為我現有股票其實都持有數量唔多，我諗緊係應該集中啲幾隻股票加大數量好，定係加多幾隻股票係我個組合?
正考慮緊以下股票請問老師建議買嗎? 我現有組合同年齡應該買邊隻好? 希望可以增長力但又不想承受太大風險。
粵海，福壽園，小米，中國鐵塔
3. 而家股票嘅價值有32萬左右，人工4萬9千，儲蓄30幾萬左右，但平時都算使費大又要供兩份保險。請問建議股票佔幾多%好？
4. 中生製藥連一手都冇，因為之前斷咗月供。點知無啦啦升咗好多，但碎股又唔可以就咁賣出。依家依個位請問我仲應該繼續月供嗎定係真係等佢之後再跌先至再入返一手？
唔該晒老師！真係因為你我先至可以開始買股票賺錢，以前自己細個唔識諗將啲錢買埋啲無謂野，再唔係就擺喺銀行利息都冇乜。唔該晒你成日不厭其煩咁回答我嘅問題。
你上述的股票，都是有質素的，因此都可以長線持有。同時當然有元不同的類別，無論是傳統的企業，或是新經濟的企業，這可以令你組合更平衡，方向正確。
1）比亞迪（1211）的確是上落較大的，比較好的做法是升一倍賣一半，不過你持股唔算多，因此處理較煩。如果你本身打算中短線投資，而現時現金不多，可賣。如果你現時有一定的現金，而這股原本都打算長線，就持有先。
2）雖然這些都是有質素的股票，但以現時的平貴度，你可以考慮粵海（0270）、中國鐵塔（0788），其他則要等回少少先。最好回10%。
3）財富分配比例大致無問題，以現時的股市情況分析，可以持有3-5成現金。
4）中生製（1177）是潛力股，有時唔好太主觀判斷幾時停所以月供是一個好的策略，目的就是減少人主觀的因素。如果你月供金額不大，其實可供的。
你已經掌握了正確的投資方向，但要要保持進步，同時，投資股市要面對好多心理問題，因此要理性分析，同時記得正確投資的方法。
------------------------------------------------
和記電訊（0215）本身都有質素的，不過，佢2019年派大額股息，證明發展空間其實不太多。所以，要睇你的投資目標。
這股智能手機的高增長已過，但仍會為和記帶來收入增長，但盈利不會有太大驚喜，只會平穩發展，這部分不止硬件收入中反映，更會在流動通訊業務中反映，因為客戶會用更多的數據服務。
相信佢之後只會平穩，唔會有太大驚喜。你以持有，但持有太多意思又唔算大。
------------------------------------------------
1.本人35歲，有小孩，自住樓，每月可儲3萬，約有150萬儲蓄。
2.月供股票一年，比亞迪（$1000）、盈富（$2000）、煤氣（$1000）
3.有保險公司的儲錢計劃，約每年儲10萬，儲20年
4.持有少量股票：領展（82.5買入，1000股）、舜宇科技（118買入，200股）、中國鐵塔（1.69買入，20000股）
你應該善用現金，你現時現金的比例太多，可以更有效去運用。
你已有自住樓，在之後的財富配置上，會偏向股票，令你能達至股樓平衡的模式。你現時月供的都是有質素的，你可以加大金額。
至於現時持有的領展（0823）等幾隻股票，都是有質表，可長線投資。
要有效增加財富，要善用現金，你現時持有$150萬，可以動用其中的$50萬，分注投資優質股，現時已可以開始進行，你可以考慮盈富、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
另外，你可以同時加大月供全額，每月$15000，除了增加原有的3股每隻的金額外，可以同時加入其他股。
簡單來說，就是建立一個長期的優質股組合，而不是單單持有現金。
------------------------------------------------
你好，可否請教一下，我想用10萬本金來作投資股票市場，一年想賺取4-5%，不知道可否建議買哪一隻或哪一類股票？謝謝
如果一年要求回報為5%，你可以投資收息股，這類股風險不高，同時股息穩定，相信適合你的投資目標，你可以同時持有數隻收息股，以平衡組合的風險。
你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。]
------------------------------------------------
