颱風馬鞍襲港，雖然只係賺咗半天假，但都好過無，輕輕鬆鬆又收工，仲keep住放假mode，就同男朋友搵間有情調的餐廳浪漫一下。餐廳分內外兩個用膳區，地方闊落，座位唔少，泊牆全是長沙發座，加埋幾盆綠色植物，環境舒適。燈光柔和，每枱仲放了小蠟燭，都幾有情調。看看menu，有好多選擇，左諗右諗，我地最後揀了精選2人晚餐($668)，共有4道菜，並奉送飲品。不出一會，店員就送上一盆熱烘烘的雜錦麵包，有海鹽麵包棒、香草意大利包和法包。三款都好食，最喜歡就海鹽麵包棒，鹹香脆口，正!餐湯和沙律各選一，今日餐湯是大蒜薯仔湯，質感濃厚綿滑，味道濃郁，好有薯香。沙律是牛油果沙律，所有蔬菜都非常新鮮爽嫩，牛油果就好creamy香滑，拌了酸咪咪的醋汁，好fresh。頭盤選了秘制美國脆炸雞件及炸車打芝士青辣椒，件件金黃，好靚仔! 外層香脆得很，食落又唔油淋淋，讚! 脆炸雞件外脆內嫩，點啲酸咪咪的醬汁更好味! 一咬開件車打芝士青辣椒就湧出已溶的芝士，清爽的青辣椒配鹹香的車打芝士都幾爽，有驚喜。主菜可在餐牌上任選一客意大利飯/麵，我地點了一客初榨純橄欖油蒜香白酒煮紐西蘭海鑽蜆扁意粉(微辣)。一上枱就聞到陣陣蒜香，好吸引!份量好足，周邊圍著多隻海鑽蜆，肉質鮮甜，肥美鮮嫩，有質素。 扁意粉有嚼勁，烹調入味，啖啖蒜香，雖用初榨純橄欖油，條條令身，但食落又唔覺太油膩，好好味! 另一主菜就揀了炭燒穀飼澳洲肉眼扒拼香草牛油焗波士頓龍蝦尾配薯條，嘩! 賣相一流，好吸晴。除咗有巨大的肉眼扒和龍蝦尾外，仲有金黃的粗薯條，外脆內綿，滿有薯香，越食越滋味。配菜都好正，有原粒焗蒜、車厘茄、椰菜花和西蘭花，全部都好爽嫩。先食肉眼扒，外表烤上烤紋，內肉鮮紅，但無流出血水，肉質腍嫩，好有肉汁，牛味香濃，肉之間有啲筋，煙煙韌韌，好有咬口，我最喜歡。龍蝦尾已脫殼，食得方便，肉質爽嫩鮮味，以香草牛油焗，好有迷迭香的味道。男朋友餐飲轉了偽鴛鴦(+$38/跟餐)，賣相好靚，未飲都覺得冰涼透心。以朱古力做底，加了咖啡冰磚和朱古力碎，所以叫「偽鴛鴦」，真有新意! 但咖啡冰磚好耐都唔溶，頭一半都係飲到香濃的朱古力味，其後先有咖啡的甘苦。我就轉了杯雲呢拿伯爵茶鮮奶咖啡(+$19/跟餐)，好cute的貓貓呀! 香濃的咖啡配上幽香的伯爵茶，味道甘苦，絕對係醒神之選。

今日天朗氣清,  去 數碼港探朋友,  乘機去 鍾菜館  歎個午茶.   特別一贊, 鍾菜館 位於商場地面層, 可以在酒家門前上落車, 極方便大眾 出入.  到達鍾菜館, 第一個感覺, 酒家外觀中式設計, 頗優越, 真誤以為我們身在中國.
接待處用上石頭砌成的檯.  只欠古裝服飾美女, 看右方有木雕座椅, 帆船及金龍金鳳擺設, 打卡最好. 餐廳樓底高, 座位設計獨特, 有 大圓枱,  梳化座, 燈光和詣.適合家庭, 朋友聚餐. 餐廳裝修得好雅緻.  有多間 VIP房, 牆上有不同中式擺設, 中式花瓶擺設也非常配合. 還有值得打卡的 [木門] 玉石對聯, [屏風]  看看中國的典故.石砌的牆,  又像去了影城, 感覺好特式.欣賞環境後, 到選擇食物.   我們掃描 QR碼 可以自助點餐, 看著雲石台, 配翠綠色餐具, 感覺好清新.    每張枱有加熱水裝置, 自己加茶加水極方便.  茗茶每位$20. 我們叫了蝦餃, 燒賣, 叉燒包, 都是一位一籠, 清潔大方. 蝦餃蝦肉新鮮, 爽口.  燒賣內有花菰, 豬肉打得彈牙,  吾錯. 釀辣椒,  鹹水角, 煎餃 也合水準.  紅油抄手,  做得好食.春風得意腸, 腸粉皮很薄,   口感挺滑.  肉餡很多, 有蝦, 瘦肉, 菰菌.  伴有菜遠,  同靚豉油. 鹹水角,   炸得鬆脆,  唔會油膩.叉燒飽, 叉燒味濃,  飽好鬆軟.叉燒酥, 叉燒饀料豐富,  入口鬆軟,  面上貼滿芝麻焗得香口. 蒸蘿蔔糕,  好熱, 調味不錯.  洗手間也有與別不同的設計, 入門牆上有中式國畫, 好美.每個洗手盆,  有自動皂液及吹風機,  設備好好.食物款式多,  坐得舒服, 我們自駕,  停車場有免費泊車.  會再來. 

屋企係有飯一族 長期keep住煮飯 就連返工都會幫我準備飯盒 平時好少有機會去茶餐廳食飯
係咁啱我最近放工去做義工先經過呢頭 見呢間茶餐廳咁近 打算快手快脚食個餐 拿拿臨去做義工
茶餐廳門面裝修好得意 個招牌同裝飾係宜家買少見少ge傳統霓虹燈招牌 老土得黎又有特色 夜晚好sharp 好囂張甘企起條大街度 茶餐廳好大間  裏面超多卡位  單憑出面外觀同個名（鴻圖）感覺呢間應該都有甘上下歷史 餐廳門面、design係舊年代Feel好重 估唔到茶餐廳裏面新净又企理 裏面就好現代茶餐廳風格 又有插座比客人充電 實在睇唔透呢一茶餐廳有幾耐歷史 姐姐好快手同我落單 我同阿妹2個人要左個雙拼燒味飯同乾炒牛河
雙拼燒味飯 $55 包野飲 平時燒味飯都多組合㗎啦 呢度仲多 除咗大路貨，仲有乳豬、燒骨、燻蹄比你組合 既然甘耐無食就打算叫個炭燒燒鵝飯 但係阿妹話鵝毒 所以要左燻蹄同鷄 (我地從來無係茶餐廳食過燻蹄 覺得好特別 一定要試下) 個飯份量驚人 雙拼有成8舊燻蹄咁多 如果單單叫燻蹄咪超多 每一淡骨膠原滿滿  肥膩 個鷄算ok大件又滑 雙拼真係好抵  感覺上係差唔多單點ge份量
乾炒牛河 $49 包野飲 呢個都正 我夾起D牛河係會出煙 熱辣辣！ 成碟都好大碟，牛肉都算大塊 個牛河調味啱我心 唔會太咸 對我來説剛剛好 原本我地見甘大碟 又覺得可能會油得濟 都驚清唔曬 最後都係食曬落肚

