相關的專頁
- Careen H.Y. Wong 黃巧欣律師律師與律師事務所
- 公眾人物
- Andrew電影
- 香港音樂教育中心音樂學校
- 顧書維作家
專頁的最新帖子
【香港總商會到訪Smart Lab🤖】
上星期香港總商會代表團嚟到 #智慧政府創新實驗室 (Smart Lab) 參觀同交流👏🏻,了解⋯⋯政府最新嘅資訊科技方案。資科辦總系統經理Gavin除咗向代表團介紹Smart Lab嘅成立目的同埋工作範圍,亦邀請商會代表提供意見同創新解決方案,就政府部門各項需求交流意見,攜手推動本地創新科技以及智慧政府發展🤝。
Smart Lab嘅同事向代表團介紹幾項已經成功驗證嘅政府創科應用案例,包括虛擬實境操作訓練、智能倉庫應用、導賞機械人等,代表團都對各項展出嘅創新成果深感興趣。活動結束後,雙方表示今次交流非常充實同極具建設性,希望以後能持續進行活動。
我哋會繼續努力促進政府部門同唔同界別嘅協作,令市民可享用更廣泛、便捷同切合需要嘅公共服務💪🏻。
#資科辦 #OGCIO #創新實驗室 #SmartLab
#香港總商會 #HKGCC 查看更多
【「奇趣IT識多啲」計劃資助學校於「機甲大師2022青少年對抗賽(香港站)」勇奪冠軍🏆】
📣📣📣好消息!恭喜「奇趣IT識多啲」資助學校⋯⋯──聖文德天主教小學電競隊嘅同學仔喺數碼港舉行嘅學界盛事「機甲大師2022青少年對抗賽(香港站)」小學組勇奪冠軍寶座🏆,成功衛冕!👏👏👏
好開心見到學校運用「奇趣IT識多啲」計劃嘅資助,為參賽嘅同學仔進行訓練,令佢哋學以致用💪,並繼2021年後再次奪冠,實在可喜可賀🎊
一年一度學界盛事「機甲大師2022青少年對抗賽」係一個糅合機械工程、編程同電競三大元素嘅比賽。參賽嘅同學仔除咗需要將編程、工程改裝、AI人工智能等知識應用喺機械人上,仲要發揮佢哋嘅應變能力,應對競技場上突如其來嘅變化,鬥快擊敗對手,真係十分考驗同學仔嘅臨場反應同應變能力㗎。
資科辦希望各位同學仔可以繼續喺「奇趣IT識多啲」計劃嘅支援下,參與更多編程同創科比賽,擴闊眼界,成為IT業界嘅未來生力軍💪
#OGCIO #資科辦 #KnowIT #奇趣IT識多啲 #香港中華教育基金 #香港深圳社團總會 #大灣區共同家園青年公益基金 #數碼港 #香港電腦教育學會 查看更多
【長者數碼計劃活動回顧📼:政府業界携手 數碼共融再添動力💪】
剛剛過完農曆新年,到處都充滿生氣同活力,早前大家都忙住準備過年同埋四出拜⋯⋯年,但老友記仍然無放鬆,繼續積極參加「長者數碼計劃」嘅活動。而家就同大家回顧一下部分精彩内容啦!
先講吓「長者進階數碼培訓計劃」,我哋好開心繼續有 #智慧城市聯盟 嘅支持,邀請到佢哋嘅機構會員 #香港信息安全普及教育中心 嘅陳正文博士(Theo)嚟到 #屯輝長者學院 嘅培訓班,教老友記有關流動支付方面嘅網絡安全同埋防騙貼士🔒。參與課堂嘅老友記都大讚Theo嘅講解從日常例子入手,由淺入深,好容易明白💡
至於「長者數碼外展計劃」方面,我哋嘅數碼外展服務站繼續得到政府部門嘅義工支持,最近仲有「智方便」流動登記隊加入添! #香港路德會社會服務處 同埋 #鄰舍輔導會 就分別喺1月12日同埋1月17日喺屯門同埋長洲設街站,#警務處文職人員會 同埋 #勞工處 嘅同事就去到屯門嘅街站做義工,教老友記用智能手機📱;而「智方便」流動登記隊就喺兩個街站幫老友記登記成為「#智方便」用戶,老友記都話街站嘅服務周到,學習數碼科技真係好方便!
多謝以上各個團體嘅支持!喺新一輪嘅「長者數碼外展計劃」入面,我哋會聯同推行機構舉辦更多「數碼外展服務站」活動,亦會積極邀請唔同嘅團體參與義工活動,鼓勵更多人加入推動數碼共融嘅行列!
想知多啲最新活動消息📢?記得追蹤👀「樂齡IT」專頁(https://www.facebook.com/e100.hk)啦!
#長者數碼外展計劃 #長者進階數碼培訓計劃 #樂齡IT #數碼共融 #政府資訊科技總監辦公室 #資科辦 #OGCIO 查看更多
【📌「智方便」提提你 - 換新電話嘅朋友要注意】
換咗新電話,又係時候要將舊電話嘅資料「搬屋」啦!登記咗「智方便」嘅朋友仔,「搬屋」時記住將「智方便」戶口搬到新手機📱!(😢唔好丟低我啊...)
步驟好簡單,首先喺新手機下載「智方便」app,再喺舊手機嘅「智方便」app內選擇「戶口管理」,然後選擇「轉移戶口至其他手機」,就有個QR Code出現,最後用新手機嘅「智方便」app掃咗呢個QR Code就搞掂㗎啦!
想知更多「智方便」詳情,即上 www.iamsmart.gov.hk 或者繼續留意我哋Facebook專頁啦!