店內裝修設計好有心思,每個角落都係打卡點,玩味十足,特別又吸引 先嚟個越食越開胃嘅小食 [ 三文魚牛油果莎莎 $88 ] 有6塊卜卜脆嘅脆片包圍住,三文魚撈埋牛油果粒,大大啖咬落去,豐富層次口感 [ 古法烤黑毛豬 (西班牙豪華豚) $268 ] 用古法烤嘅黑毛豬肉質肥美,juicy又嫩滑;有2個迷你嘅脆卜卜雪糕筒裝住薯蓉,薯...蓉口感綿滑,加入碎煙肉,帶鹼香口感;兩塊勁大塊嘅卜卜脆蝦片;份量好多嘅沙律菜,新鮮好味 Lunch Set 揀咗 [ 水牛芝士石榴三文魚沙律 $108 ] 微微煎過嘅三文魚,水牛芝士口感微酸,石榴清甜好味,沙律菜夠多新鮮 呢個甜品,跟餐+$46 就有 [ 比利時窩Full|焦糖 ] 兩件超脆口嘅窩夫,外脆內軟,配埋大大粒又香脆又甜嘅焦糖脆脆,完全食到停唔到口,仲有藍色夢幻海鹽雪糕 飲落涼透心嘅 [ 牛油果沙冰口感係杰撻撻 $56 ] 好好飲;友人個杯飲品淨係睇個名已經好特別嘅 [ 豆腐豆腐豆腐咖啡 $56 ] 質地就好似豆腐咁綿滑,加埋香濃嘅咖啡,估唔到味道咁夾 Wish You A Mamaday----銅鑼灣駱克道491-499號京都商業中心10樓更多