家庭關係
愛發脾氣的老婆都係好老婆
坊間有種說法:搵老婆要搵鐘意發脾氣的女人。到底真唔真呢?
愛情唔係要搵果個「對的人」,而是讓自己成為一個「適合佢的人」,世間上沒有完美的女人,請記得睇清楚身邊愛人最靚的一面。
其實,女人都係有血有肉、有脾氣有骨氣,永遠唔發脾氣的女人就好似一杯白開水,解渴,卻無色無味,仲無聊添。發脾氣的女人就好似威士忌,刺激火辣又令人難以忘記。
你粗聲粗氣同佢講野,佢發你脾氣,係想你對佢溫柔,又驚你激壞身體。
你當佢講野耳邊風,佢發你脾氣,係希望你將佢放在心上,因為你響佢心裡面永遠排第一位。
你遲到,佢發你脾氣,係因為驚你出左咩意外。
你食煙飲酒,佢發你脾氣,係因為佢擔心你身體健康、亦都驚你留低佢一個孤伶伶。
你唔鍾意沖涼,佢發你脾氣,係想你有乾淨健康的生活。
你成日掛住應酬唔返屋企陪佢,佢發你脾氣,係因為覺得自己被忽略了。
你唔記得佢生日,佢發你脾氣,係因為你對佢來講好重要,佢希望佢最重要的人記得佢生日。
你身上有其他女人的味道,佢發你脾氣,係因為佢在乎你,佢唔想同其他人分享你,佢唔希望你地到此為止。
女人可以為一件芝麻綠豆的小事,就拍檯反凳。
或者你會覺得佢無理取鬧,但只要細心諗下就會發現,其實,佢發脾氣係有原因的。你要知道,如果佢唔在乎,佢真係啋你都傻啦,仲發咩脾氣。就係因為佢在乎,先對你發脾氣;如果佢唔緊張你,同你講都口臭。
身邊有個會向你發脾氣的女人,其實是一件幸福的事,因為有一個人全心全意著緊你的人。愛發脾氣的老婆都係好老婆,記得珍惜你身邊果個惡女人,因為發脾氣係佢緊張你的表現。
如果有一日,你老婆唔再對你發脾氣。咁就代表佢已經死心,佢唔再愛你了。又或者,你已經讓佢絕望了。絕對不要讓一個女人對你死心,如果有一日,佢沉默了,佢唔再對你發脾氣了。那就是她決定慢慢離開你了……