今日同朋友行完街,就試下二人套餐,$398有2個頭盤, 1個意粉及1個披薩或主菜,真心抵食。
我地點左一個龍蝦湯,一個芝士焗釀大啡菇配香草蕃茄汁,一個四色芝士焗通粉及一個Forest Pizza。
首先係龍蝦湯,夠味之餘,竟然有啖啖龍蝦肉,真係意想不到!
再嚟芝士焗釀大啡菇配香草蕃茄汁,每一啖大啡菇都好多汁,配埋芝士,一流!
而主菜四色芝士焗通粉,份量好足,加上我超鍾意食芝士,真係食唔停口!
而披薩雖然是素菜,但即叫即造,而且野菌量多,加上黑松露忌廉醬,正!
加埋一杯凍朱古力,完美!
此物業由您擁有或管理嗎? 免費認領您的企業詳情,即可回應評論、更新檔案和進行更多操作。