如果 A國的國家貨幣不是國際流通。
這 A國 將自己的貨幣, 全部虛擬化或數碼化。
咁對A國本身國民有咩影響？
例如 去其他國家旅行，或購物..... 等
要睇翻佢能否全面使用，如果真的一定要全國使用，這種虛擬化都是成為這國家的主流，人們亦會漸漸習慣，變成了如同我們日常的貨幣一樣。
至於對外，就要睇翻佢的匯價，貨幣與貨幣之間一定要有一定對換價，這個價是怎樣計算？計要睇翻該國的運作模式，自由對換，國家控制，還是怎樣。
另外，亦要睇這種虛擬化，會否出現無限發行的情況，如果無限發行，就只會大幅貶值。
------------------------------------------------
老師你好，我好欣賞你對成功堅定嘅意志 ，希望你可以指點吓我。
以下係我嘅背景:
我係一個啱啱畢業嘅學生 今年23歲 月收2萬加埋平時補習，總收入約22 - 23k，儲蓄大約15萬，4-5萬用作投資 每月家用5000，存10000至15000，當中每月都會留10000作投資用途，餘下留起以備不時之需。我有幾個問題想請教老師。
1. 我工時普遍都幾長，平時朝9夜7有啲要過12點先放工，星期六日去補習又無左個下午。
我每個星期都會睇年報、睇有關財經嘅書，每晚都會睇美股個市，雖然我d股票係作長期持有，但我覺得長期睇住可以刺激我對d股票高低位嘅感覺。
另外，為左之後事業發展，我打算考cfa同保險牌。但始終時間好有限，我得閒嘅時間只有星期六日嘅上午同下午，我想請問有咩方法可以騰空更多嘅時間？
2. 我個人好矛盾，一心成日諗點樣盡快揾多d錢，另一方面我要不斷提醒自己保持耐性，要努力工作加大資本，慢慢等資產增值。
3. 我目標係5年內儲一百萬置業，我上過好多地產網業，發現400萬嘅樓如果70-80萬首期 (餘下20-30萬為置業其他費用)要3月薪近4萬先過到壓力測試，但我認為5年後我的工資應該未到這個水平，請問老師有何高見？
4. 我最近開始有d迷失嘅感覺，我感到壓力唔小，我想揾多d錢但有唔係好知揾更多錢用嚟做乜。想請問老師儲錢時有無類似嘅經歷可以分享吓，同埋請問老師會用咩方法減壓同調節自己嘅心理？
5. 我睇書果陣成日感到自己未能好好吸收入面嘅知識，有時好似睇小說咁，睇完就算，老師有無閲讀方面嘅心得可以分享吓？
1）我會建議你更有效分配時間，睇美股、睇住個市，這是無意義的動作，你應該留時間「增加知識」、「分析企業價值」，我在廿幾歲開始，保持一星期分析一間企業，睇年報等分析，花約6小時，每星期進行一次，這動作令我投資實力大增。
另外當你儲到一定的本金後，就可以減少某些兼職，將時間用作分析企業，提高知識。
2）要學習控制，長線投資是王道，這是最賺錢，如果你想財富有最大的增值，就要訓練自己做到這點。
3）你這刻要盡力累積財富，只要你財富提高到過百萬以上，到時就更有彈性去買樓。因此，這此你最重要做的，是如何累積第一、第二個$100萬，之後的事就易處理。
4）因為我有目標，有夢想，不少目標都要用錢來實現。
當我攰時，就要睇翻這些目標的相片，我就會提高動力，並相信今天的付出好值得！
5）你要劃低重點，我睇書會不將劃書給寫筆記，讀完一次後，就會立刻翻睇一資重點位，加大記憶。
------------------------------------------------
龔Sir，你好！我住澳門，兩個月前開始睇你嘅FB，改變咗我對投資嘅睇法，仲一口氣買咗你11本著作，目前睇緊選股聖經
亦好期待澳門班，由於我完全冇投資經驗，只係膽粗粗咁開始咗月供股票兩個月，同埋一手手咁入咗D股票，所以想請教一下
之後應該點去做好資產分配，可以盡快達成財務自由嘅目標，唔該晒龔Sir先，麻煩晒，感謝感謝！
2. 已有自住物業，已供完樓，暫時未有轉換居住環境需要，與父母同住
3. 月入5萬，每月可儲3萬，已開始每月月供2萬2800
4. 現有股票，2800：2688@23.149，1928：1600@27.5，66：1000@42.75，823：700@68.8，2388：2000@24.3，2638：500@7.98
5. 月供基金2000，危疾保險每年供4.5萬，公司有基本醫療保障