又唔係放假特登出黎食好西 只係是旦填鮑個肚 差唔多50蚊一個餐 估唔到甘有驚喜 我個人都幾容易滿足

題外話: 我見到下午茶都好吸引 有美式長熱狗熱狗、芝士流心西多士、馬來咖喱牛腩撈麵 可惜我呢d鐘數都未黎到呢頭 平時都唔會特登黎牛頭角食飯 都係留比d街坊食啦

從前太平盛世，食友飯局一個接一個，盡情享樂的人生！近兩年，一個接一個的是 Farewell 飯聚，滿是不捨的離愁別緒！

我們多久沒見？保守估計至少有一至兩年之久，正因為某位友人快要離開，連續兩個星期以飯局之名，珍惜彼此相聚的時光！

多謝友人的安排，Farewell 飯聚設在灣仔「生記」，老實說已留意「生記」好一段日子，趁 Farewell 順便一嚐「生記」的懷舊菜式，我想是緣與玄的結合！菜單上少不了「生記」多款招牌菜，不過令我留下深刻印象的反而是幾款非掛在嘴邊的菜式。永遠認同不同口味、不同的思想意見，才讓這世界發放色彩！先來的是三款前菜。一見流心的皮蛋酸薑、粉紅的酸薑，水準配搭，開胃不已！

咖喱螺肉令我想起柴灣的「財記」— 童年的美好回憶！「生記」的螺肉較圓大，咖喱味相對溫和，但也不失令人快樂的元素！發現魚皮的潮流由包裝小食轉移到食肆。「生記」的金沙魚皮也展現出即炸的誠意，加上鹹蛋黃的提味，香脆的誘惑也不存在好酒與非好酒之分，來一碟眾樂樂是理所當然！試過多家食店的魚皮，個人認為「生記」的金沙可以來得更邪惡，反正大家已豁出去了！邪惡過後是一股溫純的住家味道！煎得焦香金黃的香煎蓮藕餅，入口是鬆軟的豬肉混著爽口的蓮藕粒與蔥花等，湊出香氣與層次感，好吃！究竟歐洲中餐館有否傳統的冬瓜盅供應？無論如何「生記」的合時古法冬瓜盅不只賣相佳、來得合時，味道也是我喜歡的！湯料十分豐富，蓮子、金腿、瘦肉、瑤柱、鮮蝦、勝瓜、木耳、草菇、夜香花等，還有超惹味、令整個冬瓜湯錦上添花的火鴨絲，取得恰好的平衡、盛香之餘，又不失冬瓜盅應有的清雅！記憶沒錯的話，我們桌上鮮有恰如飲宴般大小的蒸魚。這條清蒸黃皮老虎班火喉恰好，稍稍裂開的沙皮，露出嫩滑的魚肉，沾上丁點甜豉油，將魚之鮮嫩與優點活現，小妹認為廣東人的蒸魚的確是無庸爭議。

唯一投訴來自蔥粉，認為蔥段放得太吝嗇了，哈哈！豉椒炒蟶子王是我的大愛！首先是鼓椒汁調得超級惹味，雖然辣度比較重，未必每位朋友可接受，但過人之處在於惹味度完全無損蟶子原有的爽甜與鮮味，鮮味與惹味共冶一爐，絕對令我欣賞！同好的友人將豉汁留下，隨後叫來了白飯，果然拌飯一流！                   期侍的招牌梅子蒸肉蟹端來了，紅彤彤的色澤仿似抺上紅糟醬似的！肉蟹非常新鮮扎實，蟹肉細嫩可口，唯梅味難免把蟹的鮮味掩蓋，如此一來味道比較單一，入口儘是甜甜甜，雖然也會隱約滲出微微的梅香，但似乎跟海鮮的特質並不算太合拍！

而另一玩味卻來得挺有意思，將牛脷酥沾梅蟹汁食用，竟別有一番美妙，好吃啊！豬膶粉不能錯過的上湯枸杞浸黃沙豬膶，「生記」的黃沙豬膶的確是出色及必吃之作，宣告那份遺忘已久的質感在舌尖重新活現，對不太愛豬膶的我也產生震撼感！另外，黃沙豬膶在清雅的韮杞湯下，更見優雅，結果是豬膶連湯一件/滴不留！江南百花雞是近乎失傳的手工菜，當我了解到閃閃發亮的黃雞皮下，原本支撐的雞肉與雞骨已去掉，取而代之是由幾斤鮮蝦打釀的蝦膠。工夫難度在於要將完整無缺的雞皮從雞隻起出，相信要經驗老到的師傅才能一 Take 過關、保存薄薄的雞皮。將蝦膠釀入雞皮內，然後蒸熟，賣相與完隻真雞無異！

所以每一口也儘是工藝，心感佩服！剛在招牌梅子蒸肉蟹裡出現過的牛脷酥，其實它與另一位拍檔同來 — 油炸鬼！牛脷酥與油炸鬼確是驚喜之作，配上另一驚喜的拆肉泥鯭肉丸粥，真是喜上加喜！

粥底綿滑、稀稠度恰好，集平衡細緻的魚肉、魚香和果皮味道，還加添了鬆軟的肉丸，令人喜上眉梢，友人甚至讚美拆肉泥鯭肉丸粥是整晚最出色的菜式！簡簡單單的豉油皇炒麵，起碼不會過油及味道過濃！其實大家肚子快要漲爆，不過當罕有的白糖糕一出，有誰會錯過這機會！

