姜濤球場2對1影片瘋傳 網友力撐：姜濤已經好克制！

撰文：東方新地 ｜圖片來源：連登討論區截圖、[email protected] Poon、[email protected]_show｜原文：New Monday

被二對一壓落地

網上討論區以「姜濤真人原來咁嘅，惡X到」、「姜濤成個牙朗咁 維園打波step over」為題，帖文內分別有兩條片段，從網上片段中看到，穿著全黑服飾疑似是姜濤的男生，與一名對手爭波，期間姜濤攬實籃球，對方則將他壓在地上，並強搶他手中的籃球，二人雙雙擾攘一輪後，再有多一人加入戰團，一同搶姜濤攬著的籃球；之後，一不敵二，姜濤手中的籃球終被搶去，姜濤見狀，即對對手咆哮了一聲，接著就起腳跨過還躺在地上的對手。

網友回應：對方擺明撩交打

有不少網友看到片段後，都紛紛力撐姜濤，並留言表示：「唔係鏡粉，但點睇都似另外兩個撩X佢多d。落哂地都唔放手兩個搶一個，唔X開拖就假」、「有球証應該判左跳球，街場一般就停咗先，猜包剪揼，射罰球判球權，兩條友可能見到明星仔碌地特登X佢」、「咁樣兩個夾落去搶X你波，你都唔火嘅我畀個叻你」，亦有網友指出，穿著白衫的人是姜濤的好友，來搶籃球全因想幫姜濤解圍。

姜濤晚上IG更新Story

雖然網上有好多關於球場衝突的討論，但姜濤就好少理，晚上發布了一條海旁拍攝的短片，只見影片入面有一隻被釣上岸的魷魚，姜濤就問了一句「這就是魷弓魚遊戲嗎？」⋯⋯

重溫：維園直擊肥底姜濤自我加操 不顧儀容做到氣喘為保一哥地位

憑《全民造星》彈起的姜濤，甫出道已是ViuTV風頭躉，拍下不少廣告，是公司金蛋王，也是經理人花姐的頭寵，機會多不勝數。不過，去年由台灣拍完劇集返港的姜濤，自知肥底經常被花姐鞭策要他減肥，無時無刻緊張加操，曾被拍到在維園加操，力保《造星》一哥地位！

原文刊於《東方新地》

姜濤現身維園 專心鍛鍊 做到氣喘

身是肥底的姜濤，稍為放肆進食便好易發福，為保持狀態他不敢掉以輕心，入行以來都積極操練，本刊曾拍到他一個人到維園做運動操fit，當日下午五時許，姜B一個人跑住入維園，他先揀了一個少人的角落位置先做伸展運動，向來淘氣的他自創的體操亦相當另類，只見他配合呼吸大力伸展雙手，之後蹲低再起身，連續做了幾十次才停下來喘息，狂操一輪頭髮亂晒兼大汗淋漓，他依然未捨得停，戲肉還在後頭，做完伸展運動拉筋，便開始高強度練習，成功需苦幹，為保一哥地位，姜濤自我操fit亦非常嚴苛！