姜濤上《今日R.I.P》接受加蔥訪問 扁嘴投訴唔鍾意被叫「姜B」 | 最新娛聞 | 東方新地
未命名-1

姜濤上《今日R.I.P》接受加蔥訪問 扁嘴投訴唔鍾意被叫「姜B」

姜濤成為近年香港土產紅得最快的偶像,當曾志偉都借唔到姜濤上無綫節目,加蔥竟然請到姜濤上《今日R.I.P》接受訪問,加蔥好明顯錫住姜濤,問題唔係太尖銳,節目中姜濤再次展現其謙卑純真的真性情,更自爆買唔到樓的真正原因……

撰文:東方新地 圖片:《今日R.I.P》影片截圖

姜濤上《今日R.I.P》接受加蔥訪問 直言唔鍾意被叫「姜B」

姜濤
加蔥一開始就戴定頭盔,話所有問題都係網民想知。

姜濤展示手機wallpaper

加蔥對住萬人迷姜濤,表現得好正經,一開始他就叫姜濤拿出手機展示wallpaper,而姜濤亦乖乖照做,佢仲話「時刻保持謙卑」是他的左右銘,所以出道以來都沒有換wall paper。

姜濤
姜濤展示手機內的wallpaper。
姜濤
加蔥亦展示自己的手機wallpaper,寫住「我最勁」,姜濤睇完笑咗仲畀叻叻加蔥!

姜濤擇偶唔睇外表

加蔥第一條問題就問姜濤的擇偶條件,姜濤話喜歡的外表可能會成日轉換,所以沒有特定的準則,最緊要是可以體諒他的工作,給予空間。

姜濤
姜濤話自己揀女友唔注重外表。
姜濤
姜濤認為心靈上的溝通好重要。

姜濤唔覺得自己好勁

外表與內在好一置的姜濤,為人內斂,他表示從來唔覺得自己好勁可以代表所有後生仔,只是他夠好運能有機會在幕前發展。

姜濤
姜濤是個有自己想法的人,經常自我檢討。
姜濤
諗唔到點答時,姜濤會做出好多小動作。
姜濤
姜濤直言自己不是完美,也有好多缺點。

姜濤被花姐提醒慎言

講到有意置業,姜濤笑言睇樓唔一定即時買到,更口快快表示有很多酬勞都未收到,不過花姐即在旁扮咳提醒他小心講說話,姜濤笑得好尷尬。

姜濤
姜濤表示目前仍未夠錢買樓。
姜濤
仲話好多支票都未收到。
姜濤
姜濤知道自己講多咗,掩住個嘴笑。
姜濤
姜濤繼續解釋點解酬勞未到手,這時花姐在旁狂咳……

姜濤早已計劃人生

姜濤出道時曾講過,賺到錢買樓就會退休,現在才22歲的他,相信好快就可以達成買樓的願望,至於退休,他表示想30歲前完成自己想做的事情,包括做好音樂及拍一個斥資300萬的MV。

姜濤
加蔥笑指身價不菲的姜濤現在賺的錢可以買多過一層樓。
姜濤
姜濤覺得自己不會長期做星,暗示自己搵夠錢就會退出幕前‧

姜濤與姜B都唔鍾意

出道時才19歲的姜濤,一直被叫「姜B」,夠晒可愛,原來他一直很不喜歡這個外號,不過最估唔到是連真名姜濤也不喜歡,更曾向花姐提議改名,可惜紅得太快,全世界都知他叫姜濤,冇得改!

姜濤
對於人人叫「姜B」,姜濤耍晒手叫唔好。
姜濤
姜濤扁晒嘴話自己都已經22歲,唔想再畀人叫BB。

姜濤上《今日R.I.P》接受加蔥訪問 直言唔鍾意被叫「姜B」

姜濤上《今日R.I.P》接受加蔥訪問 直言唔鍾意被叫「姜B」

姜濤上《今日R.I.P》接受加蔥訪問 直言唔鍾意被叫「姜B」

姜濤上《今日R.I.P》接受加蔥訪問 直言唔鍾意被叫「姜B」

姜濤上《今日R.I.P》接受加蔥訪問 直言唔鍾意被叫「姜B」

即刻睇睇姜濤現身《今日R.I.P》

讀者留言