最欣賞它輕甜及 Home Feel 的口感，小而密集的洞洞軟彈有緻，咬著咬著就是可愛！

多謝豪氣的老闆，還準備了白糖糕給我們帶回家，我們放在雪櫃保存，足夠回味兩天了！

祝願所有離開的人有著新的開始，在他國安頓並過著幸福、健康、愉快、自由自在的生活！

自從幾年前搬到碼頭附近，就慢慢愛上這個小社區。沒有樓下就是地鐵站的方便，但下至街市凍肉海鮮、上至餐廳外賣，多數都是小店，都充滿人情味。逢周日工人姐姐放假的日子，帶小朋友出街後就好自然會叫外賣，如是者，一個月都會叫兩三次庭壽司的外賣，我就認為壽司正常的味道就是和樓下外賣店一樣。直至到近日叫多外賣平台的壽司直送，先發現原來份量、價錢都可以很大差異。加上小朋友出世需要較大生活空間，快將搬離社區，臨別秋波，令我特別細味每件壽司的味道，和認真紀錄起黎。
庭壽司 (下稱 樓下壽司鋪) 位於全青衣最不起眼的海悅商場內，沒有冷氣，所有鋪頭都是小小的約200呎。它的裝潢絕對保證外區朋友行過不會有衝動叫餐無誤。不過往往到晚飯時間，門口摺枱總坐著兩三位朋友在等外賣，還有在路邊停著車等的客人，這和樓下壽司鋪的布局有很大反差。逆著時代巨流走的庭壽司，不找外賣平台送餐，叫外賣要用過底紙每件畫的，或者打電話一件一件叫。雖然有時老人家我怕同人溝通，但還是要硬著頭皮講足15樣壽司，講到不知從何時開始，聽電話的姐姐開始講得出我叫陳生。事隔廿幾三十年，我開始明白中學那年，探訪獨居伯伯叫得出佢叫羅伯時他眼神散發出被人重視的喜悅。無它，手得幾對，做得外賣平台，除左我俾既價錢會大概貴一半，店家都難預處理不可預計的接單量，和沽清物品。反正都是兩步腳程，我不介意打個電話行落樓下，換我長久外賣供應價格穩定。




唔好以為大公司決策先要拎APPROVAL，作為全家的大男人，一如其他街坊，俾錢果個往往都係最話唔到事果個。點解要叫樓下壽司？因為屋企大老闆要食。點解要理間？因為最有影響力既用家要食小朋友壽司﹗所以俾你食到OMAKASE都好，你無返兩件氹小朋友壽司，令佢開心家長放心，你都唔會有機會叫到。今次我同接電話姐姐講，我兩個大人一個細路，要一個蟹籽手卷，記住係手卷唔係軍艦，其餘不如你幫我執？蟹籽手卷係咩味我真係唔知，我只知道好似打街機要入錢一樣。其實味道係點真係唔重要，最重要係今晚小陳生食左兩個，佢食得飽大人開心。
火炙芝士玉子，蟹柳。其實我真係食唔出個醬係芝士定沙律定蛋黃醬，不過燒完出黎係賣相幾好，我覺得芝士係蛋上面灑上芝士粉再燒，先有果啲粒粒效果。味道係幾特別仲有啲咬口，不過食得多醬汁小弟QUOTA都會有用完既一日，留返俾細路食。我就食其他。

好啦，終於到我啦。兩件大滿足，係一片大紫菜一大舊飯，上面有吞拿魚蓉、三文魚籽、海膽、蟹籽。先唔講味道，理個組合應該理度先食到。三文魚籽爆開四射，加上清甜海膽同幾粒蔥，諗起大老闆要食既魚生都一次放晒入口，個感覺真係幾滿足。個人覺得老人家三高要節制，所以醬汁下次都係叫少啲或者試下唔要，直接試下魚生鮮味。
跟住係左口魚邊，情義結我係好鍾意食，其實應該唔係咩名貴食材，就好似有人食蒸魚鍾意食啲魚鰭啲一條條骨，覺得果度鮮味啲。左口魚火槍燒過，令魚生較乾身，亦因為咁味道較濃郁，同有少少焦香。
原來有個火炙北海卷，第一次食。真係要你唔想拎住張單一件一件叫，叫佢幫你執先會執到。唔係就個個星期就食一樣既野。三文魚火槍燒過包住圓型一舊飯，上面有一塊帶子，再有啲啲蔥白(定韭黃？)蟹籽。幾好三文魚我覺得燒過下係好食啲，加上醬汁無咁多，食得放心啲。同埋上面啲韭黃定蔥白真係好夾。

仲有一件火炙原條鰻魚，幾靚仔，都係講緊68蚊，2022年68蚊有原條鰻魚食，算係咁。我幾年前食過長沙灣區都有，不過始終堂食，價錢無得比。聽說鰻魚係大條啲淡水養？穴子就好細條海捉，味道都唔同，價錢更加唔同。理件鰻魚都好厚肉，有少少細骨但唔硬，如果佢加多幾蚊加多啲飯，茶記一個鰻魚飯都應該幾多人會叫。

食野好多時講心情同意境。有啲朋友用同一條米芝蓮食評家既舌頭，統一試晒所有鋪頭，其實到頭來可能參考價值都唔高。正如澳牛啲叉燒湯意光速餐，外間都清一色讚多過彈。澳牛係大家既集體回憶，如果戴勞既哥哥同你講唔該拉櫈，先至係奇怪，仲要同朋友比賽用九分鐘就食完出到黎，果種沾沾自喜，可以講足幾日。飲食講體驗，覺得樓下壽司鋪唔夠派頭，就好似我咁，開返枝兩粒米，擺靚仔個盤，成件事HIGH晒 其實樓下有間唔係連鎖店，品質又幾好幾穩定既鋪頭，都係一種小確幸。講到理度，我又諗起可能有朝一日，我要搬離碼頭區果種依依不捨。。再聽唔到落完單果位姐姐叫我陳生，突然有種唏噓。飲啦，講咁多‥‥‥

諗起有人話永遠叫唔到外賣。因為佢得幾個人做，父親節我早一日打去訂都話滿左。夜晚食夜晚叫通常都食閉門羹。如果諗住夜晚食，試下中午2點落場前打去叫定。(又真係幾鬼馬，諗起想食想訂時好少會有張MENU係手，而我選擇記到就叫，記唔到就試下叫ABC餐或者俾個BUDGET佢幫我諗)

已經好幾年沒有寫食評了, 最近有衝動再次拿起筆再寫食評, 希望大家多多賜教.

剛剛派了消費卷, 又知道這食店有幾款菜餚減價, 另外剪了免費報紙的雞湯優惠卷，所以決定到這食店吃晚餐。

當晚未到6.00PM已到達食店門口, 可能食店位置比較偏遠而且近工廠區,  客人不算太多只得五、六枱, 所以可以任意選擇位置, 我們最後選擇了梳化位。食店入門口擺放了木架而架上放了裝飾物可以打咭，大堂掛了幾盞大水晶燈，裝潢華麗；以圓枱為主並蓋上白色枱布，配紅色或啡色椅子，亦以紅色和啡色椅子去分區域， 另有四張梳化椅子放置中央部分；較入位置有一大幅落地玻璃, 可以望下街景，感覺開揚！餐具以白色為主，非常簡潔，茶壺是不銹鋼會比較耐熱！餐牌都是有圖有價錢，珍味三選一：醬香脆好豬(1/4隻$68,半隻$128,1隻$238), 澳洲龍蝦($188/斤)，清蒸東星班(約一斤四両)$188/條；鮮味推介：亞拉斯加蟹(約四斤半)$1288/隻，踏雪飛龍(約三斤澳洲龍蝦)$1288/份，黑松露燒雞(半隻$208，1隻$398)。主餐牌的小菜價錢由$98-$398，而餐前小食價錢由$48-$118。另外也有4位，6位，8位，12位套餐，價錢由$1280-$3980。我們最後點選3碟菜餚：澳洲龍蝦伊麵底(芝士底)、花膠響螺濃雞湯和黑板牛仔骨煲。

