你是你本身的傳奇．堅持磨練 釋放自己 成就好演技 姚子羚

如果當初 姚子羚 Elaine Yiu 無咁倔強、無堅持做演員，就唔會有今日嘅「表哥」或者「立花子羚」同大家一齊講笑。

回想2000年初，子羚贏得「TVB8全能主持比賽」冠軍，決定放棄秘書高薪厚職，入行做主持。無受過正式訓練嘅子羚無耐就接到人生第一部劇《當四葉草碰上劍尖時》，佢坦言當時毫無演技可言，幸好偶像劇相對輕鬆，「柴娃娃」咁就拍完。直到之後嘅《棟篤神探》，佢先真正明白戲劇並唔簡單。一場天台灌白粉戲，從未預想過嘅動粗場景，被 #郭鋒 逼出真演技。拍攝出嚟效果當然好睇，鏡頭背後仍然係「演藝初哥」嘅子羚身心承受唔少壓力，但因為唔想家人擔心亦唔想輕言放棄，獨自喺浴室洗走淚水同情緒，然後繼續演藝之路。再到後來嘅《與敵同行》，除咗帶俾子羚「表哥」暱稱，嗰場 #郭晉安 跪地認錯戲，亦令佢再次感受到一個好演員嘅控場威力。子羚自感幸運，可以喺新人時期遇上鋒哥同安仔「雙郭」前輩演員，令自己更易投入。

子羚演過嘅唔同角色劇集仲包括《酒店風雲》、《鐵血保鏢》、《女警愛作戰》、《公主嫁到》及《同盟》等等，但原來對佢嚟講最滿意嘅並唔係為佢贏得「最佳女主角」嘅《張保仔》「炎貴妃」一角，反而更早嘅《我的如意狼君》先係演藝轉捩點。因為「高爾喬」呢個角色背景複雜，令佢可以做出有別於以往嘅嘗試，發展出更多可能。同時為咗磨練出更好演技，子羚亦由過往習慣壓抑情緒，慢慢學會釋放自己，會去跑步感受生活，亦會喺日常生活中做小練習令自己喊，所以觀眾先見識到後來嘅《SUNDAY好戲王》「19秒爆喊報天氣」示範！

咁多年嘅經驗同磨練，喺子羚人生同演藝事業嘅白紙添上唔少色彩，亦令佢成長為一個專業演員。不過「人生如戲」，就好似《黃金有罪》初出社會嘅「水敏晶」一樣，去到唔同階段、遇上唔同身分，都係重回白紙一張，重新學習。

**全新推出嘅myTV Gold，包攬體育、賽馬、紀實、電影、劇集娛樂、兒童、動漫、TVB、新聞財經節目內容，每月$148睇晒。即到 www.mytvsuper.com/mytvgold 或致電2399-9666查詢優惠詳情啦！

#myTVSUPER #myTVGold #你是你本身的傳奇

#張保仔 #同盟

請到myTV Gold -> TVB -> 最新劇集

#當四葉草碰上劍尖時 #棟篤神探 #酒店風雲 #與敵同行 #鐵血保鏢 #女警愛作戰 #公主嫁到 #我的如意狼君

請到myTV Gold -> TVB -> 劇集

#SUNDAY好戲王

請到myTV Gold -> TVB -> 遊戲節目

請到myTV Gold -> TVB -> 綜藝娛樂

_________________________________________

Hotline: 2399-9666

Instagram:

Youtube:

Website: