炎明熹姚焯菲公主Look曝光　粉絲激讚可愛！

《聲夢傳奇》圓滿結束，炎明熹最後成功揮低一眾對手，成為三料冠軍！雖然姚焯菲捧蛋收場，但佢樣靚聲甜，成功吸咗唔少粉絲！而一班學員將於8月14及15日合體開騷，今早公開發售，門票已極速售罄，最後仲宣布加開8月13日一場，人氣強勁！

騷就下個月先有得睇，一班《聲夢》粉絲只好上網睇番舊片嚟慰藉心靈！近日《聲夢》一班學員玩閃避球嘅片翻Hit，呢個閃避球唔係咁簡單㗎，因為人氣王炎明熹同姚焯菲一齊玩Cosplay化身公主，一個扮愛麗絲，一個就扮白雪公主，粉絲睇完都大讚佢哋可愛，仲大讚佢哋真係好似公主咁呀！