上大約10分鐘左右，花膠響螺濃雞湯($88)已送上,  因為剪了免費報的優惠券所以是特價的，雞湯是奶黃色，湯的味道非常鲜甜重雞味但沒有加味精，花膠有5件而且算大件，但口感不夠腍，響螺只得3小件, 雞腳煲到非常腍連骨都可以咬碎，我們二人可以分到3碗湯，份量都算多，可能煲湯的火喉夠而且材料多所以飲完即刻暖身。第二度菜餚黑板牛仔骨煲($128)都上枱了, 牛仔骨肉質偏瘦所以口感較韌，而且牛味不足, 份量都尚算多約有12件但每件較小巧，配菜的蒜子佔了半煲,  配菜的份量似乎畧多了。最後的菜餚是澳洲龍蝦伊麵底(芝士底)($282), 龍蝦重量約一斤四両, 芝士醬汁濃郁地鋪滿龍蝦和伊麵，龍蝦和伊麵都吸收了芝士汁非常入味，龍蝦口感尚算彈牙但鲜味不足，但伊麵份量畧少每人只有一碗多些。可能客人不算太多，侍應會主動加熱水和換碟，值得一讚。

今餐是免費晚餐，所以吃得特別暢快！

🚩金鐘

趁住小弟生日想食法國菜 所以女朋友預早兩個月book咗呢間港島香格里拉嘅Petrus🥰
呢間餐攞咗米芝蓮一星 位於56樓 對住成個維多利亞港 不論嘢食定係打卡都係慶生好地方❤️
—————————————————————————

🌚男友評價:

☀️🏖Set lunch 4 courses $788/person

一開始餐廳會serve咗麵包先 有3款分別係brioche，mini bagel 同sourdough 上到枱仲熱熱地
特別想讚吓佢個brioche 牛油味極之香濃 仲有少少香草喺入邊添😌

🧀Truffle Croquette
呢個係餐前小食 侍應建議我哋攤一陣先食會好d 呢粒野超好食 攤咗一陣都仲熱熱地 外面鬆化 入面d芝士勁多好濃郁但又唔會膩 size非常好 細細粒一啖過😍

✨Starter

🐟Tuna Loin
頭盤方面我哋每人兩個 首先講吓個tuna loin 賣相凍擺盤都幾有心思好有夏日嘅感覺😝
吞拿魚幾特別 側邊部份係黑色嘅 因為用咗黑橄欖醬 食喺上嚟吞拿魚口感非常柔軟 似age過咁款
配合埋黑橄欖醬非常香口 加埋d蕃茄中間係蜜桃醬 同埋少量鵝肝整成嘅醬汁 口感豐富得嚟又帶點酸酸甜甜非常開胃🤩

🦐Obsiblue Prawn
店員好詳細咁介紹 呢份蝦係嚟自處女群島嘅😯當時即刻好好奇就search咗 原來係位於加勒比海附近

蝦肉好新鮮😌整到三成熟嘅狀態 而且海水味極重 嗰種鹹鮮味配搭本身蝦味嘅濃郁 配搭埋下面用咗watercress來整成嘅醬汁 （未到帶點酸甜 有少少似青醬味）我完全係成餐飯其中一度最深刻嘅位🥳

🐔Chicken Consommé
呢一款係意大利雲吞配清雞湯 亦係餐牌唯一一度熱食嘅頭盤 擺盤非常中色feel 三粒雲吞配搭下面嘅湯底 遠睇似鮑魚近睇似角仔😂但係味道方面係好食嘅 但係對比前面兩道菜較為平淡🤔
個湯底好香 清純而龍口清雞湯味道帶點好似藥膳湯底咁帶少少甘苦味 🤪
但係雲吞皮口感煙靭 入邊啲餡了就比較普普通通 整體嚟講都可以一試嘅

✨Main

🦞Boston Lobster (+$80)
我嗰份係最期待嘅波士頓龍蝦 一上枱已經有驚喜龍蝦雖然比較細隻但係色澤賣相非常鮮艷睇得出好新鮮 入口時龍蝦味都幾突出 非常鮮甜嫩口 肉質都幾彈牙 應該係成餐飯最開心嘅一道菜🥰
而且旁邊仲要配埋個意大利青瓜味道清爽 中和返主菜嘅咸香 而且喺中間部份釀入咗一啲龍蝦肉造成咗個類似蝦滑狀態 外面就炸脆咗 整體口感非常豐富👍🏻

🐷Pork Belly
而女朋友份main就揀咗個西班牙豬🇪🇸呢份嘢超級香 肉質非常厚身 大大嚿煎香咗 雖然佢係用咗豬腩肉嘅部份 但係一d肥膩嘅感覺都冇 肉質一絲絲非常柔軟 外皮就非常香脆😋
醬汁方面就用咗橙 雪莉酒配搭返成道菜 呢個係幾用心嘅配搭 用一d酸甜醬汁配搭濃味鹹香 食完都唔覺得飽濟~

✨Dessert

🍧Lychee
個荔枝甜品面頭用咗荔枝打成嘅泡沫 中間有一啲紅桑子醬 然後就有一層雪葩 最底嗰層就係烏龍茶啫喱 一匙羹𢳂到底食可以晒咁多種口感
不過最想讚就係面頭嗰啲荔枝泡泡 食到好香嘅荔枝味之餘又好似一陣風咁冇咗😂幾特別嘅口感

🍑Peach Melba
呢款比較適合夏天嘅一款甜品 比較圓嗰粒係用咗類似糯米糍質感嘅蜜桃雪糕 旁邊仲有幾塊蜜桃 非常鮮甜😊
但另一邊就做咗一個杏仁雪糕小弟就唔係太識欣賞 味道有d奇怪 並唔係平時食開嘅杏仁味🥲

🌝女友評價:

首先環境唔洗講啦 五星級酒店水準 無論係大堂定餐廳入面都勁有古典風格吊燈餐椅同埋擺設都有種英倫宮廷風🙈打卡一流
另外對住維港食嘢都係十分之正 雖然我哋個日都有落雨 但間唔中放晴 都好彩可以影到靚靚合照✨

而且可能因為我早左成兩個月book 所以有得坐對正海嘅窗邊😍真係bonus 對住維港食住龍蝦嘅男朋友好滿足~
而嗰日我哋食嘅lunch menu都轉左盛夏當造嘅食材 有蝦有龍蝦有吞拿魚 甜品都有荔枝😆
再加上唔同配料同fusion嘅配搭 非常新穎同切合我地兩個嘅口味☺️
職員都好細心介紹每一道菜 上嘅速度都啱啱好 食得滿足又舒服😌送上嘅生日蛋糕一啲都唔hea 成個信封咁印左餐廳名 慶生黎講真係無得輸😉

無論從menu 食物味道service 再到環境 都對得住米芝蓮一星😚我會話除左個杏仁雪糕 我會俾一百分💯佢轉季節menu我應該都會再encore下!

