虽然离中秋仲有成两个月，但成日话早买早享受嘛，早啲买仲有早鸟优惠添！今年一样有唔少有gimmick嘅月饼推出，好似雪糕专门店推出嘅姜涛月饼、联乘台湾品牌嘅猫山王榴槤法式千层月饼，同人气千层蛋糕店嘅摩天轮造型月饼等，款款都咁吸睛点拣好？一齐睇下开饭仔精选嘅2021年十大早鸟优惠及预购月饼慢慢谂～
Häagen-Dazs 姜涛特别版雪糕月饼 
姜糖们注意！ Häagen-Dazs今年搵嚟人气王Mirror成员姜涛合作，首度推出姜涛特别版雪糕月饼，各位fans准备好抢购，等姜B陪住你过中秋未？月饼有两款，分别以月亮同星星做主题，盒面更写上姜涛名曲歌词「So I say I love you！」打开个盒後仲惊喜，有四个铁盒仔，每个都印上姜涛食月饼嘅cute cute样，食完仲可以用嚟珍藏！呜好惊买唔到～
早鸟优惠期：7月22-25日
早鸟价：凡购买姜涛特别版．星愿或姜涛特别版．月满雪糕月饼一盒(HK$548)，即可以HK$225加购「星 ⋆ 复古 」或「星 ⋆ 明月」礼盒(二选一)，或者以HK$299加购「星 ⋆ 华丽」礼盒。
餐饮券：星‧华丽雪糕月饼 (6件装) 【第一轮早鸟优惠】Häagen-Dazs™ 雪糕月饼券1张
华尔登饼店 蛋黄白莲蓉月饼套装(姜糖限量版)
姜涛热潮不停！呢间平时畀人感觉较麻甩嘅饼店，今次联乘本地精品咖啡室「朝花夕拾」推出蛋黄白莲蓉月饼套装，分别有三个版本～姜糖唔使谂，一定买呢款真．姜糖版礼盒，外层有「我系姜糖」嘅宣言，四个月饼分别系印上「我系姜糖」、「我们不碎」、「有你有我」、「知我咩料」字句，再配搭真．姜糖两包、坚果味咖啡吊同天香茉莉茶一包。唉肯肯定又系要抢购！
早鸟优惠期：即日起预售
早鸟价：$318
Lady M 星夜摩天轮中秋礼盒
人气千层蛋糕专门店，每年中秋月饼礼盒都充满心思。今年中秋礼盒命名为「Celebration of Lights 星夜摩天轮中秋礼盒」，听到个名已经觉得够晒气势，包装由美国总公司设计，立体摩天轮上嘅灯光犹如夜空中嘅星火，有埋摩登嘅烟花图案衬托，只需轻轻一转个盒就会旋转，劲有气氛！礼盒内有迷你奶黄月饼同迷你朱古力月饼各三个，前者甜而不腻，後者朱古力味好香浓。
早鸟优惠期：即日至31日，以礼券形式发售
换领日期：8月23日至9月24日，各Lady M香港分店，香港国际机场店除外。9月20日至24日期间只限於铜锣湾时代广场店及尖沙咀海港城店换领
早鸟价：$488
鸿福堂 X 微热山丘 猫山王榴槤法式千层月饼
首度联乘深受港人欢迎嘅台湾人气品牌微热山丘，最吸引一定系「FORBIDDEN」嘅猫山王榴槤月饼系列，「FORBIDDEN」系微热山丘於马来西亚开设嘅新品牌，主打用马来西亚彭亨州嘅猫山王榴槤制成嘅甜品，今次仲喺香港推出全球首创嘅猫山王榴槤法式千层月饼，由法籍糕饼厨师 Gaël Majchrzak研发，将法式甜品千层蛋糕同月饼结合，口感层次细腻 、味道浓郁，榴槤控必试！另一新品猫山王榴槤冰皮月饼同招牌凤梨奶黄月饼都好值得食～
早鸟优惠期：即日至9月19日
早鸟价：猫山王榴槤法式千层月饼$399、猫山王榴槤冰皮月饼$599、凤梨奶黄月饼$249
唐人馆 西洋中国风月饼礼盒
锺意复古风嘅，今年呢间中菜馆推出糅合咗首饰盒同中式如意结造型窗棂、好有西洋中国风气息嘅月饼礼盒。传统经典双黄白莲蓉月饼选用顶级莲子制成细滑嘅白莲蓉，配上原个咸蛋黄，入口清甜不腻，礼盒就以琥珀黄配紫藤色，印上花鸟图案，古典气息浓厚；迷你匠心奶黄月饼选用新鲜咸蛋黄及天然牛油，奶黄馅香浓顺滑，咸咸甜甜，包装就青春啲以珊瑚粉红同湖水蓝作主调，自用送礼两相宜。
早鸟优惠期：即日起至8月20日
早鸟价：$278
兄弟台湾生活百货 芋见流心月饼
呢间网购平台今年推出芋见流心月饼，采用台湾在地大甲芋头制成口感绵密嘅芋头内馅，芋头香好突出。饼皮选用高级面粉再用传统手艺手杆而成，一层一层好松化。少油少糖，蛋奶素食者都啱食，而且冻食热食都一样咁好味。
逸东轩 复古木制手提箱礼盒
继上年推出大受欢迎嘅竹制蒸笼月饼礼盒，今个佳节再次以环保作概念，将月饼礼盒打造成可循环再用嘅复古手提箱，并以时尚嘅橄榄绿色作点缀，过节後可将佢变成化妆箱或迷你手提行李箱用都得！迷你「奶皇迎月」礼盒一盒六个，皮薄松软，香甜幼滑。「金黄明月」礼盒即系双黄白莲蓉月饼，一盒四个，入口香甜油润，配茶食最啱！
早鸟优惠：即日起所至7月31日期间订购可享正价六五折优惠，迷你「奶皇迎月」礼盒港币$258；「金黄明月」礼盒港币$298，於8月 1 日至31 日期间订购，可享正价八折优惠，迷你「奶皇迎月」礼盒港币$318；「金黄明月」礼盒港币$366
鳄鱼世家 帝一榴猫山王冰皮月饼
今年中秋榴槤控真系有福！呢间食品分销公司今年有卖马来西亚品牌帝一榴嘅月饼，每日新鲜空运到港，一入口啖啖都系榴槤果肉，香气极浓，真材实料！
餐饮券：帝一榴猫山王冰皮月饼 8 件75折($328) / 帝一榴猫山王冰皮月饼8件 x 4盒69折($1198)
锋膳 北海道牛乳奶黄月饼
奶黄月饼愈出愈多，无返啲特别又点突出重围呢！呢间餐厅嘅奶黄月饼内馅选用九州鸡蛋同北海道嘅牛乳制成，北海道牛乳特别浓郁厚身，配埋九州鸡蛋制成嘅金沙奶黄馅就好rich同软滑，食落真系唔同啲～
预订价：$330
Kylix Kitchen 中秋节卡通造型奶黄月饼DIY套装
月饼唔一定要买嚟食，自己屋企整都一样得！呢间专卖烘焙食材嘅烘焙店就推出中秋节卡通造型奶黄月饼DIY套装，卡通人物选择分别有龙猫、小丸子、松弛熊同Snoopy，仲好贴心咁供应「须焗版」同「不须焗」版本，有晒影片教学，今个中秋节同屋企人留喺屋企，自己月饼自己整都唔错！
餐饮券：中秋节卡通造型奶黄月饼 DIY 套装91折($250.5)
文: Yanica
编：Kar