雲龍軒

營業中

休息中

🏨 迪士尼奇妙探索家之旅🍽☀️ 自助早餐 住宿包2份自助早餐，如多於2人用餐，可即日買票入場。自助早餐種類豐富多樣西式早餐選擇包括薯餅、香腸、煙肉、炒蛋、煙三文魚、沙律菜、米奇造型的窩夫、即點即製的奄列和水果等。推介必試米奇造型的窩夫，味道鬆軟可口，更可加上喜愛的醬料和忌廉，是砌成一個豐富All day breakfast 的重要一環。🍳 餐廳的奄列是即點即製，餡料有火腿、洋蔥、彩椒、蘑菇、芝士等；熱辣辣的，豐富美味。加上有即點即切的火腿扒，點了一片試試，實在是相當豐富。🥟 中式方面的選擇，包括: 燒賣、小籠包、芋泥煎堆、雞絲春卷、叉燒酥和叉燒腸粉等。個人感覺叉燒腸粉比較遜色，腸粉質地比較乾身粗糙，小籠包的皮亦較厚身。個人熱推芋泥煎堆，外脆內嫩還有香甜的芋泥，大愛。雞絲春卷亦香脆美味，蘸上喼汁開胃可口。叉燒酥能做到皮薄酥香，入口香而不膩。這3款中式點心值得一試。小總結：雲龍軒具古代中國設計，座位設計寬敞舒適。早餐除上述食品外還有不少選擇，包括西式的牛角包、鬆餅、穀類早餐，也有中式的炒麵、即製湯粉及粥品等供應。食物種類比想像更豐富多彩，值得一讚。稍有不足的是客人由入座起計1小時用膳時間，

入得迪迪尼酒店staycation，唔少得要試吓酒店餐廳。去過雲龍軒兩三次，唔似一般中菜廳或酒樓，呢度唔會太full，坐得好舒服，亦唔會太嘈吵。平日午市set每位會有兩款頭盤。泰式豬肉沙律份量唔少，豬頸肉配泰式醬汁減少油膩感又開胃。煙三文魚一啲都唔乾，另外配上蕃茄Mozzarella cheese同蜜瓜片，非常清新。小籠包夾起唔易穿，食落好多湯汁。蝦餃亦唔厚皮，蝦肉爽脆。黑松露野菌包採用香菇造型，非常可愛，不過黑松露味唔重。原隻鮑魚雲吞麵，為方便分食鮑魚已經切開，好貼心。麵質彈牙。雲吞好驚喜地喺麵底，好正宗，而且每粒雲吞都有好大粒嘅爽彈蝦肉。砂窩福建飯，雖然筆者較喜歡粒粒分明嘅乾炒飯，但濕炒亦另有風味。成個飯嘅口感都好好。烤羊扒好重羊味，而且肉質唔乾，烤得好好。莎莎醬汁都中和咗羊嘅油膩。香芒雪梅娘同楊枝甘露嘅芒果都唔酸兼無渣，大推。不過個人比較鍾意雪梅娘再薄皮啲啲。如果特別日子又入開黎呢度，試吓迪迪尼酒店中菜都係個難忘嘅體驗。