總括而言 以依個價錢食到米芝蓮一星嘅法國菜再加咁靚景 可以話性價比極高🙈✨

在網上平台見到這間中環餐廳推出半價的下午茶，之前上網看過環境不錯，就很興奮預約了，但只能說期望愈高，落差愈大。



位置：在中環的半山區，可以坐小巴12A或走上去，在香港動植物公園的溫室上一道天橋就到了酒店。

環境：門口旁是酒店接待處，有一個大空間給人休息和等位，而室內呈長方形，並善用香港公園翠綠的樹林和高低起伏的大廈交錯的景色，以落地玻璃窗採光之餘，背後形成一道綠色城市的景觀，只可惜當日天氣陰沉，還狂風大雨。不過在落地玻璃的大梳發座位其實只有在角落的兩張，亦被人預定了，另外只有較小的正方形枱，很狹小，所以我們立即要求換枱。餐廳中間是酒吧位置，提供任添的即磨咖啡或Lipton紅茶，整體是寬敞舒適又雅致。

服務：立刻答應了換枱要求，又幫忙拍照，亦定時清走碗碟或添水，服務是很周到，但食物就見仁見智了。

套票 ： 「仙樂奇緣」雙人下午茶＋2杯氣泡酒 $292
鹹點：我和朋友覺得在整個下午茶當中，最好吃的部分。
🔹迷你和牛漢堡包🍔
雖然是小小的漢堡排，但充滿肉汁和牛味👍🏻，跟我之前在Salted Pig吃過的小漢堡一樣好吃😍，加上蕃茄和沙律菜的配料，增添口感。

🔹小龍蝦包🍔
是新鮮的小龍蝦🍤肉拌沙律醬作餡料，麵包烘得乾身脆口，除了用麻辣方式炮製，這種烹調方式都不錯😘。

甜點： 大部分都是很甜。
🔸提子味鬆餅🧁
失敗品，質地很厚實，好像吃一團又乾又硬的麵粉😕，而且只提供了草莓醬和無味道的氣泡忌廉，而不是Clotted Cream😩，我見另一張枱的客人只是吃了一半就不吃了，但為了不浪費，堅持吃完😅。



🔸馬卡龍🧁
橙和葡萄味，中間不是忌廉，而是水果味的啫喱，又是甜到極點之作。

🔸綠茶歌劇院蛋糕🧁
外表相當精緻，綠色雲石的表層，看似是千層蛋糕，但一吃就不是了，而是更複雜的口感，由三種不同質地的蛋糕片反覆堆疊而成，海綿蛋糕、紅豆和巧克力相間組成，口感是實實在在的，有淡淡的綠茶香，但都是過甜😔。

🔸蘋果🍎芝士撻🧁
雖然甜度不高，但味道一般，芝士味較淡，忌廉很厚滑，蘋果粒是一點也不清新，有點不明白這是甚麼甜點🙃。

🔸草莓🍓紅絲絨蛋糕🧁
唯一甜度剛好😌，因為沒有多餘的配料，是兩片鬆軟紅絲絨蛋糕加一粒酸甜的草莓。

🔸70%香濃🍫朱古力焦糖蛋糕🧁
這是甜到超出極限，因為中間是流心焦糖，而外層的朱古力忌廉也有甜味，所以是完全吃不下去😖。

🔸3.6北海道牛奶🥛布甸🍮
牛奶味不突出，反而是甜味更顯著，是愈吃愈覺得甜膩膩😔，而且上層的透明果凍是幫不了忙，只是為了純粹有口感。


🔸MOVENPICK雪糕🍨
分別是🍫朱古力味和🍓草莓味，這款品牌的雪糕是有質素保證，不過我和朋友其實都對朱古力一般😗。



總結，鹹點和甜點比例失衡了，其實只有兩道鹹點，其他八款都是甜的😅，就算多喜歡吃甜，都不想一次過吃下八個甜品，而且每款都用了很多糖🥲，很甜😢，所以不停喝茶解膩。如果預約不到在角落的落地玻璃窗的梳發座位，其實食物是不吸引，建議預約前打電話問清楚。

午市限定廚師發辦！中環街市活化左咁耐，第一次入去逛下，地下有好多食肆林立，俾呢間有得坐吧枱，望住廚師整壽司嘅日式餐廳吸引，除咗廚師發辦以外，佢都有其他丼飯同特色嘅刺身食，如果下次有機會都可以嚟試吓！

廚師發辦Omakase$388

前菜
- 青瓜片配海鮮沙律，有蟹籽加上帶子、蝦蓉，味道清新鮮甜，食完前菜打開胃口，更加期待之後嘅刺身、壽司。

刺身3點
- 平目: 中間細細粒火炙過，好香、充滿魚油香味，食原味有淡淡嘅魚香，唔腥。醬油係柚子醋，點嚟食又係另一個風味，酸酸甜甜，非常開胃。
- 油甘魚: 魚身肥美，配上蒜香醬油，有別於平時食嘅日式刺身，值得一試。
- 帆立貝: 厚切帆立貝塗上日式醬油，火炙變成半生熟，再用紫菜包住，味道不及刺身鮮甜，有少少乾瑤柱海鮮鹹香嘅味道，都唔錯。

壽司5貫
- 真鯛: 比較少油份，淡淡地，唔會覺得腥。
- 赤蝦: 起初會有甜味，但係食到最後有少少腥。
- 中拖羅: 唔會好似大拖羅咁太油膩，冇乜筋，本身自己個人唔太鍾意食吞拿魚，所以冇乜特別嘅感覺。
- 海膽: 入口鮮甜，啱啱喺雪櫃拎出嚟，冰凍嘅感覺非常清新。
- 右口魚: 今次係我第一次食右口魚，廚師火炙之後將魚油逼出來，冇以前食左口魚好似食魚脂咁膩胃，食完個口腔好舒服。

手卷
- 新鮮脆口嘅紫菜包住呑拿魚蓉同酸酸地嘅壽司飯，連豉油都唔使點，會食到吞拿魚蓉甜甜地嘅味道。

味噌湯
- 呢個午餐用味噌湯作結尾，飲一啖熱辣辣嘅湯來暖胃，非常滿足同埋舒服。

總括而言，今次嘅體驗唔錯，服務員時常過嚟加茶，廚師喺每道菜都會講解係乜嘢刺身、壽司，整體食物都新鮮，上菜速度一啲都唔急，慢慢食最後覺得好飽，過開嚟中環街市都可以試吓，推介！

麻甩專員最喜歡搵新餐廳食，咁岩見到一間新嘅西餐廳開業望落食物款類又唔少就帶埋朋友過左黎大角咀食個lunch過個輕鬆假期

餐廳位於大角咀，由奧運站B出口或者奧運巴士總站步行5分鐘就到，超方便🚶🏻‍♂️
餐廳環境雖然唔大但非常舒適
店舖老闆好友善，細心了解你想食咩再推介食物同埋午市套餐🥰
係對話當中，專員先知原來餐廳先開張第兩日，相當期待食物上菜散叫
。黑松露野菌忌廉湯 $48
。香草醬素菜意粉 $78
黑松露野菌忌廉湯好香濃好有陣陣嘅野菌味道，入口細膩棉滑，湯唔會太鹹或太淡
黑松露嘅香氣有保留，令到成碗湯不斷飲入口後唔會愈飲愈膩👍

