虛擬銀行改名持牌數字銀行？金管局諮詢業界改名為「持牌數字銀行」

虛擬銀行即將改名？金管局於4月30日諮詢業界一個月，將「虛擬銀行」(Virtual Bank)改名為「持牌數字銀行」(Licensed Digital Bank)。發牌5年未有銀行成功轉虧為盈，可能因虛擬銀行呢個名有不真實感覺，降低信心。

---

咩喺虛擬銀行？

根據金管局發出嘅《虛擬銀行的認可》指引修訂本，虛擬銀行喺指「主要透過互聯網或其他形式的電子傳送渠道而非實體分行提供零售銀行服務的銀行」。

換句說話講，啫喺主要用網上或者其他流動形式提供服務嘅銀行就喺虛擬銀行。但留意有提供網上理財服務或者類似PayMe呢啲服務嘅銀行，例如恒生、滙豐都並唔算喺虛擬銀行，因為始終佢地主要用都喺用實體分行提供服務。

Source: https://www.hkma.gov.hk/media/chi/doc/key-information/press-release/2018/20180530c3a2.pdf

現時香港有邊間虛擬銀行？

虛擬銀行 Virtual_Bank	投資者 Investors_and_Shareholders
MOX銀行	SCB、PCCW、HKT、Trip.com
LIVI銀行	BOC、京東、怡和集團
眾安銀行(ZA Bank)	眾安在綫、百仕達集團
螞蟻銀行(香港)	螞蟻金服
匯立銀行(WeLab Bank)	CCB、世界銀行集團成員IFC、阿里巴巴、TOM集團（李嘉誠旗下）
天星銀行	小米、尚乘集團
富融銀行	Tencent、ICBC、港交所、高瓴資本、鄭志剛
平安壹賬通銀行	中國平安

MOX銀行

由渣打策動嘅MOX銀行最大嘅賣點就喺佢同Mastercard合作推出嘅全亞洲首張全功能無號碼銀行卡，Mox卡，用嚟買嘢提款都得，配合埋專屬嘅Mox app除左一般嘅銀行服務之外，仲可以做到隨時改戶口名、鎖卡、解卡等等。

而MOX銀行喺2021年4月9號試業，開放俾特選客戶試用服務。

眾安銀行（ZA Bank）

喺2020年3月24日正式開業嘅ZA Bank已經接受開戶、存款及貸款。現時為用戶數量最多的虛擬銀行

虛擬銀行有咩優點？

方便快捷

虛擬同傳統銀行最大嘅分別就喺24小時全日提供嘅銀行服務，咁樣大家就唔洗再lunch time趕去銀行排餐懞啦。只要透過虛擬銀行嘅網站或者手機app，客戶可以24小時隨時隨地使用銀行服務。例如開戶口，啱啱正式開業嘅ZA Bank我試用過又真係5分鐘就可以開到戶口，過程只喺需要身份證同自拍，再入返幾樣資料就可以完成，真係方便又快捷㗎！相對起DBS手機開戶/Citi手機開戶/大新手機開戶都好，雖然開放咗手機開戶功能但係成個experience上ZA Bank又真係快好多。

低門檻

根據上面提到嘅《虛擬銀行的認可》指引修訂本，為咗照顧目標客戶嘅需求，金管局規定虛擬銀行唔可以設立最低戶口結餘要求或者徵收低戶口結餘收費。

所以如果開戶口嘅話，唔單止過程方便，而且要求門檻都極低，如果想試下金融科技相關嘅嘢嘅話，虛擬銀行喺一個唔錯嘅選擇！

Source: https://www.hkma.gov.hk/media/chi/doc/key-information/press-release/2018/20180530c3a2.pdf

接通各平台

虛擬銀行無實體分行，而正正因為咁佢有更加大嘅空間同資源去拓闊電子流動形式嘅市場同科技。好似虛擬銀行可以以轉數快接通傳統銀行同電子錢包即時轉賬，例如Payme咁，科技令新舊平台接軌，為大家提供更快更創新嘅服務，而傳統chats/SI過賬等依然可以做到，搵返間Virtual bank嘅Bank code and branch code就一樣係咁做(→搵返分行號)。而虛擬銀行唔好處係實體支票應該就無法可以入到，公司用開支票出糧的話就唔可以單單用虛擬銀行嚟解決需要。

增加市場競爭

如果有留意開銀行動向嘅話，大家都可能發現2019年8月起好多傳統銀行都推出免最低結餘嘅戶口，原因就9成因為睇到愈嚟愈多虛擬銀行加入市場，所以要開始搶客。就好似啱啱恒生都公布會喺手機app都增設智能儲蓄規劃工具「Saving Planner」咁，正所謂有競爭先有進步，對我地市民用家嚟都喺一件好事嚟！

用虛擬銀行有咩風險？

相信大家睇到呢度都會覺得虛擬銀行雖然聽落唔錯，但究竟會唔會有咩風險呢？

個人覺得都唔洗太擔心風險，風險出現好多時係投資產品本身，而你投入的都係活期或定期存款嚟，所有香港的發牌虛擬銀行同樣要參與存款保障計劃，如果不幸倒閉，客戶都可以拎返最高50萬港幣嘅賠償。

而虛擬銀行都喺受金管局監管，申請牌照嘅時侯要提交全面嘅業務計劃，而且必須遵守同傳統銀行一樣嘅監管規定。當中包捨要保持一定嘅資本及流動性同各金管局提交定期申報表等等。而如果真喺不幸倒閉，虛擬銀行都必須提交退場計劃，務求整個過程唔會影響客戶同金融體系。

最後雖然虛擬銀行無實體分行，但仍然需要設有實體辦事處去處理事務，而其辦事處亦都需要遵守《銀行業條例》嘅規定，例如保存賬目同交易紀錄等等。所以有咩事上嚟大家都唔需要擔心搵唔到人。

香港存款保障委員會官網:https://www.dps.org.hk/

Source: https://www.hkma.gov.hk/chi/key-functions/banking/banking-regulatory-and-supervisory-regime/regulatory-supervisory-framework/

https://www.hkma.gov.hk/media/chi/doc/key-information/press-release/2018/20180530c3a2.pdf