70
17
6
開飯介紹
火鍋主題店「家嫂」的副線，沿用典雅的中式設計及供應海鮮火鍋，並新增中式小菜及精緻點心系列，而午市則主打點心。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
食家推介
家嫂唔係第一次幫襯，不過尖沙咀店就第一次嚟， 公司同事一行15人諗住揀一間食物質素好又有酒飲嘅地方幫襯點知……食到一肚氣， 食物質素唔算差， 之前幫襯佐敦店7:30有紅白酒供應， 問店員只叫我地等，會有車推出嚟，結果全晚只出過兩次， 每次只有1/3杯….另一次2/3杯， 多次追問酒車幾時再來， 只叫我地等，但期間見有店員攞酒去其中一張枱， 另外reorder就更離譜， 我們一枱6 人一枱9人， 但order不是人頭計， 我們發現數量唔夠再問，就告訴已過了last order, 埋單仲離譜， 佢要我地分兩枱埋單， 明明我地比咗$1000訂金， 但竟然只在其中一張單扣除$500， 如果唔係我地發現就白白被騙$500…..實在太過份
繼續閱讀
一行十幾人分兩檯坐其中只有7個人會飲酒酒車由7:30開始7:40第一輪斟咗1/3杯（窄身酒杯）8:30第二輪斟咗2/3杯酒車出場時相隔45分鐘左右之後一直等酒車 再詢問職員得到阿姐回覆「等吓啦 夠時間就會有」等到9點 朋友落樓下買紅酒由7:30-22:00 酒車只出場2次📍紅白酒放題只係假象 頭輪海鮮都唔係按人數 每人都唔會分到一件 唯有追加 一份一份咁追加每份數量只有 3，4件 同阿姐直接追加3份得到晦氣回覆「落咗啦 等吓啦 嚟咗1份先可以再加」到嚟咗一份再追加 突然阿姐就話 截咗單😲完全冇職員埋檯通知過截單/last order阿姐冇禮貌講「你哋有一個人知道架 咁就個個都會知 」 實情係冇任何職員會埋檯去通知last order只係9:30有個阿姐問過「要唔要蕃薯糖水」📍食物 海鮮 放題都只係假象被職員要求埋單分咗2張單埋第一張單有扣$500按金第二張單係冇扣$500按金（落咗$1000訂）埋單嗰陣 不斷被阿姐催促 好彩有睇清楚先簽第二張單冇服務可言嘅餐廳 卻收取10%服務費冇提供無限制地 食物 酒水 卻標榜放題食肆一行十幾人食放題火鍋 食唔飽 飲唔夠真係第一次！$470/位7千幾蚊嘅火鍋😡好掃興嘅聚會😤
繼續閱讀
食物新鮮，蝦同埋刺身都OK不過店員唔老實唔知係咪公司規矩我哋打邊爐，食完第一輪海鮮就叫店員加鮑魚隔咗一個鐘都毫無消息咁就自己再主動問店員個鮑魚去咗邊？店員就話鮑魚賣晒其實我就覺得好唔尊重人你賣晒唔緊要啊，你哋同我講聲，我覺得OK啊但係你粒聲唔出，我覺得好奇怪。咁我就同佢講唔緊要，咁有冇蜆？佢同我講又係賣晒。咁跟住我就叫咗其他嘢食啦，唔緊要。跟住咁啱又另外一個女店員走過來問我哋有冇嘢要加，我咪再問佢有冇蜆，佢好爽快咁答我有，咁最後咪又真係攞到蜆畀我，咁我唔知道係第一個店員唔清楚店內嘅存貨定係有心隱瞞，不過我作為客人第一個直觀感受就係好唔老實，好似唔想我加單咁，所以成餐飯我哋只係食咗一人一隻鮑魚，五個人分一隻蟹，咁佢收我哋五位$2300，服務好坦白講就麻麻哋㗎啦，好心公司一係就加人工俾啲店員，一係你就做平啲嗰價啦，唔想人哋加單就唔好學人做放題。我發誓一定冇下次，我見一個朋友就唱你哋一次☺️