香草醬素菜意粉適合唔食肉嘅朋友叫黎食
磨菇; 外國紅黃小蕃茄; 外國櫛瓜; 小紅蘿蔔; 豆角條
香草醬汁濃郁，包到晒每一條意粉同材料，食落唔會有太大嘅草青味
表頭磨左少量嘅芝士，增加返成個意粉嘅鹹香香味👏 LUNCH SET $128
。是日餐湯: 周打蜆忌廉濃湯
。香煎芝麻吞拿魚伴茴香田園沙律
。炸軟殻蟹青豆扁意粉配蟹籽忌廉汁
。是日甜品: 野莓醬忌廉芝士餅
。飲品: 凍咖啡 濃湯鮮味十足，加埋幾粒炸脆麵包粒係面增加口感🍞
餐廳幾特別，另外濃湯加左blend爛左嘅薯仔入去，飲落口比較杰身之餘增加埋平時飲湯無試過嘅口感
其實加blend爛左嘅薯仔入湯都仲有一個好處，因為薯仔本身有薯仔甜味，另外提升埋本身湯嘅甜同鮮
而薯仔碎仲可以吸收晒成碗湯嘅精華同味道，值得一讚👍 香煎芝麻吞拿魚伴茴香田園沙律份量唔細，以呢個套餐價錢絕對超值
吞拿魚煎過表面將魚香同油香味帶出黎，再沾上芝麻🐟🥬
入口無血腥味道，鮮味十足。不過略嫌芝麻太多，有少少搶走左吞拿魚嘅味道
沙律菜亦都新鮮，好爽脆🤤 炸軟殻蟹青豆扁意粉配蟹籽忌廉汁先講賣相，十分亮麗有藝術品嘅感覺 🦀🥦
先有炸軟殻蟹放上頂做主角，側邊仲有一大堆蟹籽，再加埋細細棵嘅歐芹做配襯，未食先黎一個視覺衝擊！😍 炸軟殻蟹粉醬唔厚，炸工時間控制出色，表皮炸得香脆可口，而且唔油膩
軟殻蟹夠大隻，所以本身都多肉，而且保持新鮮 👍
蟹籽亦都新鮮，入口咬落去有爽脆"啵"一聲嘅口感，鹹鮮味好足
意粉上面有磨左少量芝士之餘，忌廉汁濃郁。意粉軟硬度合適可以掛到晒醬汁同埋配料🍴 野莓醬忌廉芝士餅作為套餐最後嘅驚喜，有龍珠果同士多啤梨伴碟 🍓🍇
忌廉芝士餅好棉滑口味唔會太甜，配埋野莓醬嘅少量酸味，即刻突顯出忌廉芝士嘅香 咖啡係由餐廳用咖啡豆即沖，甜度同奶嘅多少自己調配
不過店家嘅咖啡豆味道略為較淡，但相信會有喜歡飲唔濃味嘅朋友會識欣賞🙂
🌟總結及小建議：
餐廳環境雖然唔大，但坐得非常舒適
食物款式種類夠多，下午套餐唔算貴
擺盤用心之餘，食物夠新鮮夠味道👍🥰 *小建議會係吞拿魚方面，因為芝麻味道有少少太搶口
麻甩專員建議餐廳可以考慮將芝麻放係碟嘅側邊方便食客自己沾咁樣可以迎合唔同人嘅口味 另外見到餐碟全部都係膠碟，如果餐廳上左軌道後轉返用返陶瓷碟/玻璃碟，相信會再高級好多


麻甩專員評分區📊👨🏻
店內環境: 9/10
食物外觀: 10/10
食物味道: 9/10
整體分數: 9/10
翻食指數: 10/10

餓龍．豬割先生語錄


📌 火水爐冰室火鍋 - 旺角煙廠街33號朗廷軒1樓
🗓(7/8) 星期日 ⏰ 下午1點左右


💈特式：餐廳位於旺角煙廠街，近好景及廣華醫院，方便得嚟其實又比較會小行去嗰個位，咁啱要去附近買野經過，又突然想打邊爐，所以試佢一試，見佢如果用openrice app book位可以每位減$30，咁就梗係即刻book埋位先去食啦，


🥩🍔🌭🌮🥗🥯🥘🍲🍝🍣🥟🍤🍱
食物：食物會先提供一個麻辣雞煲(可選唔辣或小/中/大辣)，另外仲有火鍋料加配及一些台式小食，咁等我逐樣講吓味道先......

麻辣雞煲🐔🥘 - 佢個雞煲唔係出面常見好乾身又或者d汁好杰身個隻，佢係有d麻辣湯汁係底，但個味都做得幾好食，d雞食得出唔似係雪藏雞，我叫小辣都幾辣下，大約有譚仔5小辣咁上下；
仲有另外嘅優點，就係佢個雞煲會配埋豬皮/豆卜呢d索汁嘅配料，而且佢地放紫洋蔥/芹菜呢類配菜一d都唔手緊，d配料/配菜索晒d汁，仲好食過雞。

巴辣胡椒豬肚花膠鍋 - 湯底叫左呢個，一上枱好香胡椒味，未打邊爐都已經飲左兩碗，但略嫌佢唔係好夠胡椒辣味；
入面仲有2大塊花膠扒，好厚身又有膠質，另外d豬肚都煮得好腍，又無騷臭味。

🐮特選牛頸脊/極品封門柳 - 佢地係用3款唔如同嘅牛肉級數去分開3個價錢等級，因為訂位平左$30，所以叫左佢最貴嗰個set，但發現竟然中間嘅封門柳仲好食過最貴嘅牛頸脊；
牛頸脊肉味係比較濃同香牛味，但有少少韌，反而佢個封門柳仲好食，好鬆軟，雖然肉味真係比牛頸脊淡d。

配料 - 呢度嘅火鍋配料都好普通，無乜特別特式野，雖然配料少同無特別，但試左幾款都有中上級數，好食過出面好坊間嘅任食火鍋，以下係推介嘅款式：
⭐️紫菜響鈴/水魷/鵝腸/花枝丸/木耳

小食 - 有提供幾款台式小食，鹽酥雞/泡椒雞翼尖/泰式無骨鳳爪/炸地瓜條/麻辣涼拌，因為肚皮有限，淨係試左無骨鳳爪，算好食但個人覺得太酸。


☕️🍵🥤🧋🍺🍷🥃🍹🧉🍾🍶🥛
飲品 - 飲品有提供任飲罐裝飲品，包括汽水/菊花茶/冬瓜茶/竹蔗水/荔枝水等等...


