寇鴻萍出獄後首度受訪 獄中反思己過社恐怕見人 去年因為多項逃稅罪成嘅 寇鴻萍 (Isabella Kau) 早前已經完成刑期重獲自由,近日亦逐漸現身唔同公開活動,呢日佢同囡囡 Lydia Tong 唐貝詩 一齊現身一個慈善首映禮時,終於首次開腔接受傳媒訪問,已轉任保險從業員導師嘅佢,剖白自己其間嘅心情時話自己樂觀同正面,經過反思後認為事出必有因,亦覺得獄中生活好似一個靜思過程。 重回社會之後Isabella坦言經歷社恐階段,怕現身多人場合,慢慢熱身之後加上生活重回軌道,呢日亦首次接受傳媒訪問。而佢兩位囡囡就分別投入保險界,呢日陪媽咪現身嘅Lydia就指會雙線同步發展,好快佢仲會返內地參演舞台劇巡迴演出,仲同 葉童 合作,雖然早前有少少緊張,不過就學到唔少嘢喇。 #寇鴻萍 #首度受訪 #蓄意意圖逃稅 #入獄9個月 #出獄 #重投社會 #社交恐懼症 #怕見人 #靜思 #唐貝詩 #保險從業員 #舞台劇 #巡演 #葉童