6. 現有現金60萬，人民幣30萬，定期130萬，其中35萬今年內到期，其餘明年初到期，已預留20萬備用現金
如果你已有物業，在之後的財富分配上，你可以加大股票部分。
你將每月的部分資金，去做月供股票是正確的方向，以我所知，澳門月供股票是每一隻收費的，因此，你唔好供得太散，可以集中供盈富（2800）。而盈富是一個組合，就算集中一點都無問題。
所以，你現時月供$20000盈富，無問題，可長線進行。
至於你現時持有的股票，都是有質素的，可持有。方向正確。
至於現金部分，你可以再動用多$30萬去分注買入股票，如果對自己的選股未有信心，就投資ETF，例如盈富、南方Ａ５０（2822）、領航標普五百（3140），都是可以投資的。
餘下的現金，等你有更高的投資知識、選股能力，以及大市回落時才動用。
------------------------------------------------
龔sir, 本人29歲, 從未涉足投資, 想月供$10000去而下組合, 想詢問一下你嘅意見：
- 盈富基金 5000
- 港燈 2000
- 領展房產 2000
- 比亞迪 1000
上述都是有質素的股票，你可以進行月供，不過，港燈（2638）只是收息股，而你29歲，應該以增值為主，因此未必是好的選擇，你可以考慮其他有基本增長能力的股票。
另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。
現時大市處合理區，可以一邊投資一邊留現金（即是你先月除了月供$10000外，要同時留有現金）。
而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
龔sir：你好，本人剛賣左層收租樓，有現金250萬，想將呢筆錢投放到股票上，但唔知點行第一部，本身都有買開股票的
但始終未試過揸住咁大筆錢，所以毫無方向感，想將呢筆錢可以於幾年時間倍增，唔知有冇可能，希望老師可以指點迷津
要睇翻你的年齡與風險程度，先能有較好的配置，其實所謂的投資，是一個財富配置過程，長期持有有質素的股票，當中要平衡，並不是短炒。
你可以考慮一些指數基金為核心，例如盈富（2800）、南方Ａ５０（2822）、領航標普五百（3140），盈富是最大路的。
另外再加其他平穩增長的優質股：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。
你可以先動用$100萬，分注投資，餘下才慢慢等機會，以及慢慢分析如何做好配置。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
龔老師,你好，本人36歲，已婚，不計太太的收入，月入3萬，每年人工增長約5% (但可能因今年市況，未能保持5%)
現時扣除日常開支、家用及自住物業供款($10,000)開支等等，每月約可儲$10,000現金，太太的收入主要是分擔日常開支及保留作為備用現金。
手頭上現金有大概40萬港幣高息存款與按揭利率掛鉤(不包括太太的備用現金), 而自住物業是單名還有20年供款期
手頭上的股票市值大約50萬港幣 (月供股票佔大約15萬)，另外有30萬人民幣定期將會5月尾到期，,到期後應該會再續！
A) 手頭上的股票不計月供部份, 現時市值大約35萬 , (包含 0005-HSBC, 0011-恆生, 0017-新世界, 0386-中石化, 0778-置富, 0823-領展, 2388-中銀)
B) 月供部份是每月$10,000(即是儲蓄部份)，大約進行了15個月 (0012-恆基$1000, 0016-新鴻基$1000, 0060-港鐵$1000, 0388-HKEX$1500, 1038-長建$1000, 1177-中生藥$500, 1928-金沙$1000, 2800-盈富$3000)
1) 我想請教我的月供部份會否分得太散，是否需要將月供的10,000由分散到7隻股票揀選為3-4隻?
2) 因太太的收入主要為開支及備用現金(都是存在與按揭利率掛鉤的高息戶口), 她的部份不會作出任何投資，所以我本身的40萬港幣高息存款是否應該作出投資、抑或繼續存放在高息戶口還是用來提早還按揭?