🍽環境：餐廳環境幾特別，有d大排檔feel，包括張餐枱個外貌都做到好古老嘅摺檯咁，另外因為間舖叫火水爐，所以間舖有個位擺滿晒火水爐做擺設，座位同枱與枱之間都闊落坐得都好舒服。


🤵🏻🤵🏻‍♀️🤵🏻‍♂️服務：店舖職員服務好好，可能係因為當時得我一枱客，所以差唔多淨係專注服務我地個枱，上菜收碟速度都十分。但都覺得奇怪，星期日嘅中午我由1點坐到2點半，除左我一枱客都無，佢又唔算貴，又唔係唔好食，都唔知點解❓❓唔通地理位置真係咁緊要❓


💰💸價錢：今係食最貴個set午餐任食，本身就$298/1位，因為我係openrice app book左就可以減$30，加上午餐係唔收加一，所以就咁$536/2個人埋單。


🐲💬總結：我覺得呢間舖d野都幾好食，而且價錢都算合理，座位環境都幾舒服，唯一可挑剔嘅地方就係地理位置唔算太就腳，但又未去到差，所以真係諗唔明點解假期lunch時間都無人幫襯。

而家自己一個都可以坐喺屋企慢慢嘆自己燒嘅外賣炭燒肉喇😍網上見到天后新開咗間外賣炭燒日式便當🍱呢個新設計嘅便當好食又好玩，燒完食完又唔洗洗碗，真係好方便🥰 客人去到店鋪可自行喺凍櫃揀好牛肉，店員就會幫你入盒比你拎走😊一個便當已有齊燒肉用嘅迷你燒烤爐，木炭，火柴，迷你木夾，醬汁，同一包用黎淋熄火種用嘅水，非常貼心周到☺️ 打開便當盒會見到盒上印有QR Code，條片有真人示範使用方法，拆開d包裝紙，用火柴燃起木炭就可以開始燒/玩了😺 牛肉有三款比你揀，我地最想試嘅牛小排去到已經無貨了🙈就試咗另外兩款： 美國安格斯牛五花便當燒 ($88) & 美國安格斯下肩胛翼板便當燒 ($110) 🥩 一盒大概有8至10片肉，兩款都好新鮮，牛味濃郁❤️相比之下我地都較鍾意下肩胛翼板，食落肉質較嫩滑而且大片，食得較滿足😋 每盒便當仲包括大量珍珠飯🍚牛油炒野菜，同味噌海帶豆腐湯，配菜方面可選擇泡菜或海苔沙拉玉子燒2件 (+$2)，我地仲另外加咗兩隻溫泉蛋 (跟餐+$6)🍳全部味道都唔錯😃建議燒完嘅肉可先點惹味嘅醬汁再點溫泉蛋先食，味道會加倍昇華😻 成個過程好玩又好食，但可能技巧問題，我地用咗唔少時間點炭開爐😆而且大概25-30分鐘就熄咗🙈所以建議可以嘅話燒快d，如果唔係就要開屋企個爐黎燒了👻爐嘅熱力足夠，加上食物質數唔錯，鍾意新奇刺激嘅朋友仔不防一試🙆🏻‍♀️

閒日既銅鑼灣比我想像中少人
大概12點幾黎到可以直入餐廳
有餐桌位，有圍住樹既擺設近窗位
亦有靠窗榻榻米座位

🍚SIU WAN RICE 銷魂飯 ($178)🍱
自家製厚身日式叉燒，日本蘭王蛋🥚，日本菜苗，日本珍珠米飯🍚
一來到見到大大碗的
飯上面鋪滿了半肥瘦叉燒
叉燒燒得好靚，有好多汁😋
上面灑左黑白芝麻加點香味🧂
叉燒汁甜甜地， 叉燒本身唔會好肥
太瘦反而唔好食
而叉燒下面有兩隻蘭王蛋！！🍳🍳
第2幅圖既橙色就係佢個蛋黃同埋啲叉燒汁混合咗
個味好濃郁帶甜，又有好香蛋味
整體黎講好夠味，啲汁可以送到成碗飯
非常滿足同飽肚😛





🍗SPICY CHICKEN RICE ($138)
一上枱嘩左一聲
因為有成半隻燒春雞，好大份
珍珠米飯亦有好多
上面鋪滿左日本菜苗，紫椰菜，蕃茄仔🍅，蘿蔔絲🥕，粟米🌽
仲有橙黃色既蘭王炒蛋！🍳
個炒蛋好滑，似乎係用左奶炒
但係因為有啲辣辣地嘅汁係飯入面
同SIU WAN RICE相比之下蛋味唔算好出
個燒春雞係剛剛燒好，用左摩洛哥式既香料醃製
好濃郁同入味，有少少辣味
一食落口就有種異國風情既感覺🥻
雞肉好嫩滑，一啲都唔鞋
因為雞肉份量好夠
最後啲飯都食唔哂😅



食物整體來說好夠味
兩碗飯都略嫌配菜份量太多
可以少返少少🤏

☕Flat White (fruity blend)（$42）
天鵝拉花，配左幾粒杏仁
酸味唔算好出
拉花好快有泡泡

☕Latte (nutty blend)（$42）
心形拉花，配左一啲藍莓乾
都頗重奶味，拉花同樣地好快出泡化開



咖啡冇想像中出色
仲有茶，果汁個啲選擇架

餐廳都算幾大，好多座位
有唔同既咖啡豆賣
個啲樽仔都幾有特色
💡Take away lunch box只係30蚊💡
咖啡take away 25蚊

今日突然想食居酒屋，
平時食開有間幾好的爆滿，
前排經過炮台山見到呢間新店，
本身上星期日已經想黎，發現佢星期日休息，
今日就用呢次機會決定黎一試！


今次6人食，款式較多，
限制於open rice只能放12張相，
d相要夾埋一齊仲長文，唔想睇多字，
直到總結吧


未知是否因為位置較偏僻定係我地好彩，
星期六仲有張大枱令我地成功試到，
我地6人，安排左一間獨立房間比我地，
可關門，座位寬闊，有點日本感覺，
差啲想除鞋入去但忘記影房間的相，
我哋離開前，外面客人離開了就影左外面。



開始食之前點左d飲品先，
我哋見menu飲品較少，向店員查詢，
原來仲有d係off-menu，好彩問下，
最後揀左巨峰提子梳打，白桃梳打，檸檬茶，
果味梳打，好日本feel，去唔到扮住先，
呢3款野飲正常發揮。
另外2支日本手工啤酒，
Saison (左)應該是指比利時啤酒的釀造？
酒味比較淡麥味突出，
相比另一款赤米就比較平淡，
個人喜好赤米！有淡淡的花香甜味，
比較特別，雖然濃味點，但也易入口，
幾好飲！除咗呢啲，其實仲有唔少選擇，
青酒櫃都備有數款清酒，不防向店員查詢。



