【十億公子】旨呈重提黑歷史 自認年少輕狂|即時新聞|繽FUN星網|on.cc東網

【十億公子】旨呈重提黑歷史 自認年少輕狂

20210426
東網電視
更多新聞短片
樂隊享樂團主音旨呈(鄺旨呈)去年參加《全民造星III》,雖然40強止步,但因出身富貴,引起網民談論。旨呈媽媽是美容集團創辦人曾裕,身家逾十億,不過近日網民更翻出他十幾年前的「黑歷史」,有指他22歲時駕駛百萬超跑途經東區走廊時嚴重撞毁,車毁幸人無事,當時他受訪表示交通意外令他失約滑水,被指態度輕挑。
近日他主持的ViuTV節目《學神出沒注意》與藝人蔡宛珊一同學揸巴士,他就重提此事,承認當年年少輕狂,他說:「以前魯莽、熱血又好勝,上咗寶貴一堂,乜嘢叫意外、乜嘢叫危險都唔識,唔明點解同人講滑水失約。我依家記得番喇!當時因為好驚,雖然嗰時都係成年人,但好驚會登報紙,諗住圓滑啲,唔想講自己真感受,擔心令其他人唔開心。」
旨呈重提舊事,自言現在人成熟不少,如果再揀不會再駕超跑,已沒有勇氣揸快車,不想影響自己和家人。他說:「我覺得揸車嘅態度好反映個人嘅性格,我相信以前嘅我唔係太好,依家好認真實現自己事業夢想,畀好大嘅鼓勵去做一個更加好嘅自己。」