【聲夢傳奇】周柏豪點名大讚姚焯菲：對佢好有希望

藝人周柏豪以導師身份現身無綫節目《聲夢傳奇》排練探班，表示透過今次節目令自己多出一個補習機會：「有啲嘢以前學唱歌時學過，但忘記咗！（會教佢哋乜嘢？）舞台上嘅嘢同心理質素、咬字，自己係過來人，有懶音，會分享點改善。」

對於一眾學員，周柏豪坦言有幾位很欣賞，當中年紀最輕的姚焯菲令其印象深刻：「我屋企啲小朋友都係10幾歲，但仲係BB咁，但佢好犀利，我對佢好有希望，唱歌、跳舞都OK！如果佢幾年後仲有興趣喺度，我覺得佢有潛質有更大嘅進步。男仔方面，有啲有信心過我，運用方面都純熟過我，可能佢哋多時間訓練，點好似我哋依家冇表演，生晒雜草先！」