除左串燒menu，仲有幾份套餐的menu，
不過唔夠食，所以我地散叫，另外仲有廚師推介，
我哋首先叫左份$398的刺身(大)，
完全出乎意料之外，
本身諗住呢個地點同做街坊生意(感覺上)
刺身應該最多都係普普通通，
估唔到幾新鮮之餘，厚切，溫度夠凍，
魚肉刺身油脂分布平均，貝類口感都好好，
仲要份量足，估唔到每個人都試到每一款。
唯一美中不足係芥末唔多襯
(刺身靚先想要襯返靚芥末)


下圖左起
炸豬扒，炸墨魚咀，椒鹽雞軟骨，
燒飯團，雞皮餃子，炸芝士年糕。


炸豬扒一食，肉質勁鬆化，炸粉薄，好好食，
我地中途仲再叫多份，可惜第二份就無咁鬆化，
未知係咪食太多定食飽左？
希望下次再嚟會食到第一份的質素


炸墨魚咀係全單入面較失色，
入面的墨魚咀口感一般，太靭。


椒鹽雞軟骨中規中矩，份量夠大，
飲酒傾計必備。


燒飯團外脆(睇相都見到脆)內軟，
夠熱，正！


雞皮餃子好食，外皮雖然唔夠就咁雞皮脆，
但係都脆，相信係因為想保持入面內涵多汁，
一咬入去，勁嫩勁多汁！一份4件，
好彩叫夠2份，因為咁我先可以食多件


炸芝士年糕就同市面食開的差不多，不多介紹。


食得串燒，識食一定要食雞肝，
唔係成日食，一次半次必須食！
每串雞肝都配上左粒雞心(第一粒)，
重點完全比雞肝獨占，雞肝十分出色，
沒有腥味，香氣十足，食完個香氣充斥成個口，
口感軟嫩，眼前一亮的感覺，推薦！



雞肉軟骨棒，呢個同我想像中有出入，
以為係會有生蛋個個醬點個隻，
不過都好食，肉鮮嫩多汁，
如果外皮再燒燶d仲正

2份厚燒牛舌，好香牛味，口感彈牙，
沒有羶味，但由於牛舌有點膩，
之後覺得應先點一份看份量


關東煮，店員送上時特別介紹呢個關東煮原來都係店鋪推薦食品，心機野，師父48小時慢煮整！
個湯真係精華，平時食個湯大多數覺得太甜，
呢度直頭飲晒個湯，蘿蔔吸曬精華，
另有魚餅福袋，菇，竹輪。


牛肉鍋，份量足，但對比其他食物就較普通，
不過不失，食左關東煮再食呢個應該就係關鍵，
只能說沒比較沒傷害。


咁熱的日子必須叫冷烏冬增加下食慾先，
(雖然外人睇這食量睇唔出有影響食慾就是了)
仲叫左2碟，煮的時間剛好，不會太腍，
保持麵質煙韌有口感，正常發揮。


茶碗蒸，真係好夠熱，
細心店員需特別提示茶碗蒸碗邊熱要小心。
有櫻花蝦點綴，不過無其他料，蛋嫩滑，
但係無其他材料下，蛋味依然不算濃郁，
就有點失望。



雞翼，2隻為一份，外乾內軟，肉質保持嫩有汁，
皮的邊位都脆口，少少鹽吊味，簡單的好食。
價錢以雞中翼黎講就貴少少，$38@1份。




總結:
有意外驚喜，本覺得在這地區只做街坊生意，
估唔到食物質素唔錯，特別係刺身，都好新鮮。
串燒好怕食燒到好乾的串燒，
再好的食材都要有處理恰到好處的廚師才能發揮，
呢次黎大部分食物都好好食，
上面提到較普通的也都合格，
只是剛好比較下可能失色。


店內座位與座位之間有一段距離，
充足的空間，算寬闊，一定的人數甚至有房。
房間門口小斜台貼上黃黑膠紙提示，
店舖地面乾爽(包括廁所)，廁所衛生情況不錯，
由此可見店舖有為安全衛生把關


店舖所有店員都十分有禮，
另一位便服店長/老闆十分友善，主動幫忙，
並會主動介紹食物，令整個用餐環境放鬆，
有好員工下客人更能享受當下的時間


推薦！絕對係會再次到訪的餐廳，
希望能保持質素

當日樂園Offical關閉時間為19:30， 餐廳的Last Order時間為20:00， 可以用餐至20:30。 平日呢間時間幾full， 需要企定定嚮餐廳門口等位。 當晚可以即時入座，所以就決定小試一次。 筆者大約係19:00入座。 。 總括嚟講，餐廳主要係賣氛圍同賣相， 食物質素正正常常，價錢係偏貴。 餐廳環境係乾淨衛生嘅， 而且一貫係迪士尼作風，服務態度誠懇有禮。 。 點咗一個大街精選套餐 - Corner Cafe Set Menu，係下午五時後供應。套餐係根據主菜而定價，包前菜、主菜同樽裝汽水。 。 🍲前菜或湯 - Appetizers or Soup 海鮮忌廉湯 - Seafood Cream Soup 呢款湯感覺係最穩陣嘅一款前菜，而且筆者想試下熱食。上枱時，湯嘅熱度係足夠嘅。忌廉湯質感十分幼滑，滑不溜口，味道香甜。 。 海鮮配料包括有帶子、小蝦仁、魚柳塊。 面頭嘅係香草橄欖油，橄欖油增添咗少少herbs嘅香氣，味道都豐富咗。 。 主菜 - Main Course 大街特式龍蝦包 配蟹籽、生菜、西芹、洋蔥、番薯條及咖哩沙律醬 Corner Cafe Lobster Roll with crab roe, lettuce, celery, onion, sweet potato fries and mild curry dressing 筆者當日想食一個清新嘅主食，所以就揀咗呢款龍蝦包。主菜即點即製，所以番薯條炸得好新鮮好脆口。番薯條點少少咖哩沙律醬，整體味道係夾嘅，感覺有少少異國風情。 龍蝦包面頭烘了餐廳名字，賣相加分。 麵包熱騰騰，質感軟熟。 包入面嘅配料充足，算係幾豐富。 龍蝦肉有三大塊，份量滿意， 不過食落有少少雪味，略有不足。 而且西芹粒同洋蔥粒都切得夠細粒， 廚師幾細心。 。 套餐均配樽裝汽水一支 (Include a bottle of soft drink) 樽裝汽水有少少懷舊嘅感覺，相信切合美國小鎮大街嘅背景：20世紀初美國市井風貌的美國小鎮景觀。呢支汽水嚮氛圍上略有加分，而汽水都夠冰凍。 Duffy栗子朱古力撻 (套餐加$45) Duffy Chestnut and Chocolate Tart 套餐可用優惠價$45加配精選甜品一份。 揀咗呢款人氣甜品。 甜品嘅賣相幾精緻可愛，少女心爆發。 而甜品係一早整好，再擺入雪櫃， 所以甜品感覺冰凍。 栗子蓉質感幾幼滑，可可味都幾香濃。 較為可惜嘅係，撻皮偏腍，口感略為扣分。 旁邊嘅士多啤梨粒同藍莓可以平衡甜品嘅膩感，值得加分。