我與太太的共識是以手頭上的股票及現行每月10000月供股票以10年時間增長來達到提早10年還清所有按揭(現是連息還欠約240萬)，是否可行?
還是增長後, 到時再看看市況與政策, 投資多一個物業會，之後會比較財務自由? 因為股息的回報是否不及物業的租務回報?
我會建議集中至5隻會較好，你可以睇翻一些重覆類別的股票其實可以減少，例如恆基（0012）同新地（0016）都是同類，你投資一隻就得。另外，長建（1038）雖然有質素，但增長力中等，在上述組合中，可考慮減少這股。
2）由於現時低息環境，你不還錢其實較好，第一，這筆資金投放在高息戶，對你無損失，佢會自動對沖按息。第二，你可以做為等投資機會的備用現金。
因此，不用提早還錢，持有現金，當大市出現大跌時，你就可以買平貨。
至於10年後是否還錢，就睇到時的按息，這是最大的決定因素。但你不用這刻決定。這刻最重要的，就是做好財富增值，到時有資金，自然可以有效運用。
當10年後，你有一筆資金，如果到時按息不高，而股息率較高，當然是投資股票，但到時要同時分析：按息、股票市場回報率、物業市場回報率。不同這刻決定。
------------------------------------------------
龔老師您好! 我今年48歲了，過去沒有儲蓄習慣，不過亦沒有太大經濟負擔，與父母同住。
最近有朋友向我介紹您的作品，有《50穩健收息股》及《50優質潛力股》，獲益不少。有感太遲才認識您，現希望透過月供股票方式，為未來退休之用，預計退休年齡為65歲。
從您的作品及本人一些自己看法，打算月供20k股票:
1. 工商銀行：3K (穩健收息股)
2. 吉利汽車：3K (算是潛力股嗎?)
3. 交通銀行：4K (穩健收息股嗎?)
4. 港鐵公司：3K (平穩增長股?)
5. 盈富基金：3K
6. 領展房地產基金：4K (平穩增長股?)
同時亦打算以這組合月供應10年，以追回過去沒儲蓄所造成的隱憂。未知會否追得到呢?
以你的年齡，其實會開始為退休做準備，現時有17年，但同時，財富仍有增長力（但不是進取），因此，你可以投資「平穩增值股」+「收息股」。
你上述的月供股票，都是有所質素，可以進行月供建議你加大盈富（2800）的金額。
另外，工行（1398）與交行（3328）都是內銀類別，你度該減翻少少金額，避免組合出現集中行業風險。
你上述的方向，大致無問題，可以進行，但就隨著年齡增加，慢慢增加收息股的比例。你可以供10年先，我相信可以追到的，如果你日後收入增加，可以進一步加大盈富的金額。
另外，以你的情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
我係你股票班學生，老師想問下現時持倉優質與否及估值是否合理和部署建議？
1手27 入價56 估算43-52
2手992 入價5.5 估算4.3-6.2
3手1830 入價2.7 估算2.4-3.2
2手1211 入價41
3手66 入價45
10手1317 入價2.5 估算2.5-3.3
5手5 入價 66
按比例倉大約70萬（使用了50，留有20萬投資）及30萬緊急時用及少量實金，5號不打算再買入及增加收息水桶類別，老師會建議入其他板塊還是此倉增持？感謝龔sir
跌市始終有很多好質素股票會眼花撩亂，暫時每隻不多於倉的30%及板塊15% ，都想了解下樓市如何部署；優先買樓還是集中股市
匯豐（0005）只是收息股，你當佢只是收息，無增長力，不要增持。
如果你有2年內買樓的打算，我會建議你留現金，暫時不要增持股票，持有上述的就算了，因為當樓市跌時，股市都可能跌，你太多貨到時套現就要蝕。
如果你打算3年後才買樓，就可以這刻先集中投資股票，但股市波動，現時最好留30%現金，分注，等機會去慢慢入市。
------------------------------------------------