因為10月份係我生日加上我哋有迪士尼白金咭生日優惠，可以享受食滿$300減$100嘅優惠。所以我同愛人就揀咗雲龍軒食晚飯。我哋預約咗10月8號星期日夜晚8點鐘食晚餐。入門口前，我明明同職員要求唔座風口位，點知都係安排咗風口位，本身游完水我有少少唔舒服，咁我再同職員要求調位，咁另一個女職員好好人，立即幫我搵咗一張近玻璃窗的座位，清潔好座位後就即刻比我哋換位，佢仲拎咗張毛氈俾我，佢服務真係好好。之後我哋就開始準備order食物啦。呢度晚餐得1款套餐，咁我哋揀咗二人份量嘅餐。首先頭盤可以揀三款，我哋揀咗五香滷水牛小排，明爐燒乳豬，仲有蜜汁叉燒。呢三款質素都唔錯，牛小扒夠入味，乳豬香脆好味，叉燒正常水準，不過不失啦。之後湯羹我哋就揀咗黑松露花膠蟹肉羹。個蟹肉羹鮮甜美味。全個套餐我最欣賞呢個湯羹。家常小炒類可以揀兩款，我哋揀咗自家制銀魚醬炒蝦球 ，冰梅欖角骨。蝦球爽口彈牙不過排骨我就唔太接受個味道，太濃烈氣味。老公就覺得好入味好食。蔬菜我哋就揀咗，糖醋咕嚕豆腐，最驚喜就係原來係米奇造型豆腐，好可愛。豆腐香脆可口，個汁都唔錯。最後係雲龍軒炒飯，味道都唔錯 ，抄飯好香，可惜係我哋唔記得影相甜品係雪燕

朋友生日所以嚟咗呢度食飯，用全年金卡生日優惠真係勁抵！價錢比起出邊食嘅中菜低，配上華麗同埋有主題嘅餐廳裝修，真係超值。個人覺得依度嘅中菜唔會有太濃烈嘅中式調味、傳統中菜擺盤，唔知係咪方便世界各地嘅遊客品嚐中菜？呢間中菜館用西餐嘅courses 形式點餐，有頭盤、小菜、主菜食、甜品，就算兩個人食都可以每樣嘢試吓！相信即使唔係亞洲人，都接受到呢度餐牌上嘅菜式，有特色但係好適合大眾。特別一提，估唔到可以見返以前喺酒樓好興食嘅白兔棉花糖🐰🐰！！！二人餐超豐富份量足夠，二人餐有好多小菜，每份都係一人份量，唔會好似出邊食中菜咁一碟就已經係三至四人份量，很適合兩小口想嘗試不同小菜！！如果以出面傳統中菜質素來比較，味道同埋煮法的確冇太大驚喜或者餐廳風格。但係如果以主題樂園嘅餐廳黎做評語，我覺得餐廳無論性價比定係質素，都超水準！雖然迪士尼樂園係美國背景，好似食西餐夾啲（？）但係喺樂園食咗咁多餐西餐都會覺得好膩，如果去酒店嘅話不妨試吓呢間中菜館！🎢🏰🎠

前排去左迪士尼玩再去左住探索酒店，酒店包左自助早餐，都無抱住無乜期望黎食，點知好有驚喜！款式都幾多，中式有小籠包，燒賣，腸粉，春卷等等。佢個炸饅頭入面係奶黃架！第一次食炸奶黃饅頭，仲要熱辣辣好好食呀。西式有沙律，通粉，牛角包等等，好多野揀味道都唔錯。中間個米狗tart岩哂打卡！味道都唔錯，個皮好脆

迪士尼探索家酒店的中餐 《雲龍軒》酒店中最滿意的一間餐廳❤️4大1細，迪士尼之旅，晚餐選擇了中餐，選擇有好多，樣樣都想食，最後叫咗套餐，要2人起，一個兒童餐，再加一餸和一個粉麵。套餐抵食之選👍🏻😋多野食，前菜到甜品，絕不馬虎。滷水拼盤，有5款，好食黑松露花膠蟹肉羹，用料十足糖醋咕嚕豆腐，米奇頭的豆腐好可愛自家製銀魚醬炒蝦球鮑魚遼參鵝掌煲方魚蒜香炒青菜韭菜鮮肉水餃 🥟（煎）或（白灼）我們各點1份甜品雪燕楊枝甘露，還有米奇菠蘿包，裏面係奶黃餡，好特別，又好味。另加-滑蛋海鮮脆伊麵籠仔姬松露雲腿蒸雞，賣相吸引，材料十足，值得一試👍🏻套餐足夠3人食，我哋加咗2樣嘢，有啲多😬兒童餐，為咗滿足小朋友，但小朋友冇興趣😞其實都唔吸引，有啲貴$148，除咗兒童餐外，其他都值80分😊

