主頁 > 娛樂放題 > 絕色寫真館 > 保守派姚子羚 2013 年 06 月 20 日

保守派姚子羚

不經不覺入行已達十一年的姚子羚，近年獲無綫重用，劇接劇，但戀情則未有着落。在新劇《好心作怪》中，她對愛情採取主動，見心儀對象即出擊，懶理女性矜持，終將王浩信追到手。

不過現實中，她卻唱反調，說︰「我比較保守，唔係咁有膽將感情表白，講咗又被人reject會好。我最多係畀啲提示個男仔，多啲約佢和傳訊息。我個人好被動，唯一係會對金城武講『我好鍾意你！』。」

真命天子尚未現身，她現時將愛心全投放在剛從愛護動物協會收養回來的唐狗身上，她說︰「隻狗得嗰七個月大，但同佢好似好有緣，佢成三十磅，一見到我就撲埋嚟，搞到我成身瘀痕。其實養狗都好困身，放假時要照顧佢，開工時就麻煩屋企人幫忙，我都替佢搵緊新主人，但真係要分開時，一定會好唔捨得，依家都心大心細。」愛心氾濫的她，愛情滋潤身心，應是時候為自己物色男友。