容祖兒香港演唱會《MY SECRET LIVE》會在7月於香港演藝學院開騷，共33場！開騷門票今早發售即秒殺

容祖兒（Joey）香港演唱會方面亦終於有最新消息！容祖兒香港演唱會《MY SECRET LIVE》會在7月於香港演藝學院開騷，共33場！ 少香港歌迷都期待容祖兒何時會在香港舉辦演唱會，而容祖兒終於公開香港演唱會消息，容祖兒香港演唱會《AIA PRESENTS ANOTHER SIDE …… JOEY · MY SECRET · LIVE》將在7月假香港演藝學院舉行，共帶來33場演出，更表示做自己最鍾意嘅事係唔會辛苦：「況且呢個場地意味着最親密最好朋友最愛最好時光，上次有我最鍾意嘅萬家燈火，花海，大風吹，有我嘅屋企隻豆豆，有我好X你，有sidetrack大合唱，今次又係啲咩，我自己也期待，好吧！除了搶飛，也是時候諗吓想聽邊首滄海遺珠都嚟得切㗎！」

容祖兒相隔4年終於宣布今年在演藝學院舉行《ANOTHER SIDE……JOEY•MY SECRET•LIVE》，演出日期將於7月13、14、15-16、18-23、25-30日，8月3-4、5-6、8-13、15-20及22日一共33場，門票今早公開發售，馬上被秒殺，容祖兒知道網上搶票很難，於是為歌迷會安排了一日專場，但一日又怎夠慰勞一班歌迷，所以外間不停有加場聲音。

容祖兒表示加場要跟公司商量及安排，正衡量是否可以實行，帶點溫暖及有需要的人：「其實要為打風落雨做準備，可能仲有少少檔期。如果可以，可能效法之前，加開慈善場，一齊做啲有意義嘅事，等公司再公佈。」今次

決定再開演唱會，容祖兒表示有不少朋友問她是否「傻咗」？為何咁辛苦唱咁多場？祖兒說：「當然開紅館係一個選擇，明年或者會開紅館呢，哈哈。今次我揀APA（演藝學院），係想有一個同觀眾超近距離空間去分享時光，6年前睇過嘅人，都會明白APA無論做騷或者睇騷 ，都有另一個層次嘅感受同感動，而且歌迷都問咗我6年，會唔會再開呢類騷，咁檔期及所有工作都可以配合，就決定做多次，好想同大家一齊再享受一下呢種近距離親密時刻。」

早前祖兒為演唱會拍攝海報，當日大師林海峰影了個多小時就宣布可以收工，令她大嚇一跳：「真係好多謝林海峰，影海報嗰陣佢其實好忙，又做舞台劇，又有好多其他工作，上一次《My Secret•Live》都係佢設計海報，由Wing Sha影，今次我好想原班人馬再出發，所以林海峰就算再忙，最後都答應幫我。入行至今佢都一直默默支持我，我幾乎所有紅館騷都係佢幫我錄VO，初出道時佢又喺電台節目大力推介我呢個新人，所以有佢幫我設計海報，我會好安心，而家我經過隧道附近個位見到自己嘅海報，我個心都會諗起佢，好多謝佢揀咗呢張相，真係好呈現到一個最舒服悠然自得嘅我，一張相就已經畀大家感受到，今次係一個如何私密及悠然自得嘅騷。」

容祖兒亦表示上次是彭秀慧做導演，今次當然都係她去負責：「APA係佢主場嘛！女導演會多一份溫柔，哈哈！彭秀慧話上次做得咁好，今次都有壓力，因為佢份人好認真，一定想超越上次，所以連月來佢不停迫我哋開會，仲已經幫我揀緊歌，我想同步開放畀歌迷一齊揀，大家想聽邊首歌，可以去我IG留言，我哋一定會睇到，再研究是否適合，快啲留言畀我啦！」