阿sir我想請教你， 我喺呢間公司嘅工作， 已經八年半， 喺3，4年前我有諗過resign， 當時喺度諗畀多少少時間喺呢間公司
睇下有冇得繼續發展， 但係當我發覺 我前景 未必有好嘅發展， 照喺間公司只會嘥時間， 如果你係我你會繼續留低定係走
我想請教你意見， 我係一個工作上只會默默做嘅人， 我唔係好醒目，吾古惑
近呢大半年我發覺我已經對間公司無熱誠， 我好想聽你意見
當一間公司你已經無興趣，認為無發展，你再留在這公司，只是浪費時間，所以，走是較好的。
如果你現時有其他目標公司或行業，已經可以見工，可以走，如果未有的話，就好好在這段時間，一邊做這公司，一邊想清楚自己想點。
有時未試過真的唔知，跳出來是一個突破機會，無人知結果係點，但如果長期留在原在的公司只是浪費時間，就要出去試下。
------------------------------------------------
成sir你好，雖然我都知你唔係專講樓市，但我發現香港好多「專業人士」/樓評都係吹水成分多，我都唔係想預測，但想知其實分析樓市有冇一套邏輯呢，例如：同股市一樣，最好都係合理便宜價買啦，但點計到合理價呢？參考失業率、成交額成交量、按揭量有冇用呢？
我由四月開始睇樓到而家五月初，其實唔覺得有平過，可能新界區會平dd, 但整體來說身邊唔小朋友減薪，但樓價好似仍然冇變咁，市場上的盤大部分都係冇咁好嘅樓盤，想知成sir你點睇
有人說樓市滯後3-6個月，是怎樣理解？雖然說有自住需要可以買，但現實上人工都追唔上樓價，全球經濟環境都唔好，樓價又點維持？
老師想補充少少，而家開始多左新聞甚至乎經紀話多左人睇樓，啲人都好積極還價，甚至乎要搶可買公屋，咁積極環境下係咪應該好似股票咁，人搶我等呢？
因為我原本睇中一個單幢單位，出5字尾價，因為單幢本身都冇咩人睇，後來有位買家出6字頭，因為單位極殘，但冇嚴重結構問題，裝修費計過要30-50萬
如果以另一買家6字連裝修費，其實同區已可以買到屋苑，所以最後我冇追理性睇覺得自己冇做錯，但有時都懷疑是咪做得岩。謝謝你
所謂的「成交額成交量、按揭量」，都只是一些中短期分析，作用不大，現時香港樓已無得短炒，因此，應該集中長期的分析與投資。
香港的經濟，會開始轉弱，這會慢慢反映到樓市，中短期樓價可能會下跌，但不會大跌，當經濟正常翻少少，甚至會升翻。
最主要的原因，就是根本的「供應與需求」，需求太大，只要樓價跌少少，就有好多人買樓。
所以，如果你自住，只要樓價回落少少，甚至賣家願意平少少，你已經可以買入。你可以不斷睇樓，睇下有無機會遇到一個心急的買家，這就是你的機會。
至於單幢樓，不是無價值，但分析時要較小心，因為不同大型屋苑有好多參考成交個案，單幢樓要求你獨立分析。你要比較同區的呎價，再衡量單幢樓的質素，小心推算。
------------------------------------------------
老師 最近打算上車 所以都冇多餘既錢去買股票 因為堅信老師講過過要長揸先有用 所以都放棄短炒既念頭...但
最近見到啲股票又升番上黎又好後悔冇買
而手持既5號仔仲蝕緊 均價係$61
如果個股市係一個保持上升既情況下 又可以點部署？
另外想問 1211 1177 1448 1928 1830
都升番 如果係有限資金既情況下可以點部署？
1830 8月派特別息 建議派息前入一手收息嗎？如果可行 可以咩價位入？ 謝
無人知大市升跌，無人知那類股炒，如果馬後砲模式去認為自己能做到，這是一個好錯的概念，投資好講理想，你一定要學習理性分析。
至於匯豐（0005），只是收息股，唔好對股價有太大期望，如果組合想要更好的增長力，就應該轉其他。
至於現時，唔少股都升左，你可以考慮金沙（1928），但預佢中短期較弱，長遠則正面。
至於必瘦站（1830），可以入一手，這股有長線投資價值，但現價就不是大手時機。
------------------------------------------------