🔹️雲龍軒(迪士尼樂園)🔹️ 又係去迪士尼做足準備既時間啦今次約一班朋友去迪士尼酒店staycation，來一場充滿探險且有趣味性既住宿旅程。已經提早預約雲龍軒餐廳，餐廳既裝修華麗具氣派，高貴且充滿霸氣，入到去既感覺係“嘩“左一聲，餐廳嘅頂部中懸掛一條白色既巨龍，好似栩栩如生在飛翔般🥢牛小排🥢露荀炒帶子🥢雲龍軒炒飯🥢滑蛋海鮮脆伊麵呢個整到成個漢堡包咁，真係精緻又好食🥢銀魚醬炒蝦球🥢黑松露花膠蟹肉羹

本來只是約吃生日飯，幫朋友慶生，完全唔醒起明天就是中秋節，擇日不如撞日，就嚟一個雙喜臨門晚餐吧。雖然餐廳只提供套餐，and it can't go wrong with the menu.(pls look at the menu)頭盤乳豬香脆，但每枱客人只能點叫一次，並且明確印在菜單上，我地懷疑應該曾經有人叫重複冰梅欖角骨及儀式感重的炒飯，是必叫之選，朋友提意點算旁邊印有“龍”字的菜餚，應該唔會錯得去邊。成餐飯食得好舒服，除咗味道好之外，服務真的非常好，員工非常有禮貌，服務貼心，員工培訓部應記一功。👍👍👍今時今日真係好難遇到說話有禮，令客人聽得舒服嘅員工，起碼唔會辣興你先。加上席間其中一個朋友有75折咭，提高咗成餐飯嘅性價比。

一入到去雲龍軒 ，就見到一對架空既飛龍裝飾，都幾吸睛和特別，不負雲龍軒之名。至於食物方面，就試左呢幾款：1. 牛油果蟹肉沙津⭐️⭐️⭐️牛油果和蟹肉好夾，好清新，套餐入面既前菜，單點既話CP值唔高2. 魚籽煙燻糖心蛋⭐️⭐️⭐️幾好食既糖心蛋，都係套餐包既3. 黑虎掌菇慢煮牛小排⭐️⭐️⭐️⭐️⭐️牛小排既調味好好，慢煮既肉質嫰滑，食起來好香，牛味幾重😋4. 繽紛奶涷伴黃甘栗子包⭐️⭐️⭐️⭐️栗子包既賣相好吸引，上面既圖案好靚，入面既栗子蓉好香滑，係唔錯既中式甜品😆🍽 環境 ⭐️⭐️⭐️⭐️🤵🏻‍♀️ 服務 ⭐️⭐️⭐️⭐️⭐️💵 CP值⭐️⭐️⭐️🤓 Overall ⭐️⭐️⭐️⭐️😇 回頭度⭐️⭐️⭐️⭐

今年父親節，選擇了到訪迪士尼探索家度假酒店staycation。早兩星期預訂了雲龍軒,第一次到訪這間餐廳，選擇了晚市套餐，每人一個套餐。估唔到食物份量相當多，味道相當不錯。有好多款甜品選擇,大人跟小朋友也很開心。原本想點扁皮鴨，估唔到晚上6:30已賣晒，原來可早48小時預訂!下次一定要早啲預定！

The staycation package includes a set for 2️⃣ but we all agreed that the portion is quite big and might be enough for 3 or 4 girls. We really like the soup 🥣 It’s braised fish maw and crab meat soup with black truffle 🤤the soup is a bit light, and in a perfect combination with black truffle. We chose marinated goose and short ribs as starter and the ribs are tender and delicious 😋 🐮The spicy anchovy sauce mixed really well with the chewy prawn 🍤 If hotter, the better 😗 And the sweet and sour bean