繼續閱讀
我和一班朋友第一次去了「家嫂一家大小」這家餐廳，我必須說這是一個非常滿足的用餐體驗！這家餐廳提供火鍋放題，包括刺身船、雞煲和海鮮火鍋。此外，他們還提供清酒和白酒無限暢飲的服務。我們都對這裡的食物品質感到非常滿意，食物新鮮美味，讓我們吃得飽飽的，真是讓人心滿意足。首先，他們的刺身船是一個令人驚艷的亮點。船上擺滿了各種新鮮的生魚片，包括三文魚、鯛魚、海膽等等。每一片魚都鮮嫩多汁，口感絕佳。我們可以根據自己的喜好自由選擇，每一口都能品嚐到刺身的鮮美。雞煲也是我們用餐時非常喜歡的一道菜。雞肉煲內的肉質非常嫩滑，湯汁濃郁，充滿了雞肉的香味。配料豐富，包括新鮮的蔬菜和香料，這使得這道菜更加美味可口。仲可以無限食。另外，海鮮火鍋也是這家餐廳的一個亮點。新鮮的海鮮品種繁多，包括蝦、蟹、鮑魚等等。海鮮的質量非常高，每一口都充滿了海鮮的鮮味和甜味。我們可以根據自己的喜好選擇要加入火鍋的海鮮種類，這讓我們能夠根據自己的口味來享受這道火鍋。最後，「家嫂一家大小」提供的無限清酒、白酒和特式飲品讓我們的用餐體驗更加豐富。我們可以隨意品嚐各種不同的酒類，讓整個用餐氛圍更加歡快和愉悅。總的來說，我們都對在「家嫂一家大小」的用餐體驗非常滿意。火鍋放題的選擇多樣，刺身船、雞煲和海鮮火鍋都非常美味。食物的新鮮度讓我們感到驚艷，而無限暢飲的清酒和白酒更加提升了整個用餐體驗。我們吃得飽飽的，心滿意足地離開這家餐廳。如果你喜歡火鍋和新鮮的海鮮，我強烈推薦你去「家嫂一家大小」享受這個美味的用餐體驗，我相信你也會非常開心和滿足。
繼續閱讀
絕對係我印象最深刻嘅火鍋餐廳🔥雖然係放題，但材料比外面單點嘅更新鮮而且足料👍🏻 基本上我哋食完第一輪都已經飽晒🤣·豪華刺身船大部分常見刺身例如 三文魚、北寄貝、帶子、蝦，甚至長腳蟹、鮑魚、生蠔都有齊，超級豐富😍😍🤤🤤不過唔係任食，計人頭俾返相應嘅份量，食完就冇lu🥹·象拔蚌刺身 (另加 $288/條)前一日會send WhatsApp 問你要唔要加，係即日叫貨嘅果然係好新鮮，而且依個價錢都算幾抵🤣·雞煲 + 火鍋今晚嘅主角🔥 食完雞煲之後，店員會另外換一個煲俾我哋打邊爐，我哋揀咗老火花膠湯底，好正🥰 同埋又係好搶手，最好要提早預訂/落單，唔係會有機會賣晒🫢其實食到依個位，我哋所有人都已經飽咗八九成😂 飽到雞煲有得加雞都唔加，直接打邊爐😂😂材料可以揀肥牛雞肉豬肉、各種菜、餃子、丸等等，仲有多款海鮮，全部都好新鮮🤤💕·雪燕燉椰皇 (另加 $32/個)又係前一日預訂，話賣完即止🫢 咁我哋又即管嗌返個試下啦，點知！連甜品都超級好食😍😍當時嘅我係已經飽到上心口，但都忍唔住，不停食，一啖又一啖，食到食唔到為止🤣餐廳另外仲有其他任食任飲嘅選擇，種類一樣係非常之多，同味道亦好出色👍🏻 即使係挑食嘅人都一定可以搵到自己啱口味嘅，最後滿足咁離開餐廳🥰如果唔額外加食物，每人HK$428 +10%依個價錢依個質素，真心要推介俾所有人，而且自己都非常之期待下次再去食🤣💕
繼續閱讀
您可能會有興趣的...