合作演「婆孫」勁催淚 余香凝請教鮑起靜女人經

準媽咪余香凝（Jennifer）早前與影后鮑起靜及好戲之人潘燦良合作，拍攝微電影《日子總有我伴你走》。戲中，Jennifer開設社企幫助患有失智症的老人，她按客人鮑姐要求，二人做一對「偽婆孫」。Jennifer笑言能夠與鮑姐合作，是她在演藝路上「成就解鎖」︰「同一位我好鍾意嘅演員合作，感覺好似打卡咁，鮑姐非常nice，真係好似婆婆咁會同你傾好多嘢。我啱啱結婚，鮑姐又會同我傾家庭觀，講下女人話題，大家真係好好傾。」

Jennifer表示今次拍攝非常難忘，不少催淚場口令她感受甚深︰「呢個故事想講，有啲嘢錯過咗就錯過咗，唔好將所有時間放喺事業同愛情，要分啲時間畀屋企人。」她慶幸現實中80多歲的外婆健在，見證她人生重要階段︰「我成日同婆婆講要健健康康，就可以抱曾孫，希望佢